По завршувањето на големото Ел Класико кое заслужено го доби Реал Мадрид 2-1 против Барселона, на теренот имаше голема гужва. Некои играчи на домаќинот тргнаа да се пресметаат со младиот Ламин Јамал кој имаше неумесни зборови на сметка на Реал и пред дербито кажа дека крадат и се жалат. А еден гледач на трибините снимил и една смешна епизода:

Младата суперѕвезда на Барселона, 18-годишниот Ламин Јамал пред големото дерби Ел Класико имаше коментар во една емисија дека „Реал Мадрид ај што краде, туку и се жали“ со што фрли бензин во оганот пред дербито. По триумфот на Реал 2-1, Карвахал, Куртоа и Винисиус му се пуштија на Ламин да се пресметаат со него, но соиграчите ги смируваа.

Килијан Мбапе и Џуд Белингем постигнаа по гол за голем триумф на Реал Мадрид над омразениот ривал Барселона 2-1. Бразилецот Винисиус одигра добар натпревар но во 71' минута тренерот Чаби Алонсо го извади од игра. Кога Бразилецот сфати дека тој излегува од игра почна да гестикулира со раце, да пцуе и не се ни поздрави со тренерот Алонсо. Отиде директно во соблекувална и не го догледал натпреварот.

Со головите на Килијан Мбапе во 22' минута и Џуд Белингем во 43-та, Реал Мадрид го победи најголемиот ривал Барселона 2-1 (Фермин Лопез во 38-ма стрелец за Каталонците). По триумфот во напнатото и тензично Ел класико, Реал сега на Барса и бега 5 бода. „Кралевите“ имаат 27 бода а Барселона 22. Трет е Виљареал со 20 бода.

Шкотланѓанецот Мектоминеј (28) пар сезони беше клучен резервист кај Манчестер Јунајтед и при секое многу влегувања во игра знаеше да постигне гол. Поради слаба минутажа дојде во Наполи. Во првата сезона им донесе шампионско скудето, беше главен играч и меѓу првите стрелци. Сега и сезонава е лидер на екипата. Синоќа во убедлив триумф 3-1 над Интер постигна прекрасен гол! Наполи е прв на табела во Серија А со 18 бода.

Тимот на Роналдо, Ал Наср има максимален учинок и 6 победи после 6 кола во саудиската Про лига. Имаат 21 даден гол и само 2 примени. Имаат 18 бода благодарение на новајлијата Жоао Феликс кој веќе стигна до 9 гола и Кристијано Роналдо кој само во првенството има 6. Синоќа и двајцата дадоа по еден во победата 0-2 над Ал Хазм. Кристијано го постигна 950-от гол во професионален фудбал. Целта му е да стигне до 1.000 погодоци.

На четвртиот натпревар за неговиот нов клуб, новиот италијански прволигаш Кремонезе, 38-годишниот легендарен шпиц Џејми Варди го постигна првиот свој гол. И тоа за 1-0 против силната Аталанта во 78' минута. Гостите израмниле во 84-та минута за конечни 1-1.

Да беше Ѕампарини жив, па да раскажува што сè имаше во Палермо од играчи и какви кариери направија потоа.

Сампдорија - Удинезе, Куп на Италија. Спортклуб со старото лого. Со кариерата на коментаторот не знаеме што се случува.

Во Шпанија некогашниот капитен на Барселона Жерар Пике пред неколку години основаше фудбалски турнир за 7 на 7 кој се игра на светско ниво. Играат разни играчи а главна тема на муабет била екипа извесна како Лос Порсинос (Прасињата). Гостин на еден онлајн стриминг муабет бил и Ламин Јамал кој очигледно уште е незрел за јавни настапи. Пред големото Ел класико меѓу Реал и Барселона во недела од 16:15, водителот го прашал Ламин дали Лос Порсерос се како Реал Мадрид? „Да, крадат, лажат, а се жалат“, рекол Јамал.

Јанг Бојс го добија Лудогорец со 3:2 во Лига Европа. Гостите го поставија конечниот резултат со голчиште во 92 минута преку Иван Јорданов. Ама ја дувна братот.

Најдобриот напаѓач на денешницата, младиот Норвежанец Ерлинг Халанд од Манчестер Сити сезонава веќе има 15 гола на 11 натпревари. 11 погодоци има на 8 средби во Премиер лига и е убедливо прв на листа на стрелци, а во Лига на шампиони има 4 гола на 3 дуели. Еве како изгледа еден обичен ден во неговиот дом.

Скот Карсон го напушта Манчестер Сити и фудбалот. Да не знаеш дали да му се дивиш или да го жалиш. Ма какво жалење. Вие би се жалеле ако ве стават да гледате фудбал, а за тоа неделно да ви плаќаат по 30.000 фунти?

Малку или скоро воопшто непознатиот состав од Гибралтар, екипата на Линколн Ред Импс синоќа во Конференциска Лига со 2-1 го победи големиот полски клуб и повеќекратен шампион на оваа земја Лех Познањ со 2-1. Ова е историска победа на екипа од Гибралтар кој сега напредува на УЕФА листата за клупски коефицент.

Спортинг Лисабон ја забележа и втората победа во Лига на шампиони, откако синоќа после пресврт со 2-1 го победија Марсеј кој водеше долго време. Португалците славеа со играч повеќе од 45+2' минута откако Емерсон Палмиери доби директен црвен картон кај Марсеј. Во финишот црвен доби и Максимилијан Араухо по една срамна глума на стоперот Бенжамин Павар. Главниот судија набрзо му го поништи црвениот откако гледаше ВАР.

Далеку сме од средина на сезоната, а Хари Кејн веќе има фасцинантна бројка од 20 гола по само 12 одиграни натпревари сезонава. Никој не успеал да дојде толку брзо до таков учинок. На Роналдо му биле потребни 13 меча, а на Меси 17.

Три натпревари по ред во Лига на шампиони, германскиот претставник ги игра со резултат 1-5 или 5-1. На 18-ти септември дома го совладаа Галатасарај со 5-1. На 30-ти септември изгубија од Атлетико Мадрид 5-1. На 22-ри октомври изгубија 1-5 од Ливерпул. На три натпревари гол разлика 7:11.

На критиките на социјалните мрежи, за тоа што македонските репрезентативци со албанска националноста, молчат за време на македонската химна, Горан Попов и Дарко Панчев се едногласни: Јавноста не треба да се оптоварува на таа тема, важен е успехот и давањето максимум на терен.

Во европскиот класик, Реал Мадрид вечерва на „Сантијаго Бернабеу“ со 1-0 го совлада Јувентус со голот на Џуд Белингем кој во 57-ма минута го скрши бедемот на гостите. Англиските клубови ја продолжија доминацијата од вторникот кога славеа Арсенал, Њукасл и Манчестер Сити, па вечерва продолжија Челси и Ливерпул.

Убавата бајка која стигна од Шведска каде малиот клуб Мјалби од рибарско место со околу 1.500 жители ја освои шампионската титула пред гиганти како Гетеборг, Малме и други, е најинспиративна приказна есенва во Европа. Ги пречекаа со трактори.

Гостин во подкастот Пресинг е Горан Попов, човекот со страшна левица кој има 46 настапи и 2 гола за репрезентација, а кариерата ја заврши во Вардар каде освои три титули и беше дел од историскиот успех во Лига Европа. Раскажува за блискоста со Шевченко на кој му дал број од Пандев за да го поврзе со ФФМ, за разговорот со Лукаку во Мериот по дуелот со Македонија, со кој инаку играше заедно во ВБА.

Фудбалската опсерваторија (CIES) од Швајцарија веќе неколку години важи за мошне сериозна доверлива институција за бројни анализи на светските фудбалски текови. И редовно објавува нови занимливи податоци.

Да ти каже некој да опишеш малер на колото, прво треба да ти текне на украинскиот стопер од ПСЖ Илија Забарњи. Има среќа што неговите на крај славеа рекордна победа од 2:7 на гостувања во Лига на шампиони, против Баер Леверкузен. Илија скриви два пенали од кои едниот го промаши домашниот бек Грималдо а во 37-ма минута доби и црвен картон. По негова среќа црвен во 33' минута доби и противничкиот фудбалер Андрик па се играше 10 на 10 до крајот .

20-годишниот корпулентен шпиц на Интер и најголема надеж на италијанскиот фудбал, Франческо Пио Еспозито ја користи секоја шанса што ја добива од тренерот Кристијан Киву. Има 2 гола и 1 асистенција за нераѕурите. Синоќа Интер победи убедливо 0-4 против Унион Ројал. Стрелци Дамфрис, Лаутаро Мартинез, Чаланоглу од пенал и Пио Еспозито. А гледајте и што промаши младиот центарфор сам пред гол.