Изгледа не се навикнати на Лига на шампиони. По грешка ја пуштија химната на Лига Европа.

Фудбалерите на Астон Вила одиграа блескав натпревар против фаворитот ПСЖ во реванш четвртфиналето од ЛШ. Славеа 3:2 и тоа по негатива од 0:2, а пропуштија и многу шанси за сензација. Прво полуфинале за Барселона по пауза од шест години. Вкрстуваат со подобриот од дуелот Интер - Баерн. Противник на ПСЖ ќе му биде Арсенал и Реал.

Пар илјади навивачи на Лацио, пред големото римско дерби со Рома во неделата, кај познатото место и мостот Ponte Milvio се судриле со карабинерите. На сите страни летале флаши, каменици и бакљи а италијанската полиција уапсила неколку лица. Дербито Лацио - Рома заврши нерешено 1:1.

Легендарниот српски кошаркар а подоцна и тренер, долго време му беше асистент на големиот Стив Кер на клупата на Голден Стејт Вориорс со кои освои и шампионска титула како помошен тренер. Милојевиќ изненадно почина на 17-ти јануари 2024-та година. Во негова чест е снимен документарен филм под наслов „Брат“. Зборуваат Кер, Јокиќ, Стеф Кари, Жељко Обрадовиќ, Светислав Пешиќ и други.

Во фудбалскиот клуб и градот Ливерпул 15-ти април е ден на сеќавање на страшната трагедија која пред 36 години се случи на стадионот „Хилзборо“ во Шефилд каде трагично настрадаа дури 97 навивачи на црвените. Во стампедо, нереди и потискување загинаа нечии татковци, мајки, браќа, сестри, другари, комшии. Никогаш заборавени, велат од Ливерпул чија делегација денес го посетила спомен обележјето во градот.

Џош Кренке е син на магнатот Стен Кренке кој е сопственик на неколку спортски гиганти како што се Денвер Нагетс, Колорадо Аваланш, Колорадо Рапидс и Арсенал. Синот Џош (44) учествува директно во работата на Денвер Нагетс и носи одлуки за тимот.

Заврши сагата со најтрофејниот фудбалски клуб во Македонија околу долгогодишната ситуација поврзана со сметката.

Кога Интер игра во Лига на шампиони, таму е и Пандев. Утревечер на Џузепе Меаца, тој ќе ги бодри своите против Баерн Минхен, клубот кој пред 14 години го елиминираше со гол во 88 минута. Пандев се фотографираше со пехарот од Светското клупско првенство, кое е закажано за јуни во САД.

Конечно заврши пренатрупаниот основен дел од НБА лигата. Сите екипи одиграа по 82 натпревари. Сега малку ќе здивнат, ќе одморат, па ќе следува НБА разигрувањето за титулата, за оние кои обезбедија место. Основниот дел од сезоната беше интересен со голем број луди епизоди. НБА објави кои биле најгледани видеа на нивните профили.

Канадскиот прволигашки фудбал ги надмина сите нелогични потези во фудбалот. Ова е нешто кое заслужува посебна анализа. Еден од коментарите на Твитер гласи вака: Уапсете го.

Ако сакате да бидете судија на дербито во Германија барем 5 минути, еве ви можност на некој начин.

Суперѕвездата на Лос Анџелес Лејкерс кого допрва го чекаат големи борби во доигрување за шампионската титула, стана прв кошаркар надвор од САД чии дресови се најмногу продавани. После 11 години ги тргна од тронот големите Стеф Кари и Леброн Џејмс.

Ај еднаш, ама два пати да понижиш еден ист играч кроз нозе? Што е многу, многу е. Инаку срамот на бразилскиот стопер денеска прави 10 годишнина.

На дуел од германската втора Бундеслига меѓу Падерборн и Дизелдорф, гостите победиле 1-2. Домаќините играле со играч помалку од 63-та минута а домашниот голман Риман решил од 80-та минута да го напушти својот гол. Неколку минути сакал да помогне да израмнат.

Кога некој ќе прави потсмев со домашниот автентичен селски фудбал и како тоа „ете само кај нас живее проста маса“, кажете му дека во најдобрата норвешка Супер лига пред извесно време на натпревар на Бодо Глимт најдобриот играч на мечот доби гајби јајца за награда. А во меѓувреме во 1-та рунда од норвешкиот Куп, фудбалер на нисколигашот Верхуг, Хине Арсен Ларсен како награда за одличниот настап добил печено прасе од 23 кила.

Во Данска се игра разигрување за титулата, за еврокупови но и за опстанок во тамошната Суперлига. На мечот меѓу Виборг и Силкеборг, домашниот фудбалер, десетката Исак Јенсен кој влегол во игра во 69-та минута, во рок од само неколку минути, од 74-та до 89-та постигнал два прекрасни гола од слободен удар. И двата исти да не може да се познае кој е прв кој е втор.

Интер Мајами со пресврт го доби Лос Анџелес 3:1 и обезбеди пласман во полуфиналето на КОНКАКАФ шампионскиот Куп. Имаше мешаница меѓу играчите на двата тима, во самата завршница. Суарез пак фати да гризе, ама овој пат направи циркуз кој е хит број 1 на социјалните мрежи. Го гризна по грешка својот соиграч Жорди Алба.

На иницијатива на некогашниот европски и светски првак, а преку посредство на Дарко Панчев и Илија Најдоски, Црвена звезда и Вардар во Скопје во среда ќе одиграат пријателски натпревар од хуманитарен карактер. Сите средства од продадените влезници за натпреварот ќе бидат префрлени на сметка за семејствата на настраданите од страшниот пожар во дискотеката во Кочани. Скопјани и Белграѓани неколку пати досега низ историјата играле официјални натпревари за бодови но и пријателски. На една таква пријателска во Скопје во 1995-та Вардар победи 3-0.

На Начо Арсе од аргентинскиот клуб Депортиво Риестра, дефинитивно му се игра фудбал. Ама за фудбал, меѓудругото е потребно и мозок, нели? Ова е недозволиво, особено за прволигашки фудбал.

Можеби не најдобра во цела лига, ама сигурно една од најдобрите и дефинитивно најдобра на Манчестер оваа сезона. Бруно Фернандеш и Џошуа Зиркзе. Брзопотезно и атрактивно, за жал без завршница.

Поранешниот мнозински сопственик на Далас Маверикс, Марк Кубан отворено зборува дека да бил на чело на клубот, никогаш не би го трејдувал Лука Дончиќ. Тој смета дека новиот менаџмент не разбира во целост каков е Словенецот и ги издвојува играчите од Балканот како поинакви со различен начин на размислување. Дали НБА има потреба од нив? Гласно одговори со „Да“.

По планетарните успеси на најдобрата група фудбалери која под водство прво на Франк Рајкард а потоа особено на Пеп Гвардиола правеше чуда на теренот, Барселона мина низ бурен период. Меси си отиде, се сменија неколку тренери, управата беше несредена и минусот се гомилаше. Сега под водство на Германецот Ханси Флик Барселона игра неверојатна сезона. Прва е во шпанска Ла Лига, ќе игра во финале на Копа дел Реј против вечниот ривал Реал Мадрид а во Лига на шампиони полека се спрема за полуфинале откако со 4-0 ја згроми Борусија Дортмунд во првиот дуел од четвртфинале.

Викендот зад нас тројца македонски репрезентативци постигнаа голови. Александар Трајковски за Хајдук, Дарко Чурлинов за Јагјелонија и Тихомир Костадинов за Пјаст Гливице против Погон Шчечин. Тимот на Костадинов славеше 2-1 и обезбеди мирна средина далеку од опасната зона.