Светскиот рекет број 1 во моментов, го истреби Александар Бублик во осминафиналето на УС опен за само 84 минути. Синер загуби само три гема и сите 3 сета ги доби со идентични 6:1. Пазете ја сценава кога се намести да потпишува автограми. И тоа пред самото обезбедување.

Словенците на стартот од Европското забележаа два порази, од Полска и од Франција а потоа се истурија на Белгија која ја совладаа со 17 поени разлика 86-69. Лука Дончиќ беше пак најефикасен кај Словенците со 26 поени, 10 скока и 11 асистенции за трипл-дабл учинок. Дончиќ со право на моменти е бесен на своите соиграчи од репрезентација на кои им се извика на еден тајм-аут.

Сте виделе ли до сега некој да постигне три гола на еден меч, ама сите јаки и тоа два со ножички? И тоа не е ова дело на напаѓач, туку на Жоао Невес од ПСЖ, кој има само 20 години и игра во среден ред. Тулуз - ПСЖ, конечни 3:6.

Новак Ѓоковиќ утре, односно вечерва после полноќ по наше време, го очекува дуел од четвртфинале на Отвореното првенство на САД против домашниот миленик Тејлор Фриц. Ноле ќе има тешка задача против одличниот Американец, а во меѓувреме зборувал за условите на Гренд слемот во Њујорк.

Американскиот фонд кој го води 7-кратниот европски шампион Милан летово направи каша-попара со составот. Откако пред неколку години го отпуштија легендарниот Паоло Малдини кој во улога на извршен директор им донесе прво скудето после долго време, во Милан состојбата е циркуска. Дојде Игли Таре како нов спортски директор, а летово се продадени или позајмени 19 играчи од минатата сезона. Дојдоа некои полу-анонимуси.

Внимавајте на Мика Муринен од селекцијата на Финска, најмладата ѕвезда на ЕП. Има само 18 години, висок е 210 см, игра кошарка во средношколска конкуренција, но веќе е кандидат за забивање број 1 на Евробаскетот. Но, тешко ќе биде да се издвои најјакото од него, бидејќи само што ги воодушеви сите со страшно постер забивање против Велика Британија, истото го повтори и синоќа против Летонија.

После неколку месечно тегавење, конечно на крај во последните мигови од летниот преоден рок, центарфорот на репрезентацијата на Шведска од Њукасл се пресели во Ливерпул и тоа за нов британски трансфер рекорд.

Четвртата селекција која нагази на Србија на ЕП беше Чешка, која немаше никакви шанси. Момците на Пешиќ славеа +22 (82:60), а кошарка немаше веќе по првата четвртина која заврши 27:5. Дури 11 играчи се запишаа на листата на стрелци, а најпрецизен беше Аврамовиќ со 14 поени. Јокиќ одигра само 18 минути во кои оствари учинок од 6 поени, 7 скока и 4 асистенции. Две од нив ФИБА ги издвои на социјалните мрежи.

Во очи на репрезентативните обврски против Саудиска Арабија и Лихтенштајн, Елиф Елмас се обезбеди со клуб и тоа онаму каде што му беше најубаво. Во Наполи.

Интересно беше колото во бугарскиот фудбал викендов, каде бележиме два лудница голови и тоа на презимиња идентични со двајца славни играчи од златната генерација на Интер. Првиот на Ето од ЦСКА Софија, а вториот на Мајкон од Левски Софија. Ова може на крај да биде прогласен и за гол на сезоната.

Интер киксираше во 2. коло од Серија А против Удинезе со 1:2 и тоа после водство. Готови беа да израмнат во 69-та минута, ама настана таков карамбол пред гол, што веќе не се знаеше кој што прави со топката.

Сакавме уште во наслов да напишеме „ритрн“, ама ќе има лајачи на ФБ, дека не сме пишувале на македонски. А ритрн е и никако поинаку со тениски речник. Ѓоковиќ е на три меча до 25-ти Гренд слем во кариерата.

Светскиот рекет број 1 го совлада Денис Шаповалов од Канада со 3:1 после пресврт и се пласираше во осминафиналето на УС опен. Синер стана четвртиот најмлад тенисер во историјата кој стигнал до 20 победи на сите четири гренд слем турнири. Пред него помлади со вакво достигнување се само Рафаел Надал, Борис Бекер и Новак Ѓоковиќ. Ова е поенот на мечот.

Го имаме видеото на денот со големата УФЦ ѕвезда во најмакедонското издание до сега евр. Александар Волкановски, роден во Австралија, од татко Македонец и мајка Гркинка е девер на македонска свадба. Спремен отиде кај невестата, со ракија на сватовите и бакшиш за музичарите. Плус знае и орото да го тера. Ајде деверчееее.

Луис Суарез е стварно копук. Џабе толкав стаж во 9 клубови, во 6 земји, џабе трофеи и 300 камери кои му ги снимаат идиотските потези. Овој пат не гризна никого, туку плукна во фаца член на обезбедувањето на Сиетл, од кој Интер Мајами загуби 3:0 во финалето на Лига Купот.

Србија ја продолжи низата на победи, а во третиот меч на Европското ја совлада Летонија со 84:80. Светислав Пешиќ се изнервира на пресот поради прашање на српски новинар до Огњен Добриќ за наводен инцидент со летонскиот селектор Лука Банки.

Карлос Алкараз го збриша Французинот Артур Риндернех 3-0 (7-6, 6-3, 6-4), со што обезбеди пласман во четвртфиналето на УС Опен. Шпанецот им приреди шоу на Американците кои станаа на нозе после еден мајсторски поен.

Шарени резултати имаше викендов во 3. коло од Премиер лигата. Тотенхем загуби дома од Борнмут, Манчестер Сити се посрамоти против Брајтон после водство од 0:1, а Манчестер Јунајтед се извади против Барнли во 97-ма минута. 83 минути беа потребни да видиме гол на дербито Ливерпул - Арсенал, кое го реши Доминик Собослаи со прекрасен слободен удар.

Се вика Џејмс Ето, игра за ЦСКА Софија, Камерунец е, ама не му е син на славниот Самуел Ето. Но, тоа не го намалува фактот дека веќе е кандидат за гол на сезоната во Бугарија. Ама ја опали на прва.

Само два дена по драматичниот меч поен против Нуно Боргес, Томи Пол и во 3. коло на УС опен имаше долга и неизвесна партија во 5 сета, овој пат против Александер Бублик, кој не успеа да го победи. Но, и од овој натпревар имаме поен за издвојување. Тежок лоб удар каков што ретко се гледа.

Србија стигна до 3 од 3 на Евробаскетот. На третиот натпревар ја совладаа Летонија со 84:80 и скоро пола од поените се на Никола Јокиќ, кој пружи доминантна и рекордна партија со 39 поени, 10 скока, 4 асистенции и 3 украдени топки. Откако Србите играат на Европско како независна држава од 2007-ма, ова е рекорд на поени. На второ место е повторно Јокиќ со 32 поени против Италија 2022, исто колку што дал и Милош Теодосиќ против Словенија 2009-та.

Мечот меѓу Универзитатеа Крајова и Истанбул Башакшехир од Конференциската лига во четвртокот, ни носи ново поглавје во фудбалот. Спикерот на романскиот тим, кој славеше 3:1, доби црвен. Немаме видено вакво нешто до сега. Вие?

Рекордер во историјата на МЛС лигата со најбрзи 4 гола е дело на фудбалер со македонско потекло. „Горд сум што сум од Македонија“, вели 26 годишниот Илоски.

Индија има 1:2 на гости против Таџикистан и добива слободен удар на истекот од 7 минута судиско продолжение, а ќе се играат 8. Значи има шанса за 1:3. Арно ама...