Про-палестинска студентска активистка од Колумбија, универзитет од престижната Ајви лига, крем дела крем од кој се регрутираат идни сенатори, судии, корпоративни ЦЕО-а... Насекирана да не дехидридраат. - Сакате да сте револуционери ама владата да ви носи храна? - Не да ни носи, туку да не ја блокира. - Ви ја блокирала ли до сега? - Не, ама сакаме гаранции.

Тој е со мотор, мајка му со автомобил, се разделуваат и мајка му му вика да вози внимателно затоа што секакви идиоти има. Вози тој со моторот и си повторува дека мајка е во право, дека стварно секакви идиоти возат наоколу.... И, оп, ете ја пак мајка му!

На почетокот на 20 век, кога се тркаше меѓу градови, механичарите се возеа во колата, за да можат на лице место „да ја чепнат“ ако треба. Откако е воведен пит стоп на кружните трки, екипите кои ги освежуваат болидите имаат постигнато фантастичен напредок во брзината. На другиот крај на светот (ако Холивуд е Боливуд, ова е Бормула 1) на некои екипи не им треба ни пит, ни стоп.

Нема што многу да се каже за следнава ситуација освен што е многу нестварна и надреална. Елем, Џо Страмер едно време држи радио емисија на BBC наречена „London Calling“, по тој лудо добар албум на Клеш. Завршува песна од Корнершоп (Good to be on the road back home again) па Страмер ќе каже: „А сега сакаме да ви пуштиме нешто екстремно интересно“. И го пушта Шабан Бајрамовиќ!

Не е така одамна како што би помислиле. Во текст од август 2007 Тајмс забележува дека периодот станало се помодерно да се зборува за расна и етничка разновидност, но како контра-аргумент на таквото помодарство нуди студија на политикологот од Харвард, Роберт Путам, во која учествуваат 30.000 луѓе низ САД.

Да, голема. Но, поголема е отколку што се чини на прв поглед. Ако милион секунди се 11 дена, милијарда секунди се - 32 години. Контрастите се секогаш уште повпечатливи кога во прашање се парите: кога некој би ви давал по 100.000 долари секој ден, што мислите, колку време би било потребно за да станете богат колку Илон Маск и да имате 180 милијарди долари? Ама, еве 7024-та кај е.

Во рок од два дена возниот парк на министрите на израелската влада останува без две возила. Прво, ултра-десниот министер за внатрешни работи Бен Гвир се тубмаше во градот Рамле, а еден ден подоцна возилото на министерот за образование Хаим Битон прави сообраќајка. Во моментот во возилото се родителите на министерот, но не и самиот министер.

Деновиве во Москва беше уапсен Тимур Иванов, руски заменик министер за одбрана и еден од најблиските луѓе на Шојгу. Иванов падна за примање мито „со посебно голем обем,“ наводно некои си 100 милиони долари. Според руски медиуми ова му е вилата и само таа чини околу 21 милион долари, плус има стан во центарот на Москва од 317 метри квадратни.

Либералните политики кои ги воведуваат калифорниските законодавци дозволуваат од продавница да украдеш производи во вредност од 949 долари и за тоа да не одговараш. И сумата е ограничена на една кражба, на една локација, после тоа се ресетира, што значи дека дента можеш уште десет пати да крадеш до 949 долари (вклучително и во истата продавница) и пак да не одговараш.

Во едно крајбрежно белгиско гратче неодамна бил одржан европски натпревар во имитирање галеби. Се пријавиле 50-тина натпреварувачи а жирито било составено од орнитолози, биолози и други природонаучници кои вредно слушале и оценувале како овие врескаат и квичат. Победник е еден мисир од Холандија.

Американскиот претседател потсети дека лани издејствувале ослободување на 4 годишната Абигеил која била држена во заложништво на Хамас. Па се сликаше со малата срцка и вети дека ќе се работи на ослободување на сите преостанати заложници. Све фино тоа. Само што, постои еден програм кој анализира дали една слика е автентична или е генерирана од вештачка интелигенција.  

Хрватски новинари седнале да пресметаат колку е плата на хрватските пратеници во ЕУ парламентот и има што да видат. За почеток јал-не јал 10.000 евра месечно, а сè е плус на тоа. Да, и они имаат патни трошоци. Ако си умен и не направиш ептен некоја беља, мандатот трае 5 години.

„Крекхед Барни“ ви е нешто како Саше Политико (пред да попие воспитна од Сарма), атеншн хор што оди наоколу со телефон и малтретира. Нејзиниот хистеричен глас го запознавме во ситуацијата со Алек Болдвин (види „Колку трпи Алек Болдвин“) кога го напнуваше да каже „Слободна Палестина!“. Ама оној садо-мазо Пирс Морган мораше да ја викне во емисија! А ние па моравме да кликнеме, кликот да ни се исуши!

Атина деновиве изгледаше како да си и ставил портокалов филтер откако беше зафатена од песочна бура што премина од карши од Африка.  Пост-апокалитичната снимка беше дополнета со преполнети болници со Атињани кои се жалат на проблеми со дишење, кашлање и болки во градите.

Австралија тргна накај Орвеловата 1984 за време на пандемијата и упорно гази натаму. Ви ја покажавме сенаторката која би да го уапси Илон Маск, но орото го води нивниот премиер. Пазете каков дунстер е тоа: Икс морал да цензурира зашто и тој лично видел слики од своја глава ставени на други тела. Видел меме или фотомонтажа, ви текнува? Кај ли учел тој лидершип, во Северна Кореја?

Не е нов пронајдок ама уште ни е фасцинантен. Стадардна филмска камера снима 24 фрема во секунда. На МИТ имаат развиено камера со - пазете- трилион фремови во секунда! Практично, снима како се движи светлината: движење на фотони во една нано секунда, го развлекува во 20 секунди. Да снима куршум како пробива јаболко, снимката би траела година дена.

Пластични хирурзи предупредуваат дека Холивуд го зафаќа криза на „Оземпик фаца“, карактеристична за брзо слабеење за кое е заслужен Оземпик, лекот за дијабетес (кој го има креирано ќерката на Лазар Мојсов, висок комунистички функционер од Македонија). Не е само Холивуд туку е глобална манија: на ТикТок има 86.700 видеа тагирани со „оземпик.“ Каква е оземпик фацата? Скоро како кај Рацин: „веѓи паднаја надолу и усти се свија кораво“.

Оние кои имаат јаки раце, одат па се буткаат на раце. Оние кои имаат јаки нозе, одат па се тркаат со точаци. Оние кои имаат јаки лакти, напредуваат во кариерите. Што прават оние кои имаат јаки уши? Сега ќе видите. Ама па добро, на овие јадници кога им горат ушите, барем знаат дека не е од тоа што некој ги зборува.

Нема поголема офтика од оние активисти кои мислат дека во секој момент и на секое место, другите треба да се произнесат по нивната кауза. Такви беа БЛМ, такви беа шарените кои грдеа луѓе седнати на кафе додека тие „ни ја ослободуваат државата“ (од 6 до 8 пред СЈО, по што доаѓаа во истите кафичи), таква е и оваа која го начека Алек Болдвин и хистеришеше да каже „Free Palestina“. Ние пократко ќе издржевме од него. 

Лана Роудс го напушти порно светот после само 8 месеци откако влезе, но тоа беа ударнички 8 месеци. 8 години позрела, сфаќа колку била глупа и искористена од суровата индустрија, водена од искусни мажјаци кои точно знаеле како да убедат 19 годишна девојка да го направи тоа што сакаат да го направи. На неа имаат заработено милиони а таа била плаќана греота: 1.200 долари по сцена (за малку наместо „сцена“ ќе пишевме “комад“, па ни текна дека некогаш беа повеќе комади). 

Да, пак е ВИ, само кај ова страшното е што му давате една слика од човек, и потоа тој ви вади цели видеа со него, на кои зборува што и да му зададете вие. Помалку страшниот дел е што може да направи цел монолог на цртани ликови или ликови од слики. И сето ова го прави со акцент и природни движења.

Такер Карлсон објаснува како не е важно кој е на власт во Америка и колку се излишни сите оние комитети и комисии за контрола на американскиот разузнавачки апаратус. Службите си работат.

Сè ова наводно е ненамерно. За време на некоја локална воена парада во Иран, на водениот топ му се активираше баш страничниот топ, баш кога минуваше покрај бината со функционери и офицери. Нема информација што казна попил топџијата.

Главно јасни се сите тие додатоци во фамозното швајцарско армиско ноже и за што служат. Некои за сечење, има тука отворач за конзерва, отворач за тапи, турпија, ножички... Но, на едно од ножињата има и едно дупче за кое не бевме сигурни за што е. За шиење да ти било. Еве како се користи.