Нема причина зошто кој било бренд на пиво би одбил вакво злато од реклама, ама таков е животот и не му е гајле за твоето имање или немање причина па оваа реклама не успева да мине кај „клиентот“ и останува само на Јутјуб.

Историско - библиско наравоучение: Исус настрада распнат на крст само затоа што во публика не се најде некој поштен човек со кацига. 

Да претпоставиме дека ете некако не постои опасност дека некоја штица ќе ги пробие шофершајбата и возачот како локум, и дека куќава некако го има заслужено ова што и се случува, а исто и џипот. Е, со ваков сетап ликов и понатаму е многу идиот.

Сакате да избришете свој профил на некоја платформа? Тука се дизајнерите на сајтовите кои имаат задача да ви помогнат да заборавите од каде трнавте и со која цел почнавте да буричкате по сајтот.

Човекот покажува дека има ненадјебива техника во борба со замислен противник. Таа го остава да се доискаже за на крај да му покаже дека стапот некогаш има само еден крај.

Пред да стане „платформа“ за креатори, брендови, влогови и што сè не, Јутјуб беше сајт за клипови, и тоа клипови какви што ги памтиме од стариот интернет. Не изгледа така ама никој нема загинато во клиповиве, а се здробиле за здробување.

Да не се сфатиме погрешно, ама сè од ова што ќе видите изгледа како кај нас глатко да ќе пројде за оригинален производ. И тоа веројатно е најмалку неверојатно во целата работа. Она што нас не ќари е ценкање какво што немате видено, и како се подогвени да симнат и по 400 долари. Она што уште не ни е јасно е зошто продавачките се намуртени кога им се ценкаш.

Рекламата е за Хоумпод на Епл, дело е на Спајк Џоунз и излезе исклучително добра. Ова што сега го имаме е снимањето на рекламата и е неспоредливо со што било друго што се прави во овој жанр.

Најнебитната тема на светот може да биде супер сценарио за скеч ако имате режисер на SNL и актер како Рајан Гослинг. 

Така работи вистински верник. Пред почетокот на разботната задача, се прекрстува и се помолува Господ да му даде сила. Ако силата не е доволна, ќе се најде некоја цигла.

Следен пат кога некоја од домашните женки (мајка, цимерка, девојка, сопруга) ќе ви каже дека од домот сте направиле свињарник, пуштете ѝ го ова видео. Да ѝ биде уште потешко. Дека дури и свиња можела подобра од вас да ѝ се падне.

Од сите работи од кои очекуваш дека ќе се разочараш од својата внука, не си ни сонувала дека тоа ќе биде затоа што нема претстава што е фиксен телефон со кабел, а уште помалку има поим како да го користи.

Освен што детално ве следи што правите на Фејсбук (без разлика дали во апликација или преку браусер), социјалната мрежа следи и што правите кога не сте на Фејсбук, речиси подеднакво детално. Фејсбук контејнер е решението на Мозила за овој проблем, и во основа екстензијата не му дозволува на Фејсбук да ве манијачи што правите кога не сте кај него.

Темата е многу неофицијална, без некоја посебна огранизација или поврзаност на авторите. Заедничко за сите е што доаѓаат од некоја земја од Источна Европа и се мурали со големина на зграда. Колку и да е општо „Словенска девојка“ им е најконкретното множество кое ги опфаќа сите овие дела.

Размисли колку најдолго твоите те шебале за една работа, па може ќе сфатиш како на крај се чувствува девојчево. Треба да реши една загатка, и на прва многу е веројатно и ти дека ќе ја решиш како нејзе.

Овој пат нема ама. Кога ќе го видите процесот на вадење на еден единствен индиски орев, ќе ви стане јасно дека да се родеше ова дрво кај нас, брзо, брзо ќе беше откорнато, запалено и закопано, сортата да му се сотре и никогаш веќе бел ден да не види.

Рецептиве за вапцање повеќе изгледаат дека се инстаграмски отколку канонски, ама па и никаде не вика дека во 5 сабајле треба да ги правиш.

Една скината сцена од серијата (продуцентите веројатно процениле дека со хуморот се претера), колку да се потсетиме колку мазно функционираат тие ликови.

Пред американскиот Сенат да се изјасни за новиот буџет (тежок 1.300 милијарди долари ), еден од сенаторите реши всушност - да го прочита. И попат, Ренд Пол на Твитер споделуваше какви све глупости и срања има на тие 2.232 страници на кои се наведени ставките од буџетот на САД.

После 4 месечни истражувања и тајни снимања, британскиот Канал 4 вади документарец во кој се откриваат сите изборни измами на осрамотените Кембриџ аналитика: мито, бивши шпиони, лажни лични карти, сексуални работнички...   

Сакам следниот живот да го живеам обратно: го почнуваш како мртов и тоа ти е завршено.

Вицот не е нов, ама затоа што гледаме дека овде баш-баш и не се разбрале неговите наравоученија, го пуштаме за памет на сите нас, вечните понављачи. 

Само, за среќа, не се сите толку набилдани како него, па да се малтретираат вака луѓе, во име на некоја 'праведна' кауза по свој избор. Инаку, уште одма би, ич не сумњаме во човештвото.