Првиот натпревар од полуфиналето на Лига на шампиони меѓу Барселона и Интер заврши спектакуларно со шест гола. Нераѕурите водеа со 0-2, Барселона се врати, на крајот конечни 3:3 како најава за неизвесен реванш.
Фудбалот и хуманоста победија во Варна. ФФМ објави видео од атмосферата во соблекувална пред пријателската меѓу легендите на Бугарија и Македонија. Ѓоко Хаџиевски му се заблагодари на Христо Стоичков за организацијата, а поранешниот ас на Барселона рече: „Политика нас не не интересира. Ние сме биле пријатели како на теренот, така и надвор и ќе останете пријатели цел живот. Ние сме браќа, тоа е она што е најважно за мене“.
Ханс-Дитер Флик ја презема Барселона кога други бегаа и се криеа од управувачкиот хаос кој владееше на „Камп Ноу“. Прогнозерите и предвидуваа на Барселона втора сезона без титула. И покрај тоа, Барса во моментов е најјака европска екипа, освои два трофеи до мај месец и се бори за уште два!
Во Црна Гора често има многу смешни голови и автоголови, а таков еден сега падна и од 31. коло од црногорската Прва лига на мечот меѓу Отрант Улцињ и Јединство Бијело Поље кој завршил 2:2. Овие две екипи се борат за опстанок. Отрант е на последно место со 28 бода а Јединство е на осмо место кое води во баражот за опстанок и има 35 освоени бода.
Пред речиси секој домашен натпревар на Перу во квалификациите за Светско првенство или за Копа Америка, група шамани прават некаков си ритуал против најдобрите противнички фудбалери. Еднаш правеа „ху-баба-ху“ преку слики на Нејмар. Од тогаш славниот Бразилец пропуштил 527 дена надвор од терените за клуб и репрезентација поради разни повреди.
Ако треба да се издвои најслаб играч на првото полуфинале од ЛШ меѓу Арсенал и ПСЖ, тоа сигурно е Габриел Мартинели. 0 голови, 0 асистенции, 0 дриблинзи, две големи шанси, една глума и еден шут во небо.
Донарума на два пати вечерва го спасуваше ПСЖ да не прими гол, но и на другата страна се редеа чисти шанси за гол. Дезире Дуе, Бредли Баркола и Гонзало Рамос ги имаа најзрелите за тимот на Луис Енрике.
Нова перфектна партија на Џанлуиџи Донарума кој на Емирати блесна без примен гол. Имаше пет одбрани против Арсенал, од кои две клучни во дуел со Мартинели и Тросард. Чисти голови спаси. Јунак.
По 9 сезони во Манчестер Јунајтед, Скот Мектоминеј, од нигде никаде заврши во Серија А. Не е напаѓач, а има 12 гола и решава многу натпревари за Наполи. Не се штедат навивачите кога треба да се викне силно за него.
Навивач на Болоња по име Андреа кој ужива во најдобрите две сезони по клубот во последните 60 и нешто години, се решил на една убава фудбалска гастрономија.
Антонио е италијански навивач на Милан, кој живее во САД и на кој идол му е Антонио Касано. И кога ете ти го неговиот имењак од зад грб. Не само што успеал да го запознае, туку и поминале 2 часа заедно.
Павлета Рашкова е претставителна судијка со ФИФА значка. Ама изгледа се исплаши од Горан Пандев, да не даде уште еден гол на пријателската меѓу легендите на Бугарија и Македонија, која заврши 2:3.
Се гледа крајот на сезоната, во најголем дел од европските лиги треба да се доиграат уште 3-4 кола и ќе се спушти крај на 2024/2025. Ќе се слават шампионски титули, некој ќе испаднат од лига, ќе се прогласуваат најдобри стрелци но и асистенти. Во моментов бр.1 е Ламин Јамал, чудото на Барселона кој во сите натпреварувања има дури 24 успешни додавања за гол.
Рабона ударот важи за доста мангупски потег во фудбалот, ама обично се користи за додавање. Лука Колиќ од Мелбурн Виктори, успеа гол да даде и тоа го лобуваше голманот. Коментаторот веднаш му го прогласи за гол на сезоната.
Стал Мјелец води 1:2 на гостувањето против Заглембје Лубин во првата полска лига и тоа трае само неколку секунди. Домаќините тргнуваат од центар и потоа погледнете што се случува. Веројатно никој не очекуваше вакво експресно брзо и мајсторско решение.
Освои 20 трофеи со Меси, Чави, Иниеста и другарите, три трофеи со Челси, два со Шпанија и ене го на 37 години, уште игра и решава натпревари. Каков легендарен лик.
Норвежанецот Џејкоб Глезен кој игра за Филаделфија, им покажа на Американците како се реагира на прва. Еден од соиграчите за глава за држеше, а голманот не мрдна. Убавина од голчиште.
Да ви кажел некој дека Скот Мектоминеј кој беше резервист и повремен првотимец во Манчестер Јунајтед, ќе дојде во Неапол и ќе го води Наполи во борба за титулата со многу голови и асистенции, сигурно би му се насмеале... Сега Шкотланѓанецот последен се смее.
Барселона, ПСЖ и Интер беа единствените три екипи во битка за тројна круна. Последниве клапнаа тогаш кога требаше најмногу да притиснат на гас. Се чини ЛШ им е спасот на сезоната.
