Перо Антиќ и Тодор Гечевски беа во емисијата Еден на еден. Дуо кое растури на терен за Македонија и кое раскажува мал милион интересни ствари кои ние не ги гледаме на тв. Босанците им барале да им пуштат на ЕП 2011 за да оделе понатаму. Нејќеле да чујат нашиве. Напротив, ги згазиле.

За време на мечот од квалификациите за Европско првенство меѓу Унгарија и Турција, унгарскиот репрезентативец Адам Ханга на истек на време направи ретко виден потег и итро на 1,3 секунди пред крајот на третиот период постигна важна тројка. Сепак на крајот Турците славеа 76-81.

Кошаркарите на Баерн Минхен ја играат најуспешната сезона откако се во Евролига. Предводени од германскиот селектор Гордон Херберт, Баварците имаат 8 победи и само 3 порази и се на високото трето место на табела. Баерн ја згроми Барселона 100-78 а на овој меч тотално луд рекорд постави Андреас Обст со дури 11 постигнати тројки! Нов рекорд на Евролига.

Со двата порази во Литванија во четири дена, Македонија уште повеќе си го отежна патот до кам бек на големите натпреварувања. Но, сепак шанси сè уште има.

Лидерот на македонската кошаркарска репрезентација се огласи по мечот против Литванија и според првичните најави, најверојатно не се работи за тешка повреда.

Плејмејкерот на Македонија и Олимпија Милано, Ненад Димитријевиќ вечерва одигра „НБА партија“ за паметење. Преведено во бројки, за 29:23 минути во игра, постигна 43 поени (7/15 за три поени, 9/15 за два поени и 4/4 од линијата за слободни фрлања), плус и 6 асистенции, 4  скока, 3 освоени топки и 2 загубени.

Далас го доби Денвер без Дончиќ во драматична завршница. Историски трипл дабл на Јокиќ кој доби син.

Уште се смееме за начинот на кој Алекса Аврамовиќ се поздрави со Вучиќ, на приемот после Олимписките игри. Каков лик. Поднаучил малку руски откако замина во ЦСКА Москва. Кога почна да реди што сè благо јаде, вода ни се припи. Ама на лето, на додека трае сезоната.

Македонската кошаркарска репрезентација лошо го отвори мечот против Литванија во салата под Кале. Но имаше и позитивни моменти, како на пример враќањето во последната четвртина од -25 на -11. За издвојување се моментите од најдобрите двајца на паркетот. Кристијан Николов со 18 поени, 6 асистенции, 2 скока и една освоена топка и неуморниот Војдан Стојановски кој реализираше 13 поени кои ги дополни со 3 скока и 2 освоени топки.

Ослабени без Нено Димитријевиќ и Ти Џеј Шортс, кои паралелно имаа клупски обврски во Евролигата, македонската кошаркарска репрезентација беше немоќна против фаворитот Литванија, која иста така во Скопје дојде ослабена. Ги чека долг пат за реваншот, слично како за на апсолвентска екскурзија.

Како што налага традицијата шампионот на НБА неколку месеци по освоената титула доаѓа на гости, на свечен прием во Белата куќа. Таму ги пречекува американскиот претседател. Еднаш Голден Стејт Вориорс го игнорираше Доналд Трамп, а сега Џо Бајден (82) го пречека актуелниот првак Бостон Болс... Овај Селтикс.

Орландо Меџик и ЛА Лејкерс го одиграа најлудиот меч од стартот на сезоната во НБА. Германскиот капитен на репрезентацијата Франц Вагнер имаше ненормална партија со 37 поени и 11 скока. Лејкерси предводени од Леброн Џејмс и Ентони Дејвис водеа четири поени предност на 27 секунди до крајот но тогаш Вагнер настапи и прво го намали резултатот а потоа на 3,1 секунда пред крајот постигна тројка од далечина за голема победа на Орландо Меџик.

Македонскиот репрезентативец Ненад Димитријевиќ како и многумина други кошаркари синоќа не можеше да игра за својата репрезентација поради клупски обврски во Евролига, а за својот Милано кој славеше 98:86 против Макаби Тел Авив постигна 11 поени со по една асистенција и еден скок за само 10 минути и 56 секунди на паркетот. Први стрелци кај „манекените“ беа Зак ЛеДеј со 22 поени и седум скока и Никола Миротиќ со 20 поени и осум скока.

Синоќа во МБА ЛА Клиперс го сопреа Голден Стејт Вориорс кој е во страшен налет, а Џими Батлер се врати после повредата и со 30 поени му донесе голем триумф на Мајами Хит против Филаделфија Сиксерс. А Сиксерси играат очајна сезона - го запишаа 11-от пораз во сезоната и имаат учинок 2-11. Жоел Ембид на неговиот трет меч сезонава имаше само 11 поени и за првпат дури од 2018-та не изведе ниту ЕДНО слободно фрлање цел меч.

Татко низ игра ѝ вика на ќерка му ќе кажеш дека НБА ѕвездата Леброн Џејмс е најдобар на сите времиња или седи во ќош. Девојчето не попушта за ништо.

Под наслов „Дербито што разделува и обединува град“ Евролига го најавува претстојното вечно белградско дерби Црвена звезда - Партизан закажано за четврток од 20.00 часот. Црвено-белите се домаќини и во далеку подобра форма го дочекуваат дербито. Црно-белите, пак, зад себе ќе имаат 1.000 грла во гротлото на белградска „Арена“.

Ефес го доби Реал Мадрид 74:64. Дариус Томпсон дефинитивно ја има најдрската можна рампа на сезоната, па и повеќе од тоа. Му ја запели, го седна на газ, ја зграпчи со две раце, па уште и му ја врати. Неверојатно.

За време на неизвесниот дуел од Евролига меѓу АСВЕЛ од Лион и Црвена Звезда, една навивачка „пушташе магија“ пред центарот на Црвена Звезда Лука Митровиќ да изведе слободно фрлање. Ѝ успеа зошто Лука го промаши второто слободно фрлање.

Сите зборуваат за последното во 1993-та, а никој за првото во 1983-та.  Да му се позлатат рацете на фотографот.

Кливленд Кавалирс прави попара во НБА лигата од старт на сезоната. Екипата преводена од Кени Аткинсон има 13 победи на првите 13 натпревари, почеток каков што Охајо не памети. 13 победи по ред во тек на сезона имаа во 2009, 2010 и 2017 кога за нив играше Леброн Џејмс.

И тоа би бил жесток тренер, ако воопшто се реши при толку голема љубов кон коњите. Тајм аутов е од последните минути на мечот против Далас кој го добија со два разлика.

Милвоки Бакс со 99:85 го совлада Торонто Репторс во дуел на едни од најслабите екипи на стартот од сезоната. Момент на мечот беше забивањето на Бруно Фернандо над Гркот Јанис Антетокумбо.

Олимпија Милано изгуби од Алба Берлин во 9. коло после продолженија 105:101. Екипата на нашиот Ненад Димитријевиќ имаше водство во текот на мечот а на крајот во драма Спањоло од Алба Берлин при нерешен резултат тргна да шутира тројка и промаши. Еторе Месина, тренерот на Олимпија Милано мислеше дека победиле и тргна да се поздравува со противничкиот тренер.