И селекцијата на Словенија ја затвори групната фаза со максимален број од 3 победи. На денешното соочување со Зеленортските острови славеа 92:77. Лидер на тимот се подразбира Лука Дончиќ со 19 поени, 7 скока и 9 асистенции. Една од нив со стил или што би се рекло, со лажни очи.

Селекцијата на САД се прошета во Ц групата на кошаркарскиот Мундијал. +27 против Нов Зеланд, +28 против Грција и +48 против Јордан. Забиваа колку што сакаа и од каде сакаа. Првиот стрелец на денешниот меч со 22 поени, беше една од главните ѕвезди во тимот, Ентони Едвардс кој нема милост кога треба да се крене под кош.

Селекцијата на Србија бележи перфектен старт во групната фаза на Светското во кошарка со 3 од 3 над Кина, Пуерто Рико, а денеска и против Јужен Судан кој го добија со 115:83 за пласман на првото место го групата. Богдан Богдановиќ е во елемент. Мечот го заврши со 23 поени, 9 асистенции и 3 украдени топки. Поефикасен од него беше само Јовиќ со 25 поени.

Женската фудбалска репрезентација на Шпанија за првпат во својата историја стана светски шампион откако ја победи Англија со 1:0 во финале. Во целата прослава и еуфорија при доделување на медалите, првиот човек на шпанската фудбалска федерација Луис Рубиалес пред целиот аудиториум ја бакна фудбалерката Џени Ермозо. Неколку дена го бркаат како Путин.

Бранителот на титулата на УС Опен, младата светска ѕвезда Карлос Алкараз одлично ја почна одбраната на трофејот во Њујорк. Во 1. коло го победи Кепфер од Германија кој се предаде уште во вториот сет. После мечот додека даваше изјава на сред терен запеа и песна од големата ѕвезда Себастијан Јатра кој беше на трибините.

Селекторот на македонската фудбалска репрезентација не зборуваше за тоа зошто капитенот Ристовски смета дека работите во репрезентација одат во погрешна насока. Вели имале конструктивен разговор со различни гледишта.

Навивачите на Рома се во транс поради новото засилување кое доаѓа на позајмица од Челси и со кое Мурињо добива опасен тандем во напад составен од Дибала и Лукаку. Ама немаа осет за време на пречекот и направија штета. Инаку белгискиот напаѓач пристигна со приватниот авион на газдата на Рома, Дан Фредкин, а пилот беше токму Фредкин.

И покрај тоа што имаше спор меѓу италијанската фудбалска федерација (FIGC) и Наполи кој тврди дека Лучано Спалети сè уште е под договор со нив и дека треба да им се плати обештетување, човекот кој го водеше Неапол до скудето после 30 и кусур години, сепак стана селектор на аѕурите.

По слабата минутажа во Удинезе каде летово стана слободен агент, македонскиот напаѓач најде нов клуб со истите бои. Ќе игра во Серија Б.

По кам бекот од Фенербахче каде беше на позајмица, сезоната за Алиоски во Ал Ахли заврши брзо. Навивачите покажаа голема почит кон македонскиот репрезентативец.

Во 4. коло од саудиската лига, Ал Наср на Роналдо и Мане убедливо со 4-0 го совлада Ал Шабаб. Кристијано постигна два гола од пенал а Садио Мане зголеми на 3-0 во првиот дел. Португалецот имаше и погодок со глава но му го поништија поради фаул па се бунеше кај судијата.

Кошаркарската јавност отсекогаш се прашувала како е можно Канада на толку играчи во НБА никогаш да нема пристојна репрезентација. Секогаш доаѓале во шарен и чуден состав. Овојпат дојдоа со топ НБА ѕвезди. Имаат 3 победи во групна фаза и како први одат во следна. Денес губеа на полувреме од Летонија за да на крај слават со +26 поени разлика.

Џејк Бас од англискиот нисколигаш Њухеван ќе ви покаже како може голман наеднаш да се претвори во напаѓач и да се избори за бод во 98-ма минута.

Каљари - Интер 0:2. Последен натпревар од 2. коло во Серија А.

9 меча, 11 гола, 3 асистенции. Тоа е стартот на човекот кој 20 години го игра фудбалот на посебен начин. Да не знае човек на што попрво да се воодушеви. Додавањето на Жорди Алба, снаодливоста на Меси во шеснаесетник или на совршено интелигентиот пас по кој доби повратна за гол. Да не си им во кожа на дефанзивците.

Македонската одбојкарска репрезентација утревечер со почеток од 20:00 во салата Борис Трајковски, за прв пат ќе ја згрми македонската химна на ЕП како домаќин. Момците кои гинат за националниот дрес и кои имаат патувано 24 часа со автобус, заслужуваат полна сала.

Дваесет и шест годишниот американски спринтер Ноа Лајлс беше главна атракција на Светското атлетско првенство 2023 коешто се одржа во Будимпешта.

Во финишот од големото дерби во Колумбија меѓу Милионариос и Атлетико Насионал, домашниот фудбалер Лео Кастро постигна прекрасен гол со лоб удар од далечина ама оправдано му беше поништен поради офсајд. Ќе беше сигурно гол на колото.

Со триумф од 3:0 (6:0, 6:2 и 6:3), Новак Ѓоковиќ го збриша Александар Милер и го почна походот кон титулата на Гренд слемот во Њујорк. Во вториот сет во еден момент ја забавуваа публиката откако Ѓоковиќ неколку пати го шеташе Милер, кој на предизвикот одговори дрско и упорно. Ова е поен за аплаузи и овации.

Рајо Ваљекано одигра две супер почетни рунди во новата сезона од Ла Лига и забележа два триумфи. Столе бранеше одлично на отворањето и сè беше како песна. Додека синоќа во предградието на Мадрид не дојде Атлетико којшто ги расканта 0-7. Еден гол падна по голема грешка на нашиот репрезентативен голман кој се вклопи во сивилото на целата екипа.

Јунакот на сезоната се вика Орелиен Франсоа, а зошто го нарекуваме јунак и специјалист за ножички? Затоа што со помош на славната акробација постигна два комада на два меча по ред, нешто невидено до сега. Му успеа на две островски битка, против Мадагаскар и Сејшели.

Не гази само Меси на 36 години. Во стандардна голгетерска форма е и неговата генерација Иван Тричковски кој беше стрелец на мечот АЕК Ларнака - Етникос Ахна кој заврши со вкупно 10 гола. Македонскиот напаѓач се снајде одлично во шеснаесетник и израмни на 3:3.

Светското првенство во Атлетика кое се одржа во Будимпешта заврши на спектакуларен начин со сензационална завршница на Фемке Бол во дисциплината 4x400.

Не дека Алмер Сити имаше некакви шанси против Феенорд од кој загуби 6:1, ама гледаме и се чудиме, какви се шансите да се промаши вакво нешто, па макар да си со две леви нозе? Срамот го изеде Томас Робинет.