На отворање на новото Светско клупско првенство кое ќе се игра во формат како Лига на шампиони до скоро, со 32 клуба, 8 групи, нокаут фаза до финале, играа Интер Мајами и египетски Ал Ахли. Мечот заврши 0-0 најмногу благодарение на голманот на тимот од МЛС Оскар Устари кој имаше неколку неверојатни одбрани, а фати и пенал изведен од 38-годишниот Трезеге.

Големите другари кои на времето го носеа дресот на Спортинг Лисабон, капитенот на Манчестер Јунајтед Бруно Фернандеш и македонскиот бек Стефан Ристовски, имаа убаво поминато време кај „лисабонските лавови“ со кои освоија неколку трофеи. Од тогаш без прекин трае нивната дружба и комуникација. Сега Португалецот објави видео и порака до Ристовски на италијански јазик.

Дваесет и четири годишниот холандски стопер од Тотенхем, Мики ван ден Вен важи за најбрз играч во цела Премиер лига. Верувале или не, иако е висок 1.93 и е еден од повисоките стопери, тој има неверојатен спринт. Најбрзиот трк на сезоната Ван ден Вен го забележал кога го бркал Гарначо од Манчестер Јунајтед.

Конор Трејси води двоен живот - работи повеќе од 40 часа неделно во магацин на најголемата фармацевтско-ветеринарна компанија во Оукленд, Нов Зеланд, а во слободно време тренира и игра фудбал. Поточно брани. Голман е.

Сандерленд испиша нови страници во клупската историја откако во големото финале на баражот за пласман во Премиер лига, преку Чемпионшип, го совлада големиот ривал Шефилд Јунајтед со неверојатен пресврт 1-2 во финишот. Сезона за незаборав за „црните мачки“ кои сега сакаат што подолго да останат во најсилното и најбогато друштво.

Ако до денес навивачите на Ливерпул се прашуваа што нивното дете ТАА се запнало да оди во Реал Мадрид по секоја цена, сега е јасно. Англискиот репрезентативец е воодушевен што има можност да игра за Реал. „Горд сум многу што сум овде. Голема благодарност до претседателот Флорентино Перез и клубот Реал Мадрид за оваа можност. Голема одговорност е да се настапува за Реал Мадрид“, на одличен шпански зборувал Трент.

За време на пријателскиот меч меѓу Словенија и Босна и Херцеговина во Цеље кои Словенците го добија 2:1, пред крајот избила голема тепачка меѓу навивачите на двете селекции.

Во жешки места како Истанбул или Неапол фудбалот е повеќе од страст. Затоа кога таму доаѓа нова ѕвезда на потпис со екипата, ја пречекуваат стотици навивачи уште на аеродром. Во Истанбул Лирој Сане потпиша со Галатасарај, во Неапол ѕвездата Кевин Де Брујне со Наполи.

Дваесет и девет годишниот фантастичен германски репрезентативец Лирој Сане сезонава учествуваше во шампионската титула на Баерн Минхен со 11 гола и 6 асистенции на 30 натпревари. Сане даде и по 1 гол во Лига на шампиони и во Купот на Германија. Тој со години беше меѓу клучните играчи на Баварците а летово се реши да не го продолжи договорот со Баерн и се одлучи на необичен чекор - да оди во турски Галатасарај кој за него ќе одвои повеќе од 15 милиони евра.

Некој во режија или се мајтапел или пробал да најде алтернатива на тоа што немаат видео од натпреварот.

Колумбија одигра 1-1 против Аргентина на гости во Буенос Аирес на стадионот „Монументал“ и со 22 бода го задржи 6-то место, последно кое води директно на Светско првенство 2026. Колумбијците во водство ги донесе Луис Диаз со преубав гол после соло-продор во 24' минута.

Во интервју за американскиот „РГ“, македонскиот репрезентативен центарфор број 1 раскажува дека во многу брз период му се случиле најубавите работи во животот, дека уште не е свесен како од маалско игралиште во Штип стасал до една од најдобрите фудбалски лиги на светот. Но не е задоволен од сезонава во целост. Има и причини зошто.

Пред 26.322 гледачи на стадионот на Нотингем Форест „Сити Граунд“, Сенегал и одржа права фудбалска лекција на Англија во пријателски меч. Хари Кејн го отвори резултатот во 7' минута но Сенегалците направија голем пресврт со головите на Николас Џексон во 40-та минута, Калиду Кулибали во 62-ра и Камара во 90'+3 минута.

Бразилците некако ги преживеаа квалификациите за Мундијал 2026 и со новиот селектор Карло Анчелоти ќе настапат во САД, Мексико и Канада следната година. Кариоките синоќа во првиот натпревар на славеникот на 66-ти роденден Анчелоти, пред домашните навивачи на Коринтијанс Арена славеа 1-0 против Парагвај со гол на Винисиус во 44' минута. Ова значи дека Бразилците ќе учествуваат на сите Светски првенства, немаат пропуштено ниту едно уште од првото организирано во 1930-та година.

Фудбалерите на Австралија се нов сигурен учесник на Мундијалот кој следната 2026 година ќе се одржи во три земји: САД, Мексико и Канада. Австралијците лесно ги одработија квалификациите во Азија. Пред натпреварот со Саудиска Арабија во Џеда имаа три бода повеќе од ривалот и подобра гол разлика за осум гола. Саудијците први поведоа со гол на Алобуд во 19-та минута а Австралија победи после голем пресврт со погодоците на Конор Меткалф и Мич Дјук во 42-ра и 48-ма минута.

Репрезентацијата на Србија ја победи Андора со 3-0 во натпревар од групата К во квалификациите за Светско првенство 2026. Сите три гола беа дело на луцидниот центарфор Александар Митровиќ кој го одигра својот златен 100-ти јубилеен натпревар за Србија. Си се почасти со хет-трик со голови во 12-та, 24-та и 53-та минута. На крајот е награден со плакета од првиот човек на Фудбалскиот сојуз на Србија Драган Ѓајиќ и со аплаузи од гледачите и соиграчите во Лесковац.

Сифиве Шабалала, брзото лево крило на репрезентацијата на Јужна Африка го постигна најубавиот погодок на отворање на едно Светско првенство. И тоа во неговата земја, во 2010-та година кога во 55' минута од мечот против Мексико постигна прекрасен гол кој таа година беше номиниран за наградата „Ференц Пушкаш“ која ја доделува ФИФА.

Младиот англиски фудбалер Џоб Белингем денес е претставен како ново засилување за Борусија Дортмунд. Џоб (19) е помлад брат на суперѕвездата Џуд Белингем од Реал Мадрид кој исто така својата класа ја потврди преку Дортмунд пред да дојде во Реал. Џоб и Џуд ја почнале кариерата во Бирмингем. Потоа Џоб продолжи во Сандерленд со кого сезонава имаше огромен успех и преку финалето на баражот во Чемпионшип се пласираа во Премиер лига. Борусија за него плаќа 33 милиони евра плус евентуални 5 милиони евра од бонуси. Игра во средниот ред и покрива повеќе позиции како централен играч за врска.

Една фотографија која ќе стане култен кадар била дело на фоторепортер кој добил многу награди за слика на годината. А главниот јунак ден-денес се жалел за тоа што го направил и чувствувал каење.

Ламин Јамал е дефинитивно играчот кој ја одбележа сезонава 2024/2025. Освои Европско првенство со Шпанија лани, па со Барселона освои шампионска титула во првенство и трофеј во Куп. Играше и во финале на Лига на Нации. Дава голови и асистира како Меси и Пеле во исто време. Има 17 години, уште е малолетен и постарите му укажуваат некои работи. Како на пример Гути кој вели: „Не можеш да се појавиш на прес-конференција со капа наопачки свртена. Тоа можеш да го правиш на плажа, не и на прес“.

Во финишот од дуелот Италија - Молдавија (2:0) во рамки од квалификациите за Светско првенство 2026, режисерот на преносот кој одел на РАИ уловил одличен момент - полна Месечина. Поинтересна глетка за гледачите од она што се случувало на теренот.

Триесет и едно годишниот центарфор на Олимпијакос, Мароканецот Ајуб Ел Каби синоќа постигна прекрасен гол во победата од 1-0 против Бенин во пријателска средба.

Најдобриот тренер на денешницата Пеп Гвардиола добил почесна титула на славниот Универзитет во Манчестер. При говорот од говорницата зборувал и за Газа.

Белгија и Велс одиграа натпревар преполн со голови, паднаа дури 7 погодоци а на крајот славеа Белгијците 4-3 со гол на долгогодишниот капитен на Манчестер Сити Кевин Де Брујне во 88' минута од мечот. Претходно Белгија имаше огромно водство од 3-0 но Велс направи чудо и израмни на 3-3. Сега во групата во која е и Македонија, црвено-жолтите остануваат први со 8 бода, меч повеќе од Велс кој е втор со 7 бода. Белгија е трета со четири бода но има и два натпревари помалку.