"Gloomy Sunday" треба да звучи онака како што Били Холидеј нè навикна. Со глас потопен во виски, изрезбан од чад од цигари и напукнат од триста бељи човечки. На ист начин, само без ништо од ова, 7 годишната Ангелина Астар, на норвешкиот "Имам талент".

Сосема вообичаена временска прогноза и разгледување на можните сценарија за тоа каде какво ќе биде времето. Ама, ќе видите и сами, немате чувство дека го следите синопсисот за следната сезона на Игра на троновите? 

Кај нас не е ладно колку во Канада а и тешко дека ќе се најдат доволно раце за да направи електрично коло. Не за друго, секогаш ќе сака некој цигара да запали. Но, потегот и поентата на рекламата, одлични.

Да ја снимаа рекламава кај нас ќе ги имаше оние момците што проверуваат дали си платил за зонско, курирот од суд што носи покани и таксист.

Станува збор за жена која порано има работено во НАСА и има магистратура по инженерство. Сега целото свое знаење го користи за правење на неверојатно детални ремек дела од торти. Иако во секое време сме далеку повеќе за торта со најпрост облик и најсложени длабоки чоколадни вкусови, ова заслужува пофалба за завршената работа.

Идејата дека "зад секој голем маж стои жена," тука е адптирана во "во секој голем маж што почнал војна, се крие уште поголема кралица."

Кратки и прецизни графички упатства за тоа како можете да изчезнете од интернет. Во девет чекори.

Стигнавме до моментот во True Detective кога не е срамота да признаеш дека немаш поим што значи пола од дијалогот на Раст Кол и Марти Харт, без разлика што само заради тоа си ставил превод на серијата. Еве како изгледа муабетот меѓу двајцата:

Русите очекувано се попалија по ситуацијата во Крим па почнаа да фрчат интернет фотки и монтажи за национално куражење. Што штосни, што глупи.  

Додека неговите врсници лудуваат по Супермен и Бетмен, на 5 годишниот Максим Драшковиќ од Белград најголем идол му е Жан Пол Белмондо. Толку идол што со помош на татко му решил да му напише писмо во кое го вика да дојде во Белград и на сите да им покаже дека не остарел, бидејќи "во Париз луѓето не стареат".

Како изгледа доделувањето Оскар од страната што не ја гледаме - од репортажното возило на телевизијата што го прави преносот. Тоа што нам ни изгледа добро завршена работа, во основа е перфектна организација и совршено уиграна екипа.

Ние сме Стојановски, станот ни е меѓу Димитрови и Беќири, на глава ни тропаат Јовановиќ и Хоџа а оној стариот под нас, кој едвај чека да се одселиме од зграда ви е добро познатиот Пападопулос.

Цело ова време Start me up на Стонси да ти имала сублиминална порака за убавината на живот во Југославија. И Џими Фалон само што го открива ова.

Таа се вика Дејзи, тој се вика Купер. И секогаш кога има сладолед, Дејзи добива прва. Со причина.

Макартни е извонреден инструменталист чија главна предност отсекогаш била што знае да го прави тоа едноставно. Имаме пар видео лекции, за бас, за акустична гитара и за сè заедно.

Бавноста на стандардното читање се должи на непотребниот пат кој го минуваат очите. Постои техника која гарантира дека ќе прочитате куп материјал кога ќе успеете движењето на окото да го сведете речиси на нула. А ние ќе ве потсетиме и на Вуди Ален.  

Единственото оправдување ако не ја гледате серијата True Detective може да ви биде ако чекате прво да ја спукаат цела, за да ја гледате во еден здив. Најдобрата серија која моментално се врти има една префинета дејвид-линчовска мистериозност, ама - со смисла. За да не помислите дека Раст Кол и колегата само блебетаат, еден толковен речник на поими кои можат да го олеснат гледањето.

"Идеолошки" е сличен на спотот на Проктер и Гембл за мајките на Параолимпијците, само што овој наместо мајки ги има луѓето што ќе се појават на Параолимпијадата во Сочи. Поентата е: "Параолимпијците не одат на Игрите затоа што сакаат да покажаат нешто во врска со својот хендикеп, тие одат затоа што сакаат да освојат медал. И ова често се заборава кога се овие Игри во прашање."