Јусуф Ен Несири е јунакот на Мароко кој со небесен скок во 42 минута испиша нова историја за својата земја и за цел континент, кој во мундијалската историја никогаш немал претставник во полуфинале на Светско.
По елиминацијата на светскиот првак Шпанија, Мароканците приредија ново чудо против уште еден фаворит, инаку европски првак од 2016-та со богат фонд на играчи и многу ѕвезди со големо искуство на вакви натпревари.
Португалците имаа неколку големи шанси, но немаа лек за Јасин Боно, кој внимавајте добро, има примено само еден гол на ова Светско првенство.
Мароко е хит број 1 во Катар и прими гол само од Канада. Со Хрватска одигра 0:0, Белгија ја совлада 2:0, а во осминафинале ја сруши Шпанија на пенали со 3:0, откако по 120 минути мечот заврши без голови.
Мароко е втората селекција која ќе игра полуфинале на СП, а не доаѓа од Европа или Јужна Америка.
Противник во полуфинале ќе им биде победникот од дуелот Англија – Франција кој стартува во 20 часот.
МАРОКО - ПОРТУГАЛИЈА 1:0
0 - Cristiano Ronaldo has failed to score in all eight of his knockout stage appearances at the World Cup (inc. third place play-off), going 570 minutes without scoring and taking 27 shots in the process. Exit. pic.twitter.com/HyTrpoUad0
— OptaJoe (@OptaJoe) December 10, 2022
