Фрустрирачки е кога губиш 4:0, па уште и да гледаш како противникот си игра мајтап, со понижувачки однос. Фудбалерите на Сантос не можеа повеќе да го толерираат Адсон од Коринтијас кој по високото водство ја гњавеше топката, па му се сипаа.

Двајца навивачи на Шарлот Хорнетс го чекале Ламело Бол, но наместо него, од гаража им се појавува Ем Џеј, кој е инаку газда на клубот. Му бараат фотка, ама ги одбива, а некои медиуми пишуваат дека за тоа што го снимаат со телефон им рекол: „Спушти го тоа срање доле“.

Еден ден откако ЕХФ и официјално потврди дека го исфрла двократниот европски првак од ЛШ за следната сезона, стигна соопштение од Јане Сандански, во кое работите ги образложува првиот човек на клубот.

На Светското првенство по водни спортови во Будимпешта се случил прав трилер: американска пливачка по синхронизирано пливање изгубила сознание додека била во вода. Додека спасителите сфатиле што се случува, прва на помош доскокнала селекторката која влегла во базен и ја спасила младата пливачка.

Саранда со отприлика 20.000 жители, Добој со 71.000 жители, Радовиш со околу 16.000 жители, Панчево со 90.000 се само некои од градовите во Европа кои никогаш немале фудбалски прволигаш. Има градови и со по 214.000 и 188.000 жители кои никогаш не виделе прволигашки фудбал.

Македонската фудбалска репрезентација падна две места на најновото рангирање на ФИФА, објавено денеска.

Во дербито на колумбиското првенство, Атлетико Насионал со 3-1 ја совлада Депортес Толима. Од трите гола, вториот кој падна во 71’ минута беше чудо невидено. Јерсон Кандело од преку пола терен го изненади гостинскиот голман и го распали цел стадион.

Атлетико Минеиро го совлада Фламенго со 2:1 во осминафиналето од Купот на Бразил. Уште по 7 минути игра, Хулк ги збесна навивачите со ретко виден лоб. На голманот нема да му текне друг пат да прави вакви излети.

РК Вардар нема никаква реакција до јавноста за егзодусот кој му се случи на европска сцена, па како и во сите претходни тешки мигови за клубот, со свој став се изјаснуваат нивните најверни навивачи. Прстот го вперуваат на две страни.

Салата Азовмаш е дом или за жал беше читав дом на седумкратниот украински првак Мариупол, кој е патем и пет пати освојувач на Купот на Украина, како и финалист во Еврокупот во 2007-ма. Само обрачот виси.

Да влезе тука, со можност да го остават едно две недели.

Европската ракометна федерација ја потврди одлуката на Извршниот Комитет, да не му се дозволи следната сезона учество на македонскиот првак во европските купови. Тешко на Вардарци, а со тоа и на македонскиот ракомет.

Атмосферата во соблекувалната на победниците обично е јасно како изгледа и често имаме можност да ја гледаме, но да видиме како изгледа онаа на поразениот тим, во случајот Кјелце кој ја загуби битката во Келн од Барселона на пенали. Цела сезона труд и пот до даска и на крај пораз во финале само поради еден промашен пенал. Колку тага на едно место.

Стоп за пица со ананас.

Динамо Загреб успеа потајно без голема помпа да го доведе најголемиот хрватски талент во моментов, младиот стопер Бошко Шутало од Аталанта за 3 милиони евра. Интересно, во тимот на нашите Ристовски и Адеми веќе игра еден друг фудбалер со презиме Шутало. И Бошко и Јосип Шутало се стопери. И двајцата се високи 1.88 см, двајцата ги почнале кариерите во ФК Неретва, а немаат никаква роднинска врска.

Македонскиот стратег кој ја почна тренерската кариера на 27 години во Карпош Соколи, слета во Москва, а Русите го пречекаа како прави домаќини и направија мини шоу од неговото пристигнување.

Шесткратниот светски шампион во ватерполо, репрезентацијата на Србија со триумф над САД (17:13) го отвори новиот Мундијал во Унгарија каде играат најсилните селекции на светот. За време на еден тајм-аут српскиот селектор Дејан Савиќ урлаше на своите играчи што биле многу лежерни.

Луис Хамилтон, повеќекратниот Ф1 шампион и великан во мотоспортот, едвај излезе од болидот на 12 јуни во Баку поради незгода. Се држеше за грб, викаше по радио-станицата и се молеше трката што поскоро да заврши, а на крајот отишол кај физиотерапевт и акупунктурист за опоравок.

Од 672 комада постигнати за Барселона на сите натпреварувања, секогаш ќе биде тешко да се состави најатрактивна компилација. Ако треба да бираме меѓу лоб ударите, нека биде оваа мајсторија меѓу најдобрите, ако не и најдобра. Сезона 2018/2019 против Бетис, со одличен коментатор и музика за морници. Едноставно најнормално е секој голман да биде неспремен на каков брилијантен потег на прва.

Скопје на почетокот на овој месец беше сведок на фешта каква што до сега не направила ниту една друга навивачка група. За 35 години од формирањето на Комити, 75 години Вардар и 5 години од освојувањето на ЛШ, реката Вардар светеше со 500 факели од мостот Близнак во Хром до Ново Лисиче.

И кога пола екипа беше десеткувана и мораше без својата втора половина од Сплеш браќата, и кога Вориорс паѓаа во ритам во текот на сезоната па мораше да се држат на место кое води во плејофот, капитенот ги водеше. Во плејофот ги нижеше Нагетс, Гризлис и Маверикс за да на крајот му го земе скалпот и на Бостон Селтикс. И тоа среде „ТД Гарден“ на гостински паркет.

Лоши страни: Нема море и плажа. Добри страни: УЖИВА.

По 60 минути игра, Кил - Веспрем 34:34 во мечот за трето место и Барселона - Кјелце 28:28, финале. Влог 2.000 денари, добивка 2.000 евра, како за пред одмор.

Мундијалот во Катар, прв во овој дел од светот и прв во историјата кој ќе се игра во ноември поради огромните температури преку лето, ќе биде чуден за многу навивачи кои ќе допатуваат да ги бодрат своите земји.