Заминува по само 11 месечен престој, а кога гледате како го испратија, ќе помислите дека се работи за 11 години. На 36 годишна возраст извади повеќе од максимум за бразилскиот тим и оствари импресивни бројки.

Најдобриот тенисер на светот Новак Ѓоковиќ во 2016-та година го освои својот прв пехар на легендарниот Ролан Гарос. Рекетот од мечот во финалето против Енди Мареј кого го доби 3-1 во сетови синоќа бил продаден за неверојатни 107.482 долари, највисока цена некогаш платена за тениски рекет.

Инаку мечот во руското првенство меѓу ЦСКА Москва и Ростов кој заврши 2:0 се играше на -5.

Мечот меѓу Ливерпул и Фулам понуди седмица со пресврти, три голчишта на домаќините, ама и дриблинг на гостите во режија на Алекс Ивоби. Мераклиски ги реши и двајцата со еден потег.

Фудбалерите на Интер не ја даваат лидерската позиција, а сериозната трка за титулата ја најавуваат со голема победа над актуелниот шампион Наполи од 0:3. Елиф Елмас доби 75 минути, а потегот на мечот го има Хакан Чалханоглу кој го отвори резултатот во финишот од првиот дел.

Ливерпул и Фулам приредија празник за очи во 14. коло од Премиер лигата. 2:1, па 2:3, за крај со погодоци во 87-ма и 88-ма да бидат конечни 4:3. Трент Александар Арнолд, Ватару Ендо и Алексис Мекалистер, бирајте кој гол ви е најубав.

Работнички загуби дома од Феникс 2010 со резултат 79:87 и тоа им е петти пораз по ред од најмладиот скопски прволигаш. На навивачите им пукна филмот, ги построија кошаркарите пред трибина, им порачаа дека со својот однос и залагање не заслужуваат да го носат дресот и ги натераа да ги соблекуваат.

Читател ни пиша вака: Затварајте рубриката „автогол на милениумот“. Не можеме да кажеме дека не му е на место предлогов. Второлигашите Сент Паули и Хамбург одиграа 2:2, а несреќниот на векот или милениумот, како сакате, е гостинскиот голман Даниел Ноер Фернандез. 

На вечерашната жрепка за Европско првенство во фудбал 2024-та, во Хамбург, сè беше како подмачкано. Собран целиот крем на европскиот фудбал, сите стокмени и скоцкани. Се влечат групите со нетрпение и наеднаш се слушаат гласови од порно филм. На водителот Џорџо Маркети му беше непријатно како и на сите присутни па проба некако да ја извади ситуацијата. Целата драмолетка траеше неколку минути до крајот од ждрепката.

Жрепката се влечеше вечерва во величествената зграда на филхармонијата во Хамбург покрај реката Елба каде беше собран елитниот крем на европскиот фудбал.

Најдобриот снукер играч на сите времиња и актуелен светски шампион, великанот Рони О'Саливен уште еднаш упати пофални зборови до светскиот тениски рекет број 1.

Еден од најголемите тенисери на сите времиња, Шпанецот Рафаел Надал после долга пауза надвор од терените, соопшти дека е целосно спремен да му се врати на тенисот.

Шест месеци по неочекуваниот шокантен отказ како функционер во Милан задолжен за спортскиот дел, легендарниот Малдини се отвори и објасни зошто биле отпуштени со Масара и покрај големите успеси кои ги оствариле. Рече дека во клубот има луѓе кои не ги почитуваат идентитетот и историјата на Милан. Му дале низок буџет, а четири дена по заминувањето го дуплирале.

Дваесет годишниот англиски репрезентативец веќе ја освои разгалената мадридска публика како ретко кој играч за толку брзо време. Има вкупно 15 гола и 4 асистенции на 16 натпревари во Ла Лига и во Лига на шампиони. Со него Реал Мадрид доминира во Лига на шампиони и триумфално без пораз оди во следна фаза.

Закачката е меѓу навивачите на Легија Варшава и Астон Вила, а пациентот кај се обидува да погоди некој Англичанец со мајонез, па уште и паѓа. Штета што е кусо видеово, можеби и со чечкалица има обид.

ФИФА и УЕФА се невообичаено мирни и тивки во однос на палестинско-израелскиот воен конфликт, дијаметрално спротивно во однос на руско-украинскиот воен конфликт.

На пријателски натпревар меѓу Порто на Жозе Мурињо и Барселона, на 16-ти ноември 2003-та година, пред 20 години, Лионел Меси за првпат заигрува за првиот тим на Барса. Еве што раскажал за тоа прво искуство на свои 16 години.

Во претпоследното коло од Лига Конференции, Легија Варшава гостуваше кај Астон Вила. Неколку стотици полски навивачи дошле од Варшава на гости во Бирмингем а после големи нереди надвор од стадионот каде се судриле со полицијата, не биле пуштени да влезат на трибините. Навивачите на Легија се озлогласени како едни од најголемите хулигани во Европа и каде и да одат се голем безбедносен ризик.

Славниот капитен на Манчестер Јунајтед со кој освои 15 трофеи имаше обид да влезе на чело на српскиот фудбал, но не успеа да се избори со постарите волци. Во интервју за nin.rs открива дека селекторот на Србија и неговите помошници за две години заработиле 16 милиони евра, енормно висока сум за балкански услови. Месечната плата на Боби е 7.000 евра, а Мрме земаше 5.000.

Рома под водство на Жозе Мурињо игра топло-ладно веќе подолго време. Очигледно дека екипата не е кадарна за поголеми дела а ни Португалецот не оддава впечаток дека е спремен да гине за клубот. Во просечна група од Европа Лига со Славија Прага, Сервет и Шериф Тираспол Рома заврши втора со 10 освоени бода и оди во следната фаза. Синоќа Рома одигра само 1-1 на гости кај Сервет а најзаслужен за бодот беше српскиот голман Миле Свилар кој синоќа доби шанса да брани.

Олимпик Марсеј и Ајакс одиграа фантастичен дуел со дури 7 гола. Францускиот тим два пати водеше, а Холанѓаните се враќаа и правеа пресврт. На крај победа 4-3 за Марсеј со хет-трик на Пјер Емерик Обамејанг. Едниот од головите му беше мајсторија и тој го води тимот во следна фаза од Лига Европа.

Олимпија - Лил, 5 коло, Конференциска лига. Домаќините во обид да го оспособат теренот за игра на начин, до сега незабележат во фудбалот. Пешкири ставаа, за да упие водата. Мечот се одигра, а Олимпија загуби 0:2.

Бојан Миовски влезе во 86-та минута во претпоследното коло од Конференциската лига во групата Г, каде ПАОК и Ајнтрахт Франкфурт од претходно се сигурни патници во нокаут фазата. Абердин на гостувањето во Хелсинки одигра 2:2, а во еден момент мечот беше во прекин. Шкотските навивачи си правеа забава со снегот и го гаѓаат домашниот голман.