Потсетување кога Роберт Ф Кенеди Јуниор (неодамна назначен за американски секретар за здравје и човечки услуги) предупреди дека корумпирани конгресмени буткаат навидум благородна идеја, ефикасниот лек за дијабетес и слабеење да биде ставен на позитивна листа поради ендемскиот  проблем  на Американците со вишокот килограми. Со тие пари, вика Кенеди, можеме за секој човек да обезбедиме три здрави оброци дневно и членска карта во теретана.  

Дечките од CBS News решиле да го тестираат многу фалениот канадски систем за рециклирање. Купуваат 9 тони пластичен отпад и го предаваат во три надлежни за тоа компании, секоја од нив со звучен слоган за рециклирање, ре-употреба, ре-ова,-ре-она. Само што претходно, во предадениот отпад сокриваат ГПС уреди за сателитско следење.

Злато. Литиум. Плин. Нафта. Под ледената покривка на Гренланд се наоѓа вистинско богатство, вклучувајќи резерви на ретки метали кои се доволни да ги покријат потребите на целиот свет во следните 150 години. Ова е богатство што може да им помогне на Гренланѓаните да остварат еден свој стар сон.

Верувале или не, навршуваат 40 години од проектот ЈУ Рок Мисија, југословенскиот одговор на акцијата на Боб Гелдоф за помош на гладните во Африка. Американците ја имаа We Are the World (на Мајкл Џексон и Лајонел Ричи, во продуција на Квинси Џонс), Британците Do They Know It's Christmas? (Боб Гелдоф и Миџ Ур) а обединетите сили на југословенскиот рокенрол ја изнесоа песната за која се однесува оваа 30 минутнa приказна.

Дечко кој шета по маало забележува дека еден од комшиите стално го снима кога проаѓа покрај неговата куќа. Решава и тој да го снима. Снима едниот, снима другиот.  Првиов, оној што снима од дома, решава пријатно да го изненади комшијата. Не се разбраа. Приказната завршува со уплав и бежанија.

Секоја чест и за Пит Таузенд и за Роџер Далтри, но звукот на The Who ќе беше „мех“ без тапаните на Кит Мун, тој прерано починат ѕвер кој во базени влетуваше со кола и убиваше досада со голтање анестетици за коњи. Тапанар кој и бавни нумери знаеше да следи со жар и страст како да се работи за јуришни песни. Еве го во легендарната „Who Are You“, објавена само неколку недели пред да скине од несакан оведроз.

Мајкл Волц е поранешен специјалец во американската армија, конгресмен и актуелен советник за национална безбедност. Вади ќесе полно со метални шајбни, веројатно едни од најчестите ситни делови во механиката. Се купува за помалку од 100 долари. Шајбни набавувала и американската авијација, ама за 90.000 долари за истата количина.

Ни најмалку немаме намера сами да се посипуваме со пепел или да навестуваме некаква инфериорност на нашите луѓе. Сигурно и кај нас ќе се најдат такви што ќе му помогнат на човек кому му се случила некоја беља (на пример падне па му се истури сè од раце) ама вака беа размислување и инстинктивно да притрчаат во помош толку многу луѓе, алал вера. 

Кинескиот ВИ четбот Дипсик го здрама светот а во престолнината на ИТ империјата, Силициумската долина, беше доживеан како атомска бомба. Паметен, ефикасен, истрениран со 90% помалку пари, достапен за сите, транспарентен во кодот....  Супериорна алатка која сепак има граници до каде смее да чепка. На пример, прашајте го Дипсик за Тиенанмен, одма влегува во мод „ја нисам одавле“.

Жена ова ги прашува никој друг туку Браjaн Mej, Џими Пејџ, Ерик Клептон и Џеф Бек! Не е чудно што не знае кои се овие гитарски чинари а уште помалку „колку долго“ со тоа се занимаваат, бидејќи нејзиното „долго“ беше различно од она што е долго за останатите смртници. Кралицата Елизабета, која круната ја носеше 70 години, повеќе отколку што се стари овие „клинци“.

Конгресменот Томас Mаси ја објаснува инфлацијата на начин прилагоден на деца од претшколска возраст и на популистички политичари кои најлесно трошат туѓи пари. Ако имате половина чаша сок и ја дополните чашата со вода, нема да добиете цела чаша сок, туку само ќе го разредите тоа што сте го имале. Така е и со парите и нивната вредност.

„Една владина агенција постојано се појавува како центар на најмрачните и најчувани американски државни тајни“, порача Глен Бек пред неколку години. УСАИД. Нејзини пари завршувале кај Ал Каеда, се финансирале шпионски операции во Куба (види кај нас: Како УСАИД не направи кубански Твитер?), обуки за малтретирање затвореници (со електроди на гениталии), матни стерилизации во Перу....

Не, не се од вообичаената постава на Американки што прават проблеми по светот (Хилар, Нуланд...). Оваа воопшто не е во политика, ниту пак има каква било функција, туку едноставно се заљубила во 19-годишен Пакистанец, се спакувала и се подала до Карачи за да биде со него.

Нормално дека сите се со ментални пореметувања, кога сè е ментално пореметување. Нема слободна волја, сè е хемија, нема дисциплина, нема самоконтрола, а кога имаш хемиски дисбаланс, тогаш тоа одлично се решава со друга хемија која го враќа балансот. Барем така тврди академикот и психијатар Томас Сас.

Дејвид Боуви на времето напишал стихови за француската “Comme d’habitude“, на Клос Франсоа. Признава дека стиховите биле шкарт, ама, ги пратил. По некое време на радио ја слушнал мелодијата, помислил дека е тоа неговата песна кога оно - My Way на Синатра! Бил изнервиран но и заинатен да направи слично драматична песна. Така настанува "Life on Mars", за која легендарниот клавијатурист Рик Вејкмен вели дека е најдобрата песна на која свирел.

Популарната пејачка и глумица со мексиканско потекло, Селена Гомез неодамна имаше емотивен бродолом на Инстаграм, нормално, со вклучена камера (иначе не се важи), за да се види како таа плаче до небо за судбината на оние кои Трамп ќе ги депортира немаат документи. Брзо го избриша видеото откако виде дека постигнува контра ефект бидејќи многумина не паднаа на таа пренагласена патетика. Не доволно брзо бидејќи во меѓувреме ja отследиле 808.500 лица. 

И овде има плачење „како сега ќе нè биде“ без УСАИД и нивната помош (откако Трамп реши да ја стопира помошта за странски земји), па се набројуваше што имаат тие направено тие кај нас....Не е тоа проблемот. Проблемот е до кога луѓе ќе се навикнуваат некој постојано да ни помага и да зависиме од такво просење. Држава што живее од туѓи пари не е држава туку колонија. На тие што биле колонии им е многу јасно тоа.

Пирс Морган прави гледливи и релевантни дебати, ефектно ги деконструираше транс-џендер и воук мантрите, но знае да утне биг тајм. Во муабет со Такер Карлсон, ко да се сите од Марс, мртов ладен рече дека НАТО е одбрамбен сојуз и дека нема нападнато ако не бил нападнат. Наведни глава и признај дека си глуп, отприлика му рече Карлсон откако му ја спомна Југославија и Косово. Такер да не се смее така идиотски, ова би го гледале на рипит.

Да нема забуна, не замина Маријан Ленсен која Леонард Коен ја сретна на грчкиот остров Хидра и за неа ја напиша таа песна, замина Маријан Феитфул која инспирираше уште повеќе песни. Им беше муза на Мик Џегер и Стонси, но и многу повеќе од тоа. Тешко дека тие ќе ја напишеа „Symphaty for the Devil“ ако Маријан на тие двајца дрипци не им ја беше дала „Мајсторот и маргарита“ од Булгаков.

Новата прес секретарка на Белата куќа, Каролина Ливит почна бомбастично: новите владини тела за мониторирање на државните трошоци идентификувале и спречиле претходната администрацвија да потроши 50 милиони долари за кондоми во појасот Газа. Таму живеат околу 780.000 машки лица постари од 12 години. Математиката вели дека за тие пари, на секој од нив му следуваат 654 кондоми. 

Американскиот потпретседател ЏејДи Ванс предупреди на една околност на која ретко се размислувало. Дека со оглед на актуелните тенденции, можно е Велика Британија да стане исламска држава со нуклеарни воени капацитети и за некои 20 години, таа, а не Русија и Кина, да биде најголемата закана за Америка. Екс британската секретарка за внатрешни работи Суела Браверман, тоа не го сфаќа како шала. 

Доналд Трамп на една поранешна средба со ужасно важен и чувствителен гео-политички соговорник и потенцијален нуклеарен непријател. Делот од средбата кој е отворен за новинарски екипи и за сликање па Трамп им вика на фотографите да гледаат тој и соговорникот да испаднат „убави и тенки“. А потоа камерата открива кој е тој другиот што треба испадне тенок.

Она што за нас е фамозната „пруга кон Бугарија“ или „карго аеродром“ на југоистокот на Македонија, за Американците е „се враќаме на Месечината“, каде што ќе направат мисија, трајна база... (ќе се отворат трафики и пекари...). Уште од 1988 година, Роналд Реган најавува: „Одиме на Месечината за да останеме таму.“ 2025-та година, не е направен ни тачдаун, не па база. А ене кај е.  

„Контент креатор“ кој запира луѓе по улиците на Њујорк и ги прашува оние безвезни прашања кои обично ги поставуваат на интервјуа за работа: „Каде се гледаш себе за пет години?“, налетува на Вилем Дефо и го прашува од што живее. Кај нас некои од познатите јако би се навредиле и надуле да ги прашаат така. Ама денес 69 годишниот Носферату одамна е кул и приземен фраер.