Брливиот Балотели во 16 минута од средбата испали убавина од проектил со кој го отвори резултат, а домаќините во 77-ма минута извадија бод со помош на автогол за Гезтепе - Адана Демирспор конечни 1:1.
За Марио Балотели ова е осми гол сезонава за Адана на 20 настапи. Македонскиот репрезентативец, Адис Јаховиќ беше стартер и сменет по еден час игра.
Турците го анализираа голчиштето на италијанскиот напаѓач и заклучија дека ударот од 26 метри се движи со брзина од 123 километри на час.
