Дуел меѓу екипите Јамербугт и Коге во втора лига на Данска. Домашните победија 4:3 а во тоа им помогна и Максимилијан Зауер со многу смешен автогол во стилот на расни напаѓачи.

ЦСКА Москва викендов му гостуваше на Арсенал од Тула во 7. коло од рускиот шампионат. Мечот заврши 2:2, а гостинските навивачи се надминаа себе си со идејата како да одат на гостување. Од Москва до Тула има околу 190 км пат.

За разлика од ексцентричните полетни ама зелени тенисери кои тешко го изодуваат патот до професионализмот, Данил Медведев се изборил со сите предизвици и стигна до најголемиот пехар во неговата кариера.

Ќе ви треба едно 5-6 пати да ја изгледате сценава од мечот меѓу Мехелен и Остенде и пак нема да ви биде јасно како е ова можно. Па од кафана да станеа, подобро ќе изиграа. Крајот е стварно пијана работа.

Без разлика дали се на меч од Лига Европа против Зенит, на куп пресметка против Влазрими или по ново во второлигашка конкуренција, најверните навивачи на Вардар се во топ форма за својот клуб. Триумфот од 2:0 против Воска Спорт од Охрид го славеа со фудбалерите на ист начин како со ракометарите во Јане.

По пауза од речиси четири месеци, Златан се врати на терен и беше автор на триумфот на Милан од 2:0 против Лацио. Швеѓанецот со балканско потекло привлече внимание врз себе со новиот имиџ - фризура со плетенка.

Во супер меч во кој навивачите видоа дури седум гола, Реал Мадрид ја совлада Селта Виго со 5:2 после два пресврти и со триумф го одбележа враќањето во својот дом после дури 560 дена.

Култниот италијански клуб за жал сезонава се наоѓа во второлигашко друштво, но тоа не е никаква пречка да не добие поддршка од тие што вистински го сакаат. Викендов гостуваа, тепаа убедливо со Џиџи на голот, а на трибина македонско знаме.

Најдобриот тенисер во светот кој е број 1 на АТП рекордни 338 недели, не успеа да ги врзе сите четири Грен слем титули во една година и да стигне прв до историска бројка од 21.

Фудбалерите на Рома синоќа го совладаа Сасуоло и заедно со Наполи и Милан се единствените екипи со 3 од 3 на стартот. За Жозе Мурињо победата значеше многу. Ја прослави во свој стил.

Баер Леверкузен и Борусија Дортмунд одиграа дерби за мерак. Славеа гостите со 3-4 во најинтересниот меч од почетокот на сезоната во Бундеслига. Халанд даде два гола а при прослава на едниот ги гаѓаа со пива од трибини, па англискиот репрезентативец Џуд Белингем фати едно во лет.

Баварците со 1-4 го прегазија најголемиот конкурент за титулата сезонава, РБ Лајпциг, ама единствениот гол за домашните кој го распали Конрад Лајмер беше за најавни шпици.

Серија А излезе со еден статистички податок на кој нема Македонец кој не би се гордеел. Во друштво на топ 10 активни фудбалери во Серија А со најголем број на настапи, да ти бил и Горан Пандев и тоа на трета позиција.

Појако враќање дома и не можеше да посака. Два гола, победа, скандирање на неговото име, мајка му на трибина, како и неговиот фудбалски татко Сер Алекс Фергусон.

Не само што го видоа во прва постава уште на првиот меч, туку веднаш даде гол и предизвика еуфорија на култниот стадион во Англија. По пауза од 12 години, Кристијано Роналдо се врати на Олд Трафорд со погодок против Њукасл.

Новак Ѓоковиќ ја доби тешката битка против Александер Зверев, за пласман во финале на УС опен кое му дава шанса да се бори за историски Грен слем 21, бројка која никој не ја достигнал во историјата на тенисот. Како и на претходните мечеви, Србинот го загуби првиот сет, потоа направи пресврт за на крај да победи со 3:2. Сите зборуваат за поенот во третиот сет, кој не сакаше да заврши.

Астон Вила после 3 кола има по 1 победа, 1 нерешена и 1 пораз во Премиер лигата. Гол разлика 5:4, а од петте гола два даде 29-годишниот Дени Ингс кој игра во одлична форма и се врати во англиската репрезентација. Голот кој го даде против Њукасл со полу-ножички е прогласен за гол на месецот во Премиер.

Чекаше осум години, изјави дека го болело секоја година кога ќе видел дека не е на листата и конечно дочека. Крис Вебер и официјално на утрешната цереномија во Спрингфилд влегува во Куќа на славните, заедно со Пол Пирс, Крис Бош, Тони Кукоч и Бен Волас.

Тоа се тие градски ривалства во Италија, шеташ низ Рим и ако си почетник како Жозе, може лесно да го утнеш квартот или ресторанот. Но добро, сето ова излезе симпатично и од двете страни. Навивачот се пошегува, а Мурињо веројатно чекаше фотка и мислеше дека се работи за романист.

По пауза од 22 години, на Грен слемот во Њујорк ќе има тинејџерско финале. Лејла Фернандез (19) од Канада против Ема Радукану (18) од Велика Британија. Ова што го прави Ема е неверојатно. Стигна до финале како 150-та во свет и тоа без загубен сет.

Со нов хет-трик за својата Аргентина, Лионел Меси стана најдобриот стрелец на една репрезентација во историјата на Јужна Америка. Легендарниот Лео сега има 79 гола за репрезентација.

Во 2008-ма година стоперот кој по потреба играше и бек, во финале на Лига на шампиони му намести гол на Кристијано Роналдо против Челси во Москва. На пенали тогаш Манчестер Јунајтед ги совлада „сините“ а Роналдо и Вес Браун тогаш беа соиграчи а сега се во поинакви улоги.

Колумбија - Чиле: 19-та минута 1:0, стрелец Борха. 20-та минута 2:0, стрелец Борха. 27-ма минута Борха во напад за хет-трик кој можеше да го оствари за 7 минути. Некогаш човек треба да е себичен.

Во Буенос Аирес имаше Меси шоу, а во еден момент гостите не знаеа како да се носат ниту со Анхел Ди Марија. Камерата едвај го пратеше, на па тие. Бркај, бркај, не се добркува, ќе мора по цеваница.