Нам што светот ни се состои главно од читање пишување, убаво ни е да мислиме дека „на почетокот беше зборот“. Но слушнете колку поуверливо звучи оваа алтернативна идеја за почетокот. И тоа од нашата прамајка, Африка.

Дали твојата поубава половина сака да биде витка, стегната и секогаш во форма? Патем, дали таа сака сè да е чисто и педантно? Тестирајте ја нејзината искреност со овој подарок. 

Во една тексашка недојдија започна изградбата на часовникот на Џеф Безос (Амазон) кој е замислен да нè служи 10.000 години тоест десет милениуми (може и подолго, живи били па видели). Висок 152 метра, механички нормално, ќе се напојува со термалните циклуси на деноноќието, ќе се курдисува според сончевото пладне а при конструкцијата биле земени предвид и очекуваните девијации на орбитата на Земјата во наредните 10К години. И ќе чини 42 милиона долари. Поентата му е човештвото да почнува да размислува долгорочно.

Кога на нормален возрасен човек ќе му донесат на муабет куп симпатични дечиња, тоа секогаш е забавно. Кога такви ќе му ги донесат на човек кој е терсене, кавгаџија и намќор како Лиам, резултатот е уште позабавен. Многу јасно им објасни на клинците како се станува рок ѕвезда и не пропушти да го закуца Ноел, братот со кого нејќат да се видат.

Откако внесе компјутер во секој дом низ светот, па се запна и ја порази маларијата, сега Гејтс треба да се соочи со еден од своите најголеми предизвици - да погоди цени на пет секојдневни производи од супер-маркет.

Федекс има повеќе повеќе авиони од Емирати, Етихад и Катар ервејс заедно. ДХЛ испорачува до сите држави во светот, вклучително и Северна Кореја. УПС лета до два пати повеќе дестинации од најголемата патничка авио-компанија во светот.

Рио да Прата е главниот центар за екотуризам во Бразил кој меѓу другото нуди пешачење низ шума, нуркање, јавање коњи и слично потрошено време. Патеките за пешачење кои се како од разгледница, пред некое време се погодени од обилни дождови кои предизвикуваат поплави и нивно комплетно потопување под вода. Откако се поплавија, патеките под кристално бистра вода изгледаат уште помагично, како компјутерски генерирана филмска сценографија од друга планета или планетава откако глобалното затоплување ќе ја заврши својата работа со Јужниот и Северниот пол.

Реалноста е дека на човек ова и да му малку сомнително на почеток, за некое време ќе препознае дека станува збор за монтажа. Реалноста исто така е и дека, апликациите за дипфејк монтажи и нивната верност со оригиналот само ќе напредуваат како што минува времето.

Родена сум тука и тука ќе се распаднам, тешко сум составена, брзо ќе се расклопам...Удирам на себе и никако да победам...Го легнувам цело Скопје за да заспијам, го легнувам цело Скопје за да сонувам....

Ќерка решила да му покажува фори од интернет на татко си. Човеков само што го апдејтуваше „не е од вчера татко ти“ во „мислиш јас не гледам интернет“.

„Малиов“ е 17-годишен освојувач на златна медала во Пјонгчанг. Му даваат да чуе музика од годината во која што е роден - 2000, и да види што ќе препознае. Или ние сме стари и немаме поим што се случува во музиката, или он е млад и нема поим што се случува во музиката.

82-годишниот Џон Хетлингер е поранешен морнарички пилот и аеровселенски инженер, кој меѓу другото има работено на уредот што го поправил телескопот Хабл. Хетлингер веќе 15 години е во пензија, од тогаш пее караоке.

Најголемиот мајндфак околу месото од лабораторија е што тоа на големо се слави и се исчекува токму од луѓето кои не јадат месо и што уште не, под алиби дека не е здраво затоа што којзнае какви хемикалии и ГМО има во него. Како и да е, изгледа неизбежно дека еден ден месото од епрувета ќе стане стандарден дел од секојдневната истрага.

Во „режими“ имаш пропаганда, во демократии имаш „слобода на говор и печат“. Без разлика дали кај првите или вторите, целото дејствие се врши преку масовните медиуми. Ноам Чомски заедно со Едвард Херман во 1988-ма ја објавуваат книгата „Произведување согласност“ во која го демолираат тврдењето дека медиумите служат за контрола на политичката моќ и ја информираат и и служат на јавноста. Напротив, тие тврдат дека медиумите создаваат согласност од наша страна.

Расел Бренд има одлични подкасти на својот сајт. За последниот го набавил во моментов најбараниот соговорник на западната хемисфера, канадскиот клинички психолог Џордан Питерсон.

По сите оние доктори, студии, мета-студии, мета-мета-студии, статистики, детална анализа на секоја поединечна состојка и сè што е човечки возможно да се направи, се добива впечаток дека на противниците на вакцини, поважно и од самото недавање вакцини на своите деца, им е да не бидат разубедени. Ама, ај уште еднаш да пробаме.

Каталогот не е само за гледање туку и за нарачки, и е обид на Вартекс за да започне продажба преку телефон. Како што доликува на секоја ваква понуда и тука Вартекс ја плаќа поштарината и патните трошоци за испорака на нарачаната облека. На крајот од 1966 (каталогот важи од октомври 1966 до крајот на јануари 1967) курсот на динарот е 3,13 динари за 1 германска марка, или 12,5 динари за 1 американски долари. Според бројките од српскиот завод за статистика, тогашната просечна плата во Србија е околу 650 динари.

Човекот шпарта низ Јакутск (еден од најстудените градови во Русија) и лето и зима, и во вреќи собира ѓубре расфрлано по улиците и парковите низ градот. И така повеќе од 10 години. Парите што ќе успее да ги собере од ова, дал преку продаден отпад, дал преку донации, Антон Василев ги конвертира во помош за најсиромашните во градот. Насловот е едно од прашања што редовно му ги поставуваат на Антон.

Неколку десетина илјади од вас го видеа фамозното интервју на Питерсон со Кејти Њумен кое го објавивме пред пар недели. Сега протекоа и нови, досега невидени моменти од таа конверзација. 

Ако е тоа точно, тогаш овде имаме двајца паметни. Само што прво попушти стаклото а потоа и дечкото.

Бројката убиени во средното училиште во Паркленд за сега изнесува 17 луѓе, а ужасот од масакрот е само надополнет со болната подлост на планот на убиецот. Според полицијата, убиецот влегол во училиштето за време на часовите, го активирал противпожарниот аларм за учениците да излетаат од училниците и да го наполнат ходникот, по што почнал да пука. Убиецот е вооружен со полуавтоматска пушка АР-15, димни бомби и гас маска.

До сега ги имавме роботите на Бостон динамикс како одат стабилно и демонстрираат рамнотежа (како ниту еден робот пред нив) дури и кога ќе бидат шутнати. По ново, овие четвороножни машини научија да употребуваат квака.

Семејни парови од типот баба + зет, невеста + свекор/свекрва, седнуваат со неколку шишиња алкохол и почнуваат да си поставуваат прашања еден на друг (која по ред ти е ќерка ми, што мислиш за мене, каде прв пат сте имале секс со син ми...). Врват прашања, врви и алкохол. Ако ви држи, слободно пробајте ги прашањава.

Човек што на Водно ти објаснува дека он пази како се симнува со точакот по пешачка патека сред шума (на која меѓу другото има пензионери, деца, кучиња...) е на исто ниво како човек што на излегување од пијанка ти објаснува „ако имам пиено можам да возам кола, ќе пазам.“ Сигурно ќе пазиш, ама зошто некој да зависи од твоето пазење. Најди своја пустелија па внимавај само на својата глава наместо на уште десетици други. Пример како ѕверовиве.