Едно куче од шелтер, измалтретирано и полно со недоверба кон луѓето, за првпат се среќава со добрина од двоножно животно.

Името на шоуто е "Комичари одат по кафе," по интервенцијата на стражарот од Белата куќа шоуто стана "Комичари што не одат никаде со Претседателот".

Девојката се снимала на секои неколку недели до каде е стигната со нејзиното свирење виолина. Од нула до две и нешто години. Во видео тоа изгледа фино. Ама помислете на оние околу неа. Тие 2,3 години некој требало да ги издржи.

Баталете ја руската салата, кифлиците и останатите канони на новогодишната трпеза. Оваа Нова година ќе бидеме на пица! Зошто? Затоа што конечно имаме откриено еден клучен дел од рецептот за пица со три вида сирења. Па како не ни текна досега??

Балетаните се борци во тајландски бокс. Тоа што ние го гледаме како ќотек, они го гледаат малку поуметнички.

Истите луѓе што ја правеа Новинарска 2015-та, посветија посебно внимание на луѓето што читаат временска прогноза. Ова им е компилацијата.

На руската верзија за бирање таленти за пеење (Звезде Грандушка, Звезде Пинкушка), убедливо победил Отец Фотиј, 10 години јеромонах на руската православна црква. Победата била толку убедлива (76 проценти од гласовите на публиката), што луѓе мислат дека тој бил пратен од црквата како ПР потег за подобрување на нејзиниот човечки имиџ. А гласот на калуѓерот - божествен. Арсо наш не пее вака ама па затоа подобри песни знае од Фотиј.

Легендарната сцена од тренингот на Роки, со онаа легендарна песна. Е, тоа само без легендарната песна. Отприлика што слушале оние што снимале. 

Фина и денес веќе антологиска сцена од 1977 година. Арсен и Чола ја увежбуваат "Загрли ме" ( Не може ти вијетар ништа...). Првиот на клавир, вториот на гитара, а песната се раѓа....

Новиот Бонд би можел да биде црнец или трансџендер, би можеле да го видите како пие смути наместо вотка-мартини, да носи еко-френдли пижами наместо Том Форд фрак или да јавне тротинет наместо Астон Мартин. Во нов филм со Џемс Бонд само ова веќе никогаш нема да можете да го видите.

Ексепримент од 50-тите години, ги снимаат доживувањата на една сосема обична жена под дејство на халуциногениот ЛСД. Дисконектирана од реалноста, се чувстува прекрасно, сè околу неа е колоритно и живо и убаво, жал ѝ е за оние што не можат да го видат она што таа го гледа. Накратко, како наша денешна домаќинка откако ќе изгледа серија вести по нашиве ТВ Трипови. 

Самата тема на видеово е фабрички незанимлива за секое човечко суштество, меѓутоа ја надградиле со добар текст, прави кадри кои се прецизно монтирани и одлична употреба на графика. Крајниот резултат е една сосема непозната желба да земеш и да ја смениш секоја можна шајбна во животот.

Ок, пошто углавном гледам три типа ликови околу - новокомпонирани, (колку толку) нормални и авангардни, и со оглед на тоа дека новокомпонираните се апсолвирани во повеќе наврати, ред е малку да се осврнеме на авангардата.

Иако музиката на оваа видео компилација од зимски бељи е малку нервозна, туѓата мака секогаш умеела ефикасно да нè смири.

Додека вие се возите сами или по двајца, овој во колата пренесе цело ОУ.

Интересен детал од предговорот на книгата "Разговори со Смоје" на Борис Дежуловиќ, неодамна промовирана и во Скопје. Млад и бунтовен, Дежуловиќ му оди на својот некогашен новинарски и секаков друг херој Миљенко Смоје, за конечно да го расчисти прашањето зошто oвој молчи во време кога не смее да се ќути.

Една фина репрезентативна екипа која ја изведува "While my guitar gently weeps" на Битлси. Тука се Том Пети, Стив Винвуд, Принц.... особено Принц.

Бидете искрени пред себе. Ве затвораат во ќелија со решетки во која нема ништо освен еден чаршаф. Ако не сте апла депре за да помислите да се обесите, ќе легнете на ладниот под и ќе се покриете со чаршафчето. Така? Така. Па стварно, тоа е максимумот кој може интелигентен човек да го извлече од таа ситуација, нели? А сега - тој.

Познатиот ултра смешен песимист Дејв Бери ја напиша својата редовна рецензија на годината што изминува. Како и секогаш, полна му е со лоши работи а насловот на текстот е: "Најтажно од сè е што ништо не измислуваме"

Веројатно сте налетале на оваа романтична видео сторија, кога дечкото запре цел автопат за да ја запроси својата девојка. Ах, каков потег, каква љубов, каква... правна држава.

Ситуација слична на она од предвоените времиња на екс Југославија, кога на објект на хрваска пошта некој имаше напишано "Ова е Србија!", на што некој му објасни: "Ова е пошта, будало!" Израелски доселеник сака да симне палестинско знаме од територијата на неговата држава, со тоа што таа територија случајно е нечиј домашен кров. И онда напупен меѓу бодликави жици започнува дебата со домаќинот.

33 годишната Наталија е петтиот најплатен модел на светот, можеби најпозната како лице на парфемот Еуфорија, на Калвин Клајн. Но, нејзиниот ден собира уште многу. Бизнис инсајдер ја замолил да им покаже како тоа изгледа.

Погледнете го овој возач на Хезболах како трпеливо ја чека вистинската секунда за да го помрдне возилото напред и да ја избегне ракетата упатена кон него. А вие не можете на време да тргнете кога ќе се запали зелено на семафор!