Гледајте вие како населбата стои со инфраструктура, какви се улиците и тротоарите, кои основни институции се на располагање, со што содржини располага, кои од вашите потреби задоволува.... Но еве еден дополнителен и неочекуван совет: ако наоколу шета питомо и нетрауматизирано куче кое сите го знаат и кое е сечие, тука живеат нормални луѓе.   

На Волстрит и во неколку други градови во САД и Европа неодамна осамнаа слики од најмладите жртви во Газа. Изложба како како суров и директен потсетник за тековниот конфликт и пустошот наметнат врз невините животи во Газа, особено врз децата кои претрпеа огромни жртви и трауми. Никој не останува рамнодушен. Освен оние што не треба да се рамнодушни.

Од 6.000 луѓе кои се имаат искачено на Монт Еверест, само 200 од нив стигнале на врвот без дополнителен кислород. Пољакот Анджеј Баргиел не само што за 16 часа стигнал до „зоната на смртта“ (над 8.000 метри) без боца со кислород, туку потоа надолу се спуштил со скии. Замислете ги фаците на оние со кои се разминувал. 

Првпат во историјата на Квебек, на тројца мажи кои живеат заедно во полиаморна врска им било дозволено да посвојат дете. Надлежните служби им дале тригодишно девојче. Двајца од нив веднаш добиле правен статус на родители а третиот започнал процедура за истото. Во меѓувреме, може да биде вујче. Или вујна, ако така се осеќа човекот.

Естепарио Сибериано (правото име му е Жорже Гаридо од Валенсија) веќе подолго време е феномен по светските интернет платформи со своите ритам и тапанарски техники со кои има инспирирано илјадници луѓе да се пробаат и тие. Барем двојно од тоа има обесхрабрено бидејќи Естепарио „не се стига.“ Животно, ѕвер, машина. И Мајк Портној од Dream Theater мисли исто. 

Под притисок на едногодишната истрага на упорниот конгресмен Џим Џордан, Гугл призна дека цензурирале за време на администрацијата на Бајден, особено за време на пандемијата и изборите. Пишавме дека скинале над 8.000 канали и илјадници „штетни и погрешни“ видеа за изборите, па да додадеме уште една бројка - во координација со Бајден и Фаучи, имат снемано МИЛИОН ковид видеа.

Во говорот во ОН Трамп нè информираше дека за седум месеци ставил крај на седум војни. Меѓу нив, ја сопрел и војната на Косово?! Да се чудиш каков балван е. Можда е незграпен за „понадвор“ ама па дома ќеифи си тера. Во Белата куќа отвори „Wall of Fame“ со портрети на сите досегашни претседатели. На местото на Бајден закачил слика од „автоматско пенкало“ со кое сенилниот потпишуваше укази и закони. 

Илан Волков е прочуен диригент кој бил и главен и гостин диригент на многу познати оркестри во светот. „Доаѓам од Израел, живеам таму, го сакам, тоа е мојот дом, но она што сега се случува таму е монструозно и ужасно, надвор од секоја замисла“, кажа тој на настап во Ројал Алберт Хол повикувајќи го светот да интервенира бидејќи „Израелците, Евреи и Палестинци, нема да можат сами да го сопрат тоа.“

Насловот можда е „клизачи“, ама сцената е тажна до небо. И тој некогаш бил дете.  И тој некогаш сонувал дека ќе прави големи работи во животот. Во којзнае кој момент влегол во лош круг и не излегол од него. Еден од илјадниците наркомани во САД, зависни од синтетички дроги, особено фентанил, кој па уште го мешаат со транквилизатори за успивање животни што ги води во неприродни кататонични пози. Ах бе дете....  

Во Авганистан сегрегација меѓу мажите и жените е толку ригорозна што повторно цвета една стара практика наречена „бача бази“. Возрасни мажи се забавуваат со млади момчиња облечени како женски, пошто таквиот контакт идиотите го сметаат за помалку неморален отколку со жени. Адолесцентите, најчесто од сиромашни фамилии, се принудувани или уценувани за да ја играат таа улога а некои од нив се држат и како сексуални робови.  

Со СМС- и, објави на социјални мрежи или со фамозното „тропање по кров“ (мала граната паѓа на кров на некоја зграда, што на луѓето во неа им дава до знаење дека објектот ќе се рекетира), израелската војска „хумано“ известува дека нечиј дом ќе го нема за неколку минути. Па што спасат - спасат.  Етет така се „живее“ во Газа.

Луѓето некогаш подготвуваа ручек дома, или одеа на гости или во кафена, уживаа во мирисите на кулинарската магија и тутунот, разменуваа погледи и зборови. Таму, на кујнската маса, децата се учеа на дијалог и учествуваа во подготовката на семејниот ручек. Денес, преку апликација, нарачуваш ручек. Не знаеш ни кој го спремил ни кој го носи.

Екс- офицер на ЦИА ја кажува следнава приказна: како американски државен секретар, Хилари Клинтон го прашала првиот човек на Вселенската патријаршија дали би ја признал Украинската православна црква за автокефална. - Не можам, тие цел милениум се под јурусдиција на Руската, рекол Вартоломеј. - А 20 милиони долари ќе помогнат ли?  

Lemonheads беа супер бенд (Бостон, формирани 1986 година). Денес единствен оригинален член е фронтменот Еван Дандо кој баш и не е при себе во секое време. Пред неколку дена имаа концерт во Загреб. „Тажно, јадно, килаво и неописиво лошо“, рецензираше Александар Драгаш во Јутарњи. Некои си ги бараат парите за карти назад, други се зезаат дека концертот бил „крш.“

Брајан Ино на Вембли собра 150 музичари, глумци, спортисти и активисти од цел свет на хуманитарен настан посветен на луѓето од Газа и нивните неописиви страдања последнава година. Ени Ленокс, Портисхед, Пол Велер, Нене Чери, Камбербач, Ерик Кантона... Некои веројатно и избегнале да дојдат, но како што напиша египетскиот писател Омар Ел Акад, „еден ден сите отсекогаш ќе бидат против ова.“

Безалел Смотрич, заедно со Итамар Бен-Гвир, се најекстремниte израелски министри но од нив зависи судбината на кабинетот на Нетанјаху. Игнорирајќи ги чудовишните страдања на луѓето од Газа, Смотрич вика дека идејата е со Газа да се наплати војната која скапо ги коштала. Бизнис планот за (пост-геноцидна) Газа веќе е на масата на Трамп, а сега биле во најскапата урбанистичка фаза- рушењето.    

I've heard there was a secret chord, that David played and it pleased the Lord, but you don't really care for music, do you? Well it goes like this, the fourth, the fifth, the minor fall, the major lift... Ова се едни од најубавите и најмоќни стихови во популарната музика на сите времиња. Ама, каде е Бог, таму има и богохулие. Како би звучела Алелеуја на Леонард Коен, на стихови од Spice Girls? Е, тоа!  

Плавите се фарбаат во црно, црните се фарбаат во плаво. Оние со пуцвал коса се пеглаат, оние со права коса ставаат витлери за да бидат пуцвал. Оние со големи гради одат за да ги намалат, оние со мали гради („православки“) одат да ги зголемат. Ако имаат светла кожа, сакаат да потемнат, ако имаат потемна, сакаат да се осветлат. Имаат веѓи, ќе ги извадат и си цртаат нови... Тие суштества не можат да бидат срееќни. 

Го позајмуваме овој стих од песната на Киќо Слабинац за наслов на клипот што следи, иако нема врска со содржината на видеото. Ама па стварно не знаеме што стварно има врска со овој јако несреќен црнец кој опељушува цел дуќан додека ко магаре рика од плачење. Да, нешто тешко му е, ама од што тешко, сам Бог знае.  

Шпанскиот надреалист цел живот ги има обожувано носорозите, сметајќи ги за небесни суштества. За нивната кожа тврдел дека има „божествена гранулација“ а особен фетиш му бил рогот и неговата „совршена спирална конструкција“ која во источната митологија се поврзува со сексуалната потенција. Во основно најверојатно би добил кец по ликовно, затоа што „ја утнал темата.“ 

Ви покажавме како во кинески воз кој вози преку 300 на саат, можеш од седиште да нарачаш храна и таа да ти биде донесена (до истото седиште) веќе на наредната станица. Сега да ви покажеме како изгледа едно навидувам обично пенџере во кинеско метро. Заради вакви работи, би тргнале ние веднаш кон Кина, ама па кога ќе ти текне дека треба да тргнеш со македонски воз...

Моменталната стапка на атентати во Америка го има надминато пикот од 1960-тите и се приближува кон нивоата од Граѓанската војна. Од 2020 до 2024 година се случиле седум атентати, вклучувајќи напади врз политичари и јавни личности. Притоа атентатите се толкуваат како „канаринци во окно“ и предупредуваат на структурен распад.

Позната е онаа ваа библиска рефренца за „словото“ како светлина. Душа дало за зафрканции. На пример, ако немало ништо па по наредба на врховниот одеднаш се појавила светлина, тоа ваљда значи дека и натаму немало ништо, ама сега тоа ништо било, хмм, осветлено. Шала на страна, што ако воопшто не се зборува за почетокот на светот туку за почетокот на човекот?  

Се испостави дека последните неколку дена бранам лик и дело со кого речиси во ништо не се согласувам и кого никако не симпатизирав додека беше жив; напротив, ми беше комплетно антипатичен. Како тоа? Не можам ни самиот да си објаснам. Мислам дека левицата многу ме налути, тоа е единственото можно објаснување. Подметнуваат, манипулираат, лажат.