Словенија после продолженија го совлада Израел 106:96 откако во основното време резултатот беше нерешен. Лука Дончиќ го заврши дуелот со 37 поени, 11 скока и 9 асистенции. Му фалеше уште едно успешно додавање за трипл-дабл учинок за 34 минути на паркетот. Словенците во недела вечер играат против Шпанија или Италија во осминафинале.

На пријателска средба против Саудиска Арабија вечерва во Прага, Македонија прва поведе преку Александар Трајковски кој постигна страшно голчиште со ножички во 40' минута. Израмни Ферас Албрикан во 45' минута на 1-1.

Македонската фудбалска репрезентација со почеток од 17 часот игра пријателска против Саудиска Арабија во Прага, а во недела го пречекува Лихтенштајн во квалификациите за СП. Во пресрет на двете средби, Трајковски сними материјал на кој може да се види како се релаксираат репрезентативците. Пред тренинг се собираат во соба на карти, а потоа на кафе.

Јужноамериканците се фанатици за фудбал, ама често пати немаат акал кога одат на стадион. Што чудо од пиротехника ќе беше ова, кое напаѓа луѓе. Погодија играч кој легна на земја. Луда работа.

Кошаркарите на Финска со учинок 3 победи и 2 порази одат во осминафинале каде ќе играат против Србија. На нет се појави видео на кое се гледа како се загреваат и палат пред натпреварите во соблекувална. Еден Финец во коментар вика „Ова е нормално кај нас при поздравување“.

Кладба е кладба. Високиот центар на Словенија Ален Омиќ сам си го бараше. По крајот на денешниот тренинг на Словенците кои од 17:00 играат против Израел, Омиќ му рекол на Дончиќ ајде во 50 склека дека од таму нема да погодиш. Лука: „Молам“?!

Така лесно, знаат во Аргентина.

Пелистер направи одлична увертира пред стартот на новата сезона каде ќе игра во Лига на шампиони и Суперлига, како и во македонскиот Куп откако во Суперкупот го совлада Вардар 1961 со 28-27. Вечните ривали пред полни трибини во салата „Јасмин“ во Кавадарци постојано се менуваа во водство. Битолчани во вториот дел го презедоа кормилото и водеа до крајот. Црвено-црните се вратија резултатски но не израмнија во финишот.

Иако уште пред неколку месеци беше најавено дека последниот натпревар на Аргентина на домашен терен во квалификациите за Светско првенство 2026 може да биде и последен за Лионел Меси на домашен терен, многумина го игнорираа овој факт. Ама тој ден односно ноќ очигледно дојде. Вечерва Аргентина ја пречекува Венецуела на „Монументал“ во Буенос Аирес каде Лео најверојатно за последен пат ќе го носи најсаканиот дрес на домашно тло.

Дваесет и четири годишниот турски центар веќе некое време е меѓу подобрите играчи во НБА. Настапува за Хјустон Рокетс каде е главен поентер во текот на цели сезони. Сега брилјира на Евро 2025, а синоќа го надигра дури и неговиот идол Никола Јокиќ во триумфот 95-90 над Србија. Шенгун веднаш по мечот изјави дека Јокиќ е најдобар играч на светот и дека му е драго што играл против него.

Актуелниот светски првак Аргентина вечерва против Венецуела ќе го одигра последниот натпревар на домашен терен во квалификациите за Светско првенство 2026. Гаучосите веќе одамна се пласирани на Мундијал, а тоа што долго време нема да играат на домашен терен значи и дека Лео Меси веројатно ќе го гледаат за последен пат дома.

Не е познато дали ова е пред или после четвртфиналето на Јаник Синер, ама како и да, имаме интересна снимка од зад сцената со светскиот рекет број 1. Детското од себе го извадија.

Јаник Синер игра страшен тенис и е фаворит број 1 на УС опен, каде ја брани титулата. Го збриша со 3:0 и својот сонародник Музети и закажа полуфинале против Феликс Оже-Алијасим од Канада. Форхенов му е воодушевувачки.

Црна Гора, неочекувано загуби од Велика Британија со 89:83 во последното коло од Б групата и мораше да се помири со елиминација во последното коло на Евробаскетот. Најтешко му падна на Никола Вучевиќ.

Алперен Шенгун ја доби „НБА пресметката“ со Никола Јокиќ во дербито на групата А на последниот меч од групната фаза.

Тејлор Фриц е 10 години помлад од Новак и човек е нормално да помисли дека по вакви тешки удари поенот ќе отиде кај младината. Ама кога се работи за Ѓоковиќ, годините се небитни.

Јаник Синер е во топ форма и најавува одбрана на титулата на УС опен. Во осминафинале го збриша Александер Бублик со само 3 загубени гема, а во четврт ќе игра против Музети. Таман кога ќе помисли човек дека му земал поен, тој ќе стигне во било кој дел од теренот.

Баер Леверкузен 2023/2024 беше бајка над бајките. Ја освоија првата шампионска титула во историјата и станаа први во Бундеслигата на кои тоа им успеало без пораз. Прекинаа серија на Баерн од 11 титули по ред. Потоа го освоија Купот, а беа финалисти и во ЛЕ. За жал оваа приказна опстои многу кратко. Ланската сезона не освоија ниту еден трофеј, а од првите 11 кои ја испишаа историјата, оваа сезона играат само Роберт Андрихт и Алекс Грималдо.

Дино Раѓа, Зоран Савиќ, Душко Ивановиќ, Тони Кукоч, Велимир Перасовиќ, Зоран Сретеновиќ, Петар Наумоски, Горан Собин, Арамис Наглиќ, Лука Павиќевиќ. За помладите: Тоа е бандата наречена Југопластика или сегашен КК Сплит. Екипа страв и трепет која три години не го даде тронот на Европа (1989-1991). Во финале го згазија Макаби Тел Авив, па два пати Барселона. МВП еднаш Дино Раѓа, два пати Кукоч. Млади и двајцата. Време на страшни југословенски баскетџии, кои беа терор под кошевите и во кое најмладиот ги носел торбите.

Шеесетгодишен Швајцарец по име Флоријан Тирлер официјално влегол во светската Гинисова книга на рекорди како сопственик на најголем број дресови од еден единствен клуб.

Мароко има 5/5 во квалификациите за Светско првенство и е речиси пласиран на Мундијал 2026. Капитенот на Мароканците Ашраф Хакими додека се возел до базата на репрезентацијата, решил да застане на улица кога видел едни деца како играат фудбал и да им се приклучи. Не им се верувало кого гледаат до нив.

Сеута е шпански клуб од истоимениот град кој се наоѓа на брегот на северна Африка на граница со Мароко. Овој град е познат како граница меѓу Медитеранот и Атлантскиот океан а многу често тука проаѓаат мигранти од северна Африка на пат кон Европа. Фудбалскиот клуб е второлигаш а најмногу ги радува локалните мештани кога во Кралскиот Куп на Шпанија ќе падне со Реал, Барселона или некој друг гигант.

Португалците во јуни ја освоија шампионската титула во Лига Нации, а сега ги чекаат квалификации за Светско првенство и дуели со Ерменија и Унгарија на гости и со Ирска и Унгарија дома. Во меѓувреме репрезентацијата на Португалија снимила емотивно видео за нивниот трагично загинат другар и соиграч Диого Жота.

Се разгорува кошарката во финишот од групната фаза. Босанците направија сензација против Грција и им го нанесоа првиот пораз на ЕП.