Додека фудбалските клубови од Шпанија, Италија и Англија се дават во долгови, германскиот шампион Борусија Дортмунд објави дека минатата сезона оствариле приход од рекордни 215 милиони евра.

Не, полската полиција не се подготвува за војна. Ова е само еден обичен фудбалски натпревар од четврта лига. Можете да замислите како е во прва лига.

Минатиот месец рускиот милијардер Антон Зигаревич го комплетираше откупувањето на 51% од акциите во Ридинг по што странци станаа мнозински сопственици во 11 од вкупно 20 клубови во англиската Премиер лига.

Шведскиот фудбалер Виктор Брансторм постигна гол на натпревар од четвртата лига, а набргу потоа колабирал и починал на пат кон болница.

Голманот Доминик Нидерхозер од швајцарскиот нисколигаш Дарданија од Лозана успеа да го лобува својот колега од спротивниот табор од полу-волеј удар од 75 метри.

Барселона ја забележа и третата победа во серија откако минимално ја совлада Валенсија и ја одржа предноста од пет поени пред Реал Мадрид чии фудбалери ја прославија првата победа по три одиграни кола.

Во дербито на второто коло на италијанската Серија А, Рома славеше на гостувањето кај Интер, а победа на гостински терен забележа и Јувентус кој триумфираше со високи 1:4 во Удине.

Со првенците на Подолски и Казорла, екипата на Арсенал ја прослави првата победа оваа сезона, а Ливерпул го забележа најлошиот старт во последните 50 години. Робин ван Перси постигна хет-трик и повторно беше херој на Манчестер Јунајтед на гостувањето кај Саутемптон.

Милан ја забележа првата победа во второто коло од новата сезона благодарение на трите погодоци на новото засилување Џампаоло Пацини на гостувањето кај Болоња.

Челси доби лекција по фудбал од освојувачот на Лига Европа, а Радамел Фалкао постигна хет-трик за едно полувреме и беше најзаслужен за победата од 4:1 со што Атлетико Мадрид го освои европскиот Суперкуп.

Голманите секогаш имаат најтешка задача. 90 минути ќе бранат одлично, но ќе направат една грешка и по тоа ќе ги памтат. Пепе Реина е квалитетен голман, но често знае да направи и по некој кикс, а еден таков имаше и синоќа.

Познат е и распоредот на натпревари од групната фаза во Лигата на шампионите. Веднаш на стартот на новата сезона ќе гледаме два интересни дуели помеѓу Челси и Јувентус, како и Реал Мадрид против Манчестер Сити.

Во конкуренција со Лионел Меси и Кристијано Роналдо, Шпанецот Андрес Иниеста е избран за најдобар фудбалер во Европа.

Извлечени се групите за новата сезона од Лигата на шампиони. Ако за некоја група може да се употреби терминот „група на смртта", тоа сигурно е групата Д во која се шампионите на Шпанија, Англија, Германија и Холандија.

Магнус Ериксон го одигра последниот натпревар за Атвидаберг пред неговиот трансфер во белгиски Генк и имаше збогување од соништата и тоа со прекрасен гол во последната минута со кој го спаси својот тим од пораз.

Тренерот на Евертон, Дејвид Мојс пред почетокот на куп натпреварот против Лејтон Ориент на загревање го испрати и Шарко, кој и покрај тоа што ги докажа своите голгетерски способности, не доби шанса да заигра на натпреварот кој Евертон го доби со 5:0.

Лигата на шампиони не е приватна забава на фудбалски гиганти со големи стадиони и богата историја. Тоа го докажа и поранешниот клуб на нашите Џевдет Шаиноски и Бајрам Фетаи, малиот дански клуб Нордсјеланд кој со добра организација и развој на млади фудбалери стигна до европската елита.

Кристијано Роналдо и Лионел Меси постојано преку медиумите изјавуваат колку си се почитуваат, но на теренот тоа не е така. Ривалството помеѓу двајцата најдобри фудбалери во Шпанија е толку големо што тие се избегнаа при поздравувањето по завршувањето на реваншот од шпанскиот Суперкуп.

Жозе Мурињо го доби трофејот кој му недостасуваше од Шпанија. Актуелниот шампион го освои и шпанскиот Суперкуп откако на реваншот на Сантјаго Бернабеу ја совладаа Барселона со 2:1.

При резултат 1:1, црна мачка претрча зад одбраната на Торонто за време на нивниот натпревар против Санстос Лагуна во рамките на северноамериканската Лига на шампиони. До крајот на натпреварот Сантос Лагуна победи со 3:1. Немаме информации дали мачката по натпреварот завршила во некој кинески ресторан во Торонто.

По минатонеделната победа на првиот натпревар од шпанскиот Суперкуп, Барселона се израмни со Реал Мадрид и моментално во меѓусебните дуели е 87-46-87, а со победа вечерва Барселона може да има подобар скор за прв пат по повеќе од 80 години.

Грчки ПАОК и австрискиот клуб Рапид од Виена заработија високи казни и ќе бидат суспендирани од европските натпреварувања ако нивните навивачи ги повторат инцидентите од минатата недела.

Во бразилска четврта лига се случуваат и вакви ситуации кога ќе купат шкарт носилки од кинеска продавница.

Конечно заврши и најдосадната трансфер сапуница во историјата на фудбалот. По две години селење во сите можни големи клубови во Европа, детето кое заради војната во Хрватска неколку години живеело во хотел за бегалци и тренирало со дрвени костобрани, потпиша за Реал Мадрид и стана најплатен хрватски фудбалер во историјата.