Шведска му се поклони на Златан Ибрахимовиќ

Една година откако и стави крај на играчката кариера во Милан, Ибракадабра и официјално беше испратен и во репрезентативна пензија со шоу организирано во својата земја.

Шведска одигра пријателска средба против Србија која заврши 0:3 со головите на Милинковиќ Савиќ, Митровиќ и Тадиќ. Ибра не влезе во игра, но затоа се одржа церемонија во негова чест.

Доби благодарности и подароци за сè што направи во блескавата кариера која брои 8 клубови, 34 трофеи, над 500 клупски голови, награди, признанија...

Имаше 11 номинации за Златната топка, но играјќи во време на Роналдо и Меси, не успеа да ја освои. Штета и за Лигата на шампионите која му фали во витрината.

Златан беше испратен како една од најголеми легенди на селекцијата на Шведска со 122 настапи и 62 гола. Затоа доби урамен дрес со број 122.

„За помладата генерација, сакам да ви кажам дека мора да верувате во себе и да имате големи соништа. Ако ја немате таа сила да сонувате големи соништа, учете од мене и така инспирирајте се. Јас сум жив доказ дека ништо не е невозможно, без разлика од каде доаѓаш“, кажа Ибрахимовиќ.

Навивачите подготвија разни банери. На еден пишуваше „Фала ти шоуто“, а друг го потсети на незаборавните ножички против Англија. 

9 јуни 2024 - 08:13

Штета ако сте пропуштиле

Кога ќе убиеш десет милиони Африканци, не те викаат „Хитлер“

Вистина е!

Рововска битка со Скопје

Побогу, Боки, врати се по старо