The Mill се глобална фирма за визуелни ефекти, полна со луѓе кои сериозно ги бива со камера, ефекти и компјутери. Еве годинава што имаат сработено.

На тие што се растени со дедо одамна им е познат концептот "има сè да изедеш, затоа што не планирам да фрлам јадење." Една од клучните бројки за храната во светот е што моментално произведуваме 27% повеќе храна отколку што ни е потребно, а и покрај тоа има 870 милиони гладни луѓе на светот, а 2,5 милиони деца секоја година умираат од глад. Главни причини за ова се фрлањето и лошото управување со храната.

Голем концерт на Грин Деј во Лондон на Емирати стадионот. Додека публиката се собира и чекаат да излезе Грин Деј, на радио ја пуштаат Bohemian Rhapsody од Квин. Еве што се случува.

Иако Нет Рулет е главната позиција на сајтов за промоција на најнови трејлери, некогаш има епски достигнувања во кинематографијата кои заслужуваат поголемо внимание. Ви го претставуваме првиот трејлер за Sharknado, со маестралните Стив од Беверли Хилс и Тара Рид.

Периодот од моментот кога ќе добиеш мотивација за сите оние ветувања: ќе држам диета, ќе вежбам, ќе ја прочитам книгава, нема да застанам на пијачка на враќање накај дома; до моментот кога стварно треба да го направиш тоа, собран во 6 секунди.

Ноќна мора беше телевизиско шоу во комплетна изведба на Жељко Малнар, кое со најразличен распоред се емитуваше од 1992-ра до 2010-та. Концептот беше се појавува Малнар пред камера и почнува да зборува. Со тек на годините Малнар почна во шоуто да носи крајно шармантни ликови од неговото секојдневние (сите речиси без исклучок алкоси). Па така, низ шоуто се наредија Шева (кој почина во 2010-та), Јаран, Брацо, Цезар, Тарзан... Ова е дел од опусот на Малнар во Ноќна мора.

Реклама на Пошта на Норвешка. Еден куп пакети и еден куп љубов. Поштари и не така многу.

Два кратки документарци на Вајс, за немирите во Истанбул и Турција. Вовед во немирите и како понатаму се развиваа.

Свадба во Пакистан. Напнати гости, напнати келнери, сите на дистанца и сите на низок старт. Или некој погрешно ги пребројал гостите или даваат некоја награда.

Идејата за вежбање од само 7 минути ви ја претставивме пред некое време (научна, базирана на истражувања и резултати). Сега ви го претставуваме сајтот кој ќе ве следи додека ги правите вежбите. Само 7 минути се и готово.

Џузепе Коларусо е Италијанец со уникатен талент за креирање на крајно неупотребливи и бескорисни работи. Сето ова Џузепе го има доведено до ниво на уметност.

Тоа што важи дека по некое време газдите почнуваат да личат на сопствените кучиња, изгледа важи и за музичките ѕвезди и нивните фанови. Фотографот Џеjмс Молисон фотографира групи фанови пред да влезат на концерт на својот идол.

Во 1935-та, Хемингвеј одговара на еден текст од рускиот преведувач и критичар Иван Кашкин. Писмото го завршува со пост-скрипт во кој ја објаснува својата љубов кон алкохолот (нешто за што Кашкин му забележува).

Во петокот вечерта неколку часа траеше судирот меѓу противниците и симпатизерите на сменетиот египетски претседател Мухамед Морси. Во немирите низ Египет на оваа тема вечерта загинаа околу 30 лица. Ова се слики од мостот 6-ти октомври кој ги спојува двете страни на Каиро.

За време на една акција во Авганистан маринецот Метју Калахан завршува со скршена нога. Додека е на рехабилитација тој почнува со изучување на фотографија, со намера да стане воен репортер за армијата. Го учи ова, зема апарат и почнува да ги раскажува приказните на своите соборци. По пат започнува и Инстаграм во кој пренесува дел од сториите.

Не се за луѓето на големите мотори, не се за оние на брзите мотори, ама совршено ќе одговараат во комбинација со сите оние Веспи (и сл.) што одлично му легнуваат на расположението на градов. Кацигите (поточно цртањето) се дело на француското студио BMD, и сите се рачно уредувани.

Ворен Елис е еден од најпознатите британски автори на стрипови, романи и телевизиска програма. Меѓу другото се занимава и со коментирање на општеството. Ова е неговата честитка за "колониите"

Дијаграм од книгата Coup d'Etat: A Practical Handbook од 1968-ма, за тоа како се менува власта со државен удар. Според планот ти требаат 3 тима кои во точно време ќе "нападнат" на клучни позиции (медиуми, телекомуникации, резиденција...). Другото оставаат на тебе.

По основа - не сте вие стари ама песниве наполнија 20 години, една музичка листа на тема 1993-та, од времето кога на музичките телевизии имаше музика.

DJ Earworm е дечко што редовно ги собира најважните нумери од светските топ листи и ги комбинира во еден микс. Овој пат, ред е на се што се случуваше изминативе 2-3 месеци.

Станува збор за дрогата, не за оние што ги чувате во шишенце во бањата од кога ви ги поклониле за роденден и никогаш во живот не сте искористиле.

2004-та во шоуто на Џон Рос гостува една 20-годишна девојка, која ги воодушевува сите со својата природна убавина, одлично искалена смисла за хумор и најмногу од сè музичкиот талент.

Изгледа како сцена од Бонд, ама всушност е јавна вежбална во Киев која е отворена и бесплатна уште од времето на Советите пред 40 години и која функционира до ден денес.