Време на подготовка:
15 мин.
Време на готвење:
30 мин.
Вкупно време:
45 мин.
Порции
4 лица
Состојки
- 2 главици лук
- 3 лажици маслиново масло
- 500 гр. лингвини
- 700 гр. пилешки гради
- 1/4 лажичка сол
- 1/4 лажичка бибер
- 1 лажичка рузмарин
- 3 лажици магдонос
- 100 мл. бело вино
- 100 мл. пилешка супа од коцка
Подготовка
Сварете ги лингвините во едно поголемо тенџере со вода според упатството на ќесата.
Додека се варат тестенините исецкајте го лукот на ситни парчиња и пропржете го во тава на среден оган ,со една лажица маслиново масло. Потоа извадете го лукот во една чинија. Додадете во тавата две лажици масло и пржете ги пилишките гради исецкани на коцки. Зачинете ги со сол и бибер и повремено промешајте ги. Кога пилешкото ќе добие кафеава боја извадете го од тавата.
Во истата тава додадете рузмарин, магдонос и зготвениот лук и пржете ги 30 секунди. Потоа додадете го белото вино и добро промешајте. Додадете 100 мл. пилешка супа сварена од коцка, промешајте и оставете ја смесата да се вари на среден оган околу 10 минути.
Вратете го пилешкото во тавата, додадете ги сварените лингвини и добро промешајте.
Тестенините послужете ги топли.
На здравје!
