Разбравме случајно преку Реј Романо (со кого беа заедно во The Irishman):"„Таман кога мислев дека не можам повеќе да му се одушевувам на Џо Пеши, разбрав дека тој знае и да пее!“ И стварно, на 25 години, во 1968 година, Пеши го има издадено албумот Little Joe Sure Can Sing! со преработки на хитчиња. И чкарт да беше, ќе ни се свиѓаше. А не е чкарт.

За едни верски задрти млади Евреи, задоени од токсичните идеи на рабинот Кахане, кои прават зулими по Западниот брег. Ќе дојдат на рид, ќе закуцаат знаме и ќе го сметаат тоа за истурена позиција на Израел. Да видите какви „вук је у нас домаќа животиња“ се тие предели. Ничег нема, јој. Па сепак, попрво од камења ќе го исчистиш тој крш отколку од омраза.

Две другарки се договарале како облечени да излезат за Халовин. Решиле да се синхронизираат па обете да бидат облечени на тема - крава. Крава? Крава. Ок. Едната облекла трико со соодветни апликации, светкави хулахопки на долгите нозе, чизми... Чекајте да видите како договорот го разбрала таа другата.

Во Газа не се случува „спирала на насилство“ туку отворен геноцид во кој загинаа 10.000 луѓе a едно дете се убива на секои десет минути. Европската Унија има крв на своите раце откако му даде благослов на Израел со пораката дека „ќе биде со него во деновите што претстојат“. И ЕУ уште нема доблест да му каже на Израел да престане, туку го замолува да не таргетира цивили.

Мала галерија од за навек изгубените архитектонски богатства на САД. Срушени за да се направи нешто помодерно и често поглупо и погрдо. Американците имаа една фасцинантна јавна библиотека во Синсинати, ја имаат срушено за да се отвори простор за паркинг.   

Дел од атмосферата пред почетокот на последната републиканска претседателска дебата. Трамп како што почна така и продолжи, па и оваа дебата ја бојкотираше и воопшто не се појави, затоа што проценил дека на неа само може да изгуби од рејтингот, а не и да добие нешто. Отприлика и за тоа толку имате чуено околу републиканските дебати. Друга работа, што не им е јасно на овие што уште тераат кампања?

Индијската ТВ новинарка Шреја Дундијал, прави емисија за војната меѓу Израел и Хамас. Гостин е човек од израелското разузнавање кој неочекувано се напнува околу тоа како е таа облечена. Црнокосата Шреја носи црвено- зелено сари, што овој го гледа како дрска провокација и суптилна поддршка на Хамас. Таа фино му објасни зошто е глуп што си прави филмови.

Израел има право да се одбрани и тоа никој не го доведува во прашање, она што не е така чисто е начинот на кој го прави тоа или: Дали Израел на ист начин би ги унишутувал терористите на Хамас ако се криеа на израелска територија?

Класична кринџ вежба на американски начин. Го разбиваат стереотипот за белата гордост, поточно, тој стеротип го менуваат со подеднакво глуп стереотип. Една ќе каже: „Мене изјавата „горда сум што сум бела“ ми звучи сосема поинаку од “горда сум што сум црна“. И убедени се дека „белата вина“ е универзална пресуда. Ами кај нас негативец што не беше белецот Крали Марко туку Црна Арапина?

Да видите како се движела листата на најсиромашни земји во Европа, од 1960-та година до сега. На почеток има таму и земји како Финска и Холандија за подоцна „да изгубат“ од некои нови таленти.  Ние на листата се појавуваме во 1990-та години и оттогаш својски се трудиме да напредуваме, за лани да завршиме како факинг четврти најсиромашни во Европа.

И американската и руската армија објавија реклами кои треба да ги стимулираат младите мажи доброволно да се пријават да служат војска. Двете реклами речиси и да не можеа да бидат поразлични.

Еден од најпопуларните Јутјубери на светот, и изненадувачки неконтроверзен, Мистер Бист, за последното свое видео се подаде од САД до Кенија со план таму, а потоа и низ околината, да изгради 100 бунари за вода во рурални места кои до тогаш полнат главно од некоја околна река. Планот му успеа.

Дури и да завршеше само на својот прв ресторан во Истанбул, приказната за Нусрет Гекче ќе беше легендарна. Дечко со курдско потекло и син на рудар, кој како дете го напушта училиштето и се вработува во месара, успева да отвори ресторан во Истанбул и да се прослави со него. Меѓутоа Нусрет реши дека Истанбул ќе биде само отскочната даска.

„Двете дефинирачки трагедии на нашето време, војната во Украина и мандатот на Џо Бајден конечно доаѓаат до својот крај,“ вели Такер Карлсон во најава за муабетот со Глен Гринвалд. Дали воените хушкачи за Украина некогаш ќе се извинат, дали странските војни се користат за казнување на Американците, за лицемерието околу слободата на говорот, вртењето на либералните медиуми против Бајден...

„Грок“ значи да разбереш нешто темелно и човечки. Така се вика новиот четбот на Илон Маск, замислен да му помогне на човештвото да ги разбере работите. Одговара во стил на „Автостоперскиот водич низ Галаксијата“ и за разлика од другите ВИ четботови, не се снебива да  влезе во контроверзни теми и да мавне хумор и по некој сарказам. Три примери:

Главниот град на Австрија прснал 1,8 милиони евра за фонтана со која ќе се обележи век ипол откако Виена добила чиста вода за пиење. Пазете, ова е направено, на пример, цели 261 година после римската Фонтана Ди Треви (завршена во 1762 година). Море и девет години после „Скопје 2014“ и фонтаната на Александар Македонски (која фуфкаџиите ја нарекоа Воин на коњ). Во 2023 година, за 1,8 милиони евра, Виена го доби ова. 

Пошто се очекуваат морализирања од типот не е убаво вака, греота и како не им е срам, веднаш да декларираме дека „Ниедна баба не е повредена за време на снимањето на ова видео.“Секоја старост повремено заслужува вакви моменти. Подоинствено е кога кмишат во ред на каса зашто имало некој попуст или чекаат да ги вклучат во ТВ програма? Накратко, ај па и ние да си дочекаме.

Турската националистичка организација објави видео во кое им се заканува на израелските спортисти дека на Олимпијадата во Париз 2024 ќе завршат исто како и нивните претци на Олимпијадата во Минхен 1972, каде беа убиени 11 членови на израелската делегација. Тогаш масакрот го изведоа 8 Палестинци поврзани со организацијата Црниот септември.

Дечково е на интервју за високо специјализирана позиција на инжинер во американскиот производител на авиони Локхид Мартин. Прашањата се како што доликуваат за таа позиција. Неговото знаење на темата не е ни приближно како што треба, поточно, нема никакво знаење. Ама па има ВИ пред себе.

Луди, луди работи. Со помош на вештачката интелигенција, можеме да слушнеме како би звучел хитот на Тејлор Свифт, Blank Space, кога би го пеел гoсподарот на долните октави, Џони Кеш. Неговите фанови ова ќе го сметаат за тешко богохулие, ама за среќа, таков отпор не се очекува и од фановите на Свифт - тие и не знаат кој е Џони Кеш.   

Брилијантниот план на турските демонстранти беше во знак на поддршка на Палестина да ја сардисаат базата во Инџирлик, една од најголемите бази на американската воена авијација низ светот, на која исто така се сместени и десетици нуклеарни бомби.

Темата целосно електрични камиони стигнува и до дрвосечите на Британска Колумбија. Само во тој регион има околу 5.000 камиони што симнуваат дрвени трупци од планините. Процената е дека еден камион троши во просек троши по 2,5 мегавати енергија дневно. 5.000 камиони би трошеле 12,5 гигавати струја дневно.

Инстаграм видео прашува (и покажува) како по векови бравурозни архитектонски зданија, западната архитектура сега е сведена на коцки и прави линии. Одговорите ем идентични ем целосно различни. Сите се сложни дека Западот веќе ја нема таа вештина: ама за едни затоа што ја заборавиле, за други затоа што нема веќе робови и евтини ресурси за да се повторат овие дела, па полесно им е да тераат прави линии.

Буџетскиот дефицит се трупа кога државата троши повеќе пари отколку што има, а разликата се покрива со тоа што ќе се задолжи (ќе не задолжи сите нас) во некоја банка, финансиска институција или ќе создаде некој друг креативен начин за покривање на своето трошење. И ова е проблем што знае со децении да се влече на штета на народот. А има така едноставно решение.