Елиф Елмас влезе во 70-та минута, но не успеа да му помогне на Наполи против моќниот Реал Мадрид кој ја доби големата и жестока битка со 2:3. Ноќ на изненадувања во 2. коло од ЛШ. Галатасарај славеше на Олд Трафорд, Ленс против Арсенал, а Брага направи голем пресврт во Берлин и успеа да го добие Унион со гол во 94-та минута после негатива од 2:0.

„Гледајте го Меси, тој е капитен кој не зборува и не треба да зборува, бидејќи тоа го прави на терен. Може да постигнува голови каде што сака, исто како Роналдо. Кај сакаат може да играат“.

Фудбалерите на Милан утре вечер играат дерби меч против Борусија на гости во Дортмунд во 2. коло од Лига на шампиони. Тренерот Стефано Пиоли решил денес пред крајот на тренингот да пушти на звучници навивање на навивачите на Борусија, со цел екипата да се адаптира на громогласната атмосфера. Ко да е Милан селски клуб па не видел таков амбиент.

ПСВ Ајндховен после извесно време се врати на голема врата и игра во Лига на шампиони. Некогашниот европски шампион повторно е на мапата со најголемите европски клубови. Заслужено. Имаат одличен млад тим (најмлад во цела ЛШ), прекрасен стадион и громогласни навивачи. Вечерва во 2. коло ја чекаат Севиља.

Во последната рунда од квалификациите за Мастерсот во Шангај, на мечот меѓу Австралиецот Марк Полманс и Италијанецот Стефано Политано, првиов при резултат 7-6, 6-6 (6-6) во тај-брејк со сета сила го удри судијата со топчето после загубен поен. Дисквалификуван е и исфрлен од турнирот.

После неколку годишна, нелогична и несфатлива неможност да бидат таму, Вардарци се вратија во својата тренинг база.

Баварскиот титан вечерва од 21 часот игра на гости кај Копенхаген во 2. коло од групна фаза во Лига на шампиони. Баерн Минхен во 1. коло го совлада Ман. Јунајтед со 4-3 и ја продолжи непобедливата серија од 35 меча по ред во Лига на шампиони! Имаат 32 победи и 3 нерешени средби.

По три месечен безпоштедно забавен летен распуст со многу провод и релаксирање со коњите, МВП-то се врати во Денвер за да се спрема за новата НБА сезона која стартува на 24 октомври. Вели дека летово неколку пати фатил баскет, а Мареј и тоа го демантира.

За време на дерби средбата од бугарската прва лига меѓу Левски Софија и Лудогорец која заврши со победа на гостите 0-1, хулигани од главниот град на Бугарија протерале од трибините две црномурни момчиња со навреди „мангали бегајте од тука, не сте добројдени“. 

Во 15. коло од колубмиската прва лига Примера А, Депортес Толима го забележал и четвртиот триумф по ред. Победиле против Бојака Чико 2-0 а првиот гол на дуелот е томахавката од насловот. Ја испалил Жуниор Ернандез Ангуло.

Без Лео Меси, Интер Мајами е никој и ништо. Додека тој е повреден, не можат да победат и на последниот меч одиграа 1:1 против Њујорк Сити. Погледнете ги слепциве што контра напад изведоа.

Натпреварот од 2. коло на азиската Лига на шампиони меѓу ирански Сепахан и саудиски Ал Итихад за кого играат Карим Бензема и Нголо Канте бил откажан поради тоа што гостите не сакале да излезат на терен додека не се отстрани бистата на ирански генерал.

Во последниот меч од 7. коло Челси го совлада Фулам на гости и конечно после којзнае колку време врза две победи по онаа со Брајтон во Купот. Сините славеа со головите на Албанецот Армандо Броја и Михаило Мудрик во само 1 минута, но мечот остана во сенка на нов судиски превид. Овојпат кога Карлос Винисиус намерно и силно го удри Тиаго Силва. Помина без картон а не беше прегледан ниту ВАР.

Изумот е на навивачите на Ѓургарден, познати меѓу нивните ривали како мајмуни. Симболиката на Кинг Конг кој гмечи стаорец е демек Ѓургарден го дроби АИК, кои пак себе си се нарекуваат глодари, но ривалите ги нарекуваат стаорци.

Ал Наср како фаворит над првакот на Таџикистан, Истиклол славеше со 3:1 во ЛШ и тоа изненадувачки откако гостите поведоа во 44-та минута. Со израмнувањето на Роналдо и двата гола на Талиска, Ал Наср стигна до 3:1 во рок од 11 минути.

Во француска Лига 1 Рен на 7 меча има чуден учинок: 2 победи и дури 5 нерешени без ниеден пораз. Шести се на табела со 11 освоени бода. Во неделата го совладаа Нант со 3-1 со два гола од пенал. По крајот на мечот во еден момент медицински служби морале да ја вадат гостинската маскота „канаринец“ на носилки зошто домашната маскота ја повредила во еден дуел.

Не им е лесно на голманите кога ќе излезат еден на еден на тренинг со вакви модерни направи. Шутираат подобро од играчи.

Реал Мадрид ја совлада Барселона 86:79 во првото „Ел класико“ на сезоната, а најголемо откритие кај домашните беше младиот 16-годишен Исмаила Диање кој стана најмлад дебитант во историјата на Ел класико дуелите.

Обично Ѓоковиќ сака да имитира, ама се најде некој да го имитира него и тоа одлично. Се работи за британскиот комичар Џош Бери, кој му ги скина бојата на гласот, смеењето и гримасите. Многу добар, а тоа го призна и Новак.

Ретки сцени беа видени викендов во Серија А на мечот Рома - Фрозиноне. По еден ненамерен судир со играч на Рома, главниот судија се пожали на мускул и најверојатно го фатило грч.

Француската трета лига даде нов јунак во фудбалска Европа. На дуелот Аванш - ГОАЛ ФЦ, домашниот голман Ентони Буев при резултат 0-1 за гостите прво фаќа пенал за да во 90+5’ минута и самиот дава гол за конечни 1-1 и огромен бод за неговиот тим.

Во фудбалското првенство на Финска, екипата на ВПС го пречекала Интер Турку. Домаќините долго време не знаеле за пораз и се на трето место во плејоф табелата. Гостите до 80’ минута воделе 0-1 и имале големи шанси конечно да му нанесат пораз на ВПС. Ама тогаш голманот на Интер Турку решава цели 23 секунди да ја држи топката. Судијата според правилата досудува прекршок и голманот прима гол од индиректен удар за конечни 1-1.

Јувентус од тешкото гостување во Бергамо си замина дома со 0:0, резултат за кој најзаслужен е Шчесни. Муриел изведе речиси совршен слободен удар под статива, каде обично голманите не стигаат да ја фатат. Искусниот Пољак успеа да го скроти тој удар и ова е дефинитивно една од најјаките интервенции на сезоната. И коментаторите се воодушевија.