Екс советникот на Зеленски, Олекси Ареостович: „Нашата најголема трагедија е што во конфликтот меѓу Глобалистите и Реалистите, се кладевме на погрешната страна“. Глобалистите бараа проширување на НАТО, другиве беа за украинска неутралност за да се избегне војна. „Пролеавме крв за да завршиме со страната која губи“ вика тој и додава „Кога ќе видам како во Катар го пречекаа Германецот а како Путин, се прашувам кој е изолиран“...

И маркетиншки и потрошувачки Бад лајт моментално е посакуван колку палета азбест. И покрај ова УФЦ и Дејна Вајт, кои отприлика ја држат истата публика што реши да го бојкотира Бад лјат, решаваат дека ќе работат со него и ќе го враќаат таму каде што беше. Освен парите, Вајт има прилично силни американски аргументи за ова.

Рибниците на отворено на полуостровот Вестфјордс на Исланд треба да убијат над 1 милиони лососи што ги одгледуваат откако целата популација била заразена со морски вошки, која до толку ги има разјадено рибите што им се гледа черепот.

Сите тие камиони со снег од улиците на Минск некаде треба да се истоварат, а зошто да не се истоварат во Свислоч, реката што минува низ Минск? Само пред да заврши таму, снегот треба да бидат прочистен за да не ја загади реката.

Убава е Алелуја на Леонард Коен, убава е и онаа на Џеф Бакли, но да споделиме една друга верзија на песната која пред доста години ја отпеа мало девојче од Ирска со нејзиниот школски хор. Се вика Кејли Роџерс, 10 годишна, девојче со аутизам и АДХД. Да ја слушнеме песната која потсетува дека „дурот те крева, а молот те спушта“, во време кога, заради ужасниот епилог на младата Вања, сме во тешки молови.  

Ненси Пелоси е американската политичарка која од праисторија е член на Конгресот од Демократите. Годишна плата за таа позиција е околу 250.000 долари. Во 2009 нејзиното богатство беше проценето на 58 милиони долари, за во 2018, да стигне до 115 милиони долари. И парите не се од рушвет или градежни дозволи, едноставно, сопругот на Ненси, Пол, има подобри резултати на берза од најдобрите американски инвестициски фондови, што веројатно и не е толку тешко кога жена ти ги носи законите за регулирање на цели индустрии.

Во веројатно една од најкоординираните операции барем на европско тло, пистата на аеродромот во Цирих беше целосно заменета без да се изгуби ни еден лет. Работите почнуваат секоја вечер, по слетувањето/заминувањето на последниот авион, и траат до сабајлето до првиот лет. Клучни за ова се два 90-тонски багери специјално направени за операцијата, и поделбата на пистата на 70 сегменти.

Се разбира дека и по последните избори на кој победи партијата на Герт Вилдерс, Холандија останува убава земја со убави обичаи на слободарство, лежерност и непикање нос во туѓи манџи. Меѓутоа, овој Вилдерс е толку заебан лик, што ти станува јасно дека под стакленото ѕвоно на Бореловата „градина“ веќе извесно време се крчкаат занимливи работи.

Илон Маск го даде најлегендарниот можен одговор кога го прашаа за „свилениот гајтан“ кој му го стегаат воук корпорациите како Дизни, откажувајќи го своето рекламирање на Икс. На човекот му е јасно дека можат да му го уништат бизнисот за кој даде 44 милијарди долари. Ама ако некој мисли да го уценува со пари и со реклами, тој на таквите има да им го каже ова: 

Кога иначе тие би се качиле на кров на Бакингемската палата за свирка, ако не се вмешаа големите ега на на два познати „сера“, во 2012-та, за дијамантскиот јубилеј на кралицата Елизабета Втора. Сер Елтон Џон и Сер Пол Макартни. Двајцата инсистирале да свират на свое пијано и никако поинаку. Меднес технички не можеле да бидат сместени меѓу нив па им направиле бина на кров. Ќеифи.

Во бизарен спој на криминални умови и вештачка интелигенција , криминалците сфатија дека додавање силиконски прст на својата рака кој нема никаква функционалност освен изгледа како грешка, ќе направи секоја снимка од надзорни камери да личи како да е генерирана од вештачка интелигенција.

До сега историски незабележаните санкции против Русија не успеаа и тоа Западот треба да си го признае. Тие забранија сè да излегува и влегува во Русија, освен фосилни горива од таму и милијарди евра и долари во спротивен правец, порачува прогонетиот милијардер Јевгениј Чичваркин кој повеќе од една деценија е во егзил од Русија и е на руската листа на странски агенти.

После децении чисто техничко известување за смртта и жртвите меѓу Палестинците, Гардијан некако природно продолжи на ист начин да пишува и за последната војна која се случува во Газа, во која според него, во ист пасос, израелската страна има „деца“ а палестинската „лица под 18 години“.

На Путин му кажуваат дека ВИ на Гугл и неговата неврална мрежа за анализа на фотографии кажува дека сите објекти на фотографиите од американското слетување на Месечината се лажни. „Ова не е наша анализа туку анализа на Гугл,“ му објаснува водач на истражувачкиот оддел на Сбербанк. Путин не изгледа многу изненаден. Само вика: Баш интересно.  

Лесно е на Путин да му објасниш во кој правец има забегано американскиот филм и нивните непишани но железни рамковни „квоти“ со кои се жртвува самата кинематографија на олтарот на политичката коректност, фамозната инклузивност и родовите секаквости. Оди пробај на Бајден да му го објасниш тоа а Џо да те разбере пред да заспие.  

Од февруари 2022 до септември 2023, бројот на население на Киргистан е останат отприлика ист од 6,7 милиони на веројатно некоја илјадарка плус, ама затоа па извозот на возила од Германија за Киргистан е зголемен за 5.500 (со букви: пет и пол илјади) проценти. И тука нема ништо сомнително ни за Германија, ни за ЕУ. Кој ги знае Киргизите што прават, може почнале по три коли одеднаш да возат.

Кога Русија прв пат ја нападна Украина во 2014, Европа се собра и го реши проблемот за кратко врем. Кога Русија втор пат ја нападна Украина, Европа реши војната да ја претвори во глобален проблем и сега сите губиме.

Во целото видео се објаснува од каде доаѓа зборот томат / домат, а доаѓа од таму од каде што доаѓа и доматот, за на крај од спунт да го спомене асирискиот збор за црн патлиџан „бадимџан“ што звучи најблиску до патлиџан. За „френки“ уште нема абер.

Постои нешто што се вика О.МГ кабел, личи на кој било УСБ-Ц кабел, само разликата е што во едниот конектор има сместено мини-компјутер и вифи, кои на првото приклучување во УСБ портот на твојот компјутер почнуваат да роварат по него. А и не е нешто скап, околу 200 долари е.

Во Версај се случи свадба од 59 милиони долари, за која беше закупена целата палата, а пееа Марун 5, кои за првиот танц напишаа и сосема нова песна. Младите се извесна Меделин Броквеј, 26-годишна наследничка на ланец на авто-салони во Флорида и нејзиниот долгогодишен дечко Џејкоб Лагрон. Како што изгледаат снимките од свадбата пирошки сигурно немало.

Вакви сцени порано гледавме главно од Америка или Јапонија. Кина беше резервирана за сцени на колективен чемер и комунистичко сивило. Сега од Америка стигаат сцени од бездомници во Холивуд, мигранти на јужната граница или наркомански зомбија во Филаделфија и Балтимор. И како во басната на Езоп, додека американскиот штурец чекаше да го вратат на бис, кинеската мравка вредно работеше.

Без да се оспорува улогата на Сем Алтман во создавањето на ЧатГПТ, консензусот е дека Русинот Илја Суцкевер (инаку ко-основач на ОпенАИ) е генијалецот зад целиот проект и достигнувањата што ги имаат во полето на ВИ. Пред некое време тој објасни како според него треба да изгледа коегзистенцијата меѓу човештвото и вештачката интелигенција.

Вака високо ниво на свесност околу сопствените грешки и последиците од истите не е видено на нашиве простори па можеби најмалку 20 и кусур години. Главната промена од видеото до сега е тоа што на ќотекот со децении тераат црна кампања.

Една од животните лекции гласи: Додека не почнеш да живееш сам и сам да го полниш фрижидерот немаш поим колку биле богати татко ти и мајка ти. Како што ќе каже девојкава „три путера имаат“.