Во 1972-та година Герд Милер постигна 85 голови за Баерн Минехн и Западна Германија и 40 години никој не успеа ниту да му се доближи на неговиот успех. Се до денес кога Лионел Меси се запиша во историјата.
Неговиот настап на вечерашниот натпревар беше под голем знак прашалник откако се повреди на натпреварот против Бенфика во Лигата на шампионите, но тој бргу се опорави.
Натпреварот го започна со 84 голови во оваа календарска година и потребни му беа само 25 минути за да го урне рекордот.
