По повод 30 годишнината од песната Virtual Insanity, Џамироквај го ре-креираше легендарниот спот, со помош на режисерската двојка Џулиен и Квентин. Ништо вештачка интелигенција и компјутерски керефеки туку правење девет вистински, физички соби. За разлика од оригиналот каде што се движеа ѕидовите, овде се движи подот. 

Која е смислата подложувањето на оперативни зафати, хемиотерапии, радиолошки зрачења, морфиум ако битката уште на почеток е сто посто изгубена?! Пет процентната операбилност не значи и излекување, туку само продолжување на животот со болеста, за кој седумдесет и шест годишната Ведрана пишува дека бил умирање на рати. За разлика од учената Ведрана, мојата необразувана мајка сето тоа го знаеше.

Марлон Брандо не единствениот актер кој имал проблеми да ги запамти своите реплики. Некогаш и затоа што се сметаат за преголеми ѕвезди за да памтат текст па им ги запишуваат репликите некаде вон кадарот на камерата. Само што Брандо од тоа го има создадено оној негов фамозен потег со главата кој забавно го опишува Ричард Харис.  

Две другарки, едната од нив решила да се фрли со падобран од авион. Проблем е што во последните моменти малку се пишмани од идејата. Тоа не е никаков проблем за другарка ѝ, конта, треба само да ја подбутне. Само што заборава дека самата нема падобран. 

Бил Оливер е ветеран на кандската политичка сцена но сака да држи чекор со времето. Ама, си ги пушти нозете малку подолго отколку што му е ВИ чергичето па не само што прочита говор кој му го напишала вештачка интелигенција туку топтан го прочита и промптот. За да нема сомневање дека оригиналната мисла во неговата глава одамна е исчезната. 

Иранците умешно користат нешто што ѝ е познато на западната публика за да се спрдаат со Американците и нивната војна. Очигледно ги допрела пораката па и Марко Рубио ги спомна нивните видевца со Лего теми. Овие му направија ново видео.

Некои згради во Скопје имаа предвидено можност да фрлаш ѓубре од дома, преку метален канал во лоџија, кој го спроведуваше ѓубрето до подрум. Не траеше тоа долго. До првиот идиот кој ќе го затнеше каналот пробувајќи да избутка стара табуретка низ него. Така би завршило и ова, кога некој билмез од трети спрат ќе реши да ги завари шипките.

Се возел по Западниот брег кон градот Јенин. Забележал дека барем имаат убави патишта. Соговорничката  му рекла: Да, ако си Евреј. Од прва не му се верувало дека во таа земја, во Израел, по некои патишта е забрането да се движиш ако си Палестинец. 

Еко-историчарите го имат прогласено американскиот хемичар Томас Мидгли Јуниор за човек кој ѝ нанел штета на Земјината атмосфера повеќе од кој било друг човек во историјата. А само се бавел со наука и решавал постоечки проблеми. Така измислува две работи: оловен бензин и фреон. 

Режисерската легенда од 70-тите години, Вилијам Фридкин (Егзорцист, Француска врска..) раскажува како е да се работи со различни актери (Томи Ли Џонс, Бенисио дел Торо, Ник Нолти) и како некои од нив знаат да го тупат. Бенисио на пример, за да влезе во ликот, му било битно да му се каже што тој лик правел кога имал 12 години. 

Во Торонто, Канада, во петок, 3 јули 2026 година во три часот, една минута и дваесет и осум секунди наутро по централноевропско време, брутално беше убиен добриот, сто и шеесет години стар фудбал. Она што ќе го гледаме во децениите што доаѓаат повеќе нема да биде едноставна игра за деца и професионалци, туку видео игра за хај-тек магнати, богаташи и – мафијаши.

Во соработка со историчари кои собрале речиси 2.000 историски записи и над 3.600 архивски фотографии, анализале стадионски нацрти и исечоци од весници со дијаграми од случувањата, Гугл со помош на вештачка интелигенција конструирал снимка од митскиот гол на Пеле од 1959 година, меѓу Сантос и Јувентус. Топката префрлува тројца играчи и голман без да допре земја. На стадионот немало камери па останале само сведоштва и легенди. 

Во САД постојат околу 3.000 округа. Ако се земе вкупната американска помош за Израел од 3,3 милијарди долари, испаѓа дека секој округ за тоа издвојува околу милион долари. Државата дава повеќе пари за Израел отколку за помош на американските бездомни ветерани. „Треба да го ставиме Израел на диета,“ порачува републиканскиот конгресмен Томас Маси од Кентаки. 

Прашање до возрасен човек кој ја изгубил саканата жена, каков совет би им дал на оние што мислат или планираат да се женат. „Ако ѝ го сакаш само телото а не и душата, немој да ја жениш. Затоа што тоа тело нема да трае“. Сакаме да го слушнете него и да го видите оној што го постави прашањето.  

Во јапонското порно, половите органи стандардно се цензурираат, односно пикселизираат. Покажување гениталии таму е забрането уште од 1880 година (Член 175 од Јапонскиот кривичен законик), особено ерекција и пенетрација. Во тоа цензурирање, во последно време, сè почесто се користи вештачка интелигенција која автоматски препознава голи гениталии и ги покрива. За Јапонци, следи содржина +18 

На 88 години, после шест децении минати како актер, Оскаровец и велшка културна икона, сер Ентони Хопкинс отвора ново поглавје во својата креативна кариера. Потпиша договор за албум со класична музика. Тоа е неговата прва љубов, уште кога на 4 години му купиле пијано. На 10 веќе го свирел Бетовен, на тинејџерски години почнал да компонира. 

Ги знаете оние мали, природно разгазени кратенки вон пешачките патеки (обично по хипотенузата на некој агол). Во некои земји, кога се урбанизира некој простор, пешачките патеки не се прават однапред, туку се остава животот и луѓето сами да ги изберат оптималните патеки кои потоа само се потврдуваат со асфалт, павер, песок. Бродвеј улицата е така настаната.

Има едно правило до кое се држиме дека за покојникот или се кажува „сè најдобро“ или се молчи. Бидејќи за ненадејно починатиот американски сенатор Линдзи Грем немаме да кажеме ништо добро а не па најдобро, само ќе потсетиме што пишувавме за него додека беше жив и ќе го оставиме со свои зборови сам да ви се огади. 

Стоунси го извадија својот 25-ти албум, Foreign Tongues. За некои тоа е најдобриот нивен албум со децении, нам повеќе ни се бендисуваше претходниот Hackney Diamonds, ама на новиот му должиме уште пар преслушувања. Една од песните е Ringing Hollow за која одма се извади муабет е дека против Трамп. Џегер и Ричардс дообјаснија: не е до Трамп, цела Америка денес е малку разочарувачка. 

Најновиот во серијата инциденти низ Украина кои ја покажуваат растечката фрустрација кај населението поради мобилизацијата во петтата година од војната со Русија се случи деновиве во Лвов. Единиците за регрутација пикирале маж роден 1996 година, баран заради нерегистрирање за воена служба. Но, акцијата не помина мазно. 

Дански репортер го потсети шефот на Рада дека седеше како клен до Трамп кога овој зборуваше за освојување на Гренланд или ги омаловажуваше сојузниците како Шпанија. „Какво влијание има врз вашата самопочит кога во такви моменти само седите и не реагирате?“ А одговорот на Руте е до балчак: „Треба да му оддадеме признание на Трамп што го направи НАТО посилен.“

ФИФА на ова Светско има генијален начин да ја нахрани својата лакомост: истите рекламни места околу теренот ги наплаќа не по еднаш туку по четири пати! Симултано објавува четири реклами на еден ист монитор: тој има 240 фрема во секунда и покажува четири реклами по 60 фрема истовремено. Различните камери ги фаќаат само оние 60 фрема на кои се покажува рекламата која е платена кај нив.      

Една од најбесмилените методи на штедење преку - повеќе трошење. Така е и скован теминот, од зборовите штедење и трошење (што би се рекло согласно темата, добивате два во еден). Има различни варијации во вид на мали награди кои шприцаат допамин во мозокот за на крај да завршите со нешто не ви треба или количини од нешто што ви треба ама не во толкава количина.

Најголемата лага која упорно циркулира наоколу не е за храната или за медицината. За спиењето и сонот е. Осум часа спиење во едно парче се боготвори како златно правило и повеќето луѓе мислат дека будењето среде ноќ значи дека нешто не е во ред со нив. До кортизолот е, до стресот е, кликни за да ти продадеме мелатонин или апликација.