Во кампањата за враќањето на борењето на Олимписките игри со ова одлично инспиративно видео се вклучи и актерот Џеј Мор кој и самиот бил борач во средношколските денови.

Светската анти-допинг агенција (ВАДА) стана потелерантна кон спортистите кои се љубители на марихуаната и донесе нови правила кои ќе стапат во сила за 2 години.

За да истрчате маратон не е потребна сателитска навигација, но организаторите на еден маратон би можеле да им делат следната година на натпреварувачите затоа што само победникот ја истрчал целата патека, а сите останати скршнале на погрешна улица и истрчале 264 метри помалку.

Петтата трка од Формула 1 шампионатот му припадна на Фернандо Алонсо. Возачот на Ферари помина прв низ целта на патеката во Каталонија пред Кими Раиконен, Фелипе Маса, а шампинот Фетел заврши на четвртата позиција.

Навикнати сме на спортски настани кај нас да слушаме „судија педер" и друг вид на навреди поврзани со женскиот род од фамилијата, но наместо тоа, нели би било подобро на ваков начин да му се прави притисок и да се влијае на судиските одлуки?

Три часа му требаа на победникот да стигне на целта, но не заради должината на патеката, туку заради тежината на теренот. Градчето Малдон во Англија по 11-ти пат нагости 300 натпреварувачи на калливата трка на која освен победникот, награди добиваат и најчудно облечените.

Некои тренери се одлични мотиватори и држат говори пред натпреварите за да го подигнат духот на тимот, а оние кои не ги бива за говори, си кршат запалени палки од грб.

Анализата ја направи Би Би Си кој пишува како балканската мала и млада земја успеа да се издвои како голема спортска сила веднаш по завршувањето на војната во 1995 година. Податокот кој најмногу ги фасцинира е четвртата позиција на ранг листата на ФИФА.

Ако од фудбалот и кошарката може да се изведе нешто заедничко, тоа дефинитивно ќе биде ова забивање со фудбалска асистенција.

Замислете свет во кој секојдневно ќе се разминувате со техничарите на Мекларен Мерцедес и ќе имате ексклузивен пристап до болидот. Тоа е возможно со новата кампања на еден од нивните спонзори.

Усеин Болт не е најбрз човек на светот, барем според резултатите во 2013-та година. 17-годишниот Јапонец, Јошихиде Кирју е најмлад спринтер на планетата кој го израмни јуниорскиот светски рекорд.

Некои ги нарекуваат натпреварувачи, а некои нарекуваат лудаци. Тоа се учесниците на маратонот во Сахара - најтешката трка на планетата во која „лудаците" трчаат 250 километри во јужниот дел на Мароко.

Компилација од најинтересните утки на снукер кои завршиле неочекувано добро.

Учесниците на Гренд слем турнирот во Вимблдон ќе добијат за скоро 10 милиони долари повеќе од минатата година.

Челниците на тенискиот турнир во Париз размислуваат да го искористат правото за промена на правилата на извлекувањето за да се избегне дуел помеѓу Ѓоковиќ и Надал во четвртфиналето.

Актуелниот светски шампион, Германецот Себастијан Фетел беше најбрз на денешната трка од Формула 1 шампионатот во Бахреин. Веднаш, исто како и минатата година, зад него се пласираа Раиконен и Грожан.

Полицијата во Бахреин употреби солзавци за да ги растера демонстрантите кои фрлаа молотови коктели и се обидуваа да направат хаос пред неделната трка во Формула 1 шампионатот.

По терористичкиот напад на маратонот во Бостон, пред почетокот на сите спортски манифестации екипите оддадоа почит со едноминутен молк, но некои ја искажаа својата солидарност и на поинаков начин.

Две експлозии одекнаа во близина на целната линија на еден од најпознатите светски маратони во Бостон. Најмалку три лица загинаа, а стотина се повредени. Мерките за безбедност се подигнати во цела Америка.

Брајан успеа! Ја истрча трката до крај, па дури и финишираше победнички во стилот на Болт.

Двократниот светски шампион Фернандо Алонсо триумфираше убедливо на трката во Шангај за Големата награда во Кина, пред Раиконен, Хамилтон, кој имаше пол позиција и пред Фетел.

Постирањето на сопствено видео зачинето со вашите вештини кои ги поседувате, понекогаш може да ви го исполни сонот. Тоа му се случи на Норвежанецот Хавард Ругланд кој од играње аматерски фудбал, стигна до најпопуларниот американски спорт НФЛ.

Замислете си дека гледате Премиер лига на ТВ и одблиску можете да чуете како Горан Попов на струмички акцент сочно го пцуе Хауард Веб. Ова може наскоро и да биде реалност ако ни се исполни желбата и камерата која се употребува на преноси од рагби натпревари во Англија и Австралија, почнат да ја користат и во останатите спортови.

Македонските пливачи остварија потпросечни резултати на последните Олимписки игри во Лондон, а дел од причините за нивниот неуспех беа и лошите услови за подготовки. Поради немањето на базени, нивните тренинзи често се одвиваат на суво, а ние имаме ексклузивна снимка од еден ваков тренинг.