1963 година ние засекогаш ќе ја паметиме по катастрофалниот земјотрес кој го сотре Скопје. Други земји имаат поведри настани за паметење. Советскиот сојуз, на пример, во јуни 1963 година, ја испрати Валентина Терешкова и Восток 6. И додека СССР ѝ мафташе на првата жена во вселената, во Алабама, САД за првпат на факултет влегоа двајца црнци. 

Убаво е кога видеото и аудиото од едно парче се однесуават на иста работа. Ама, не секогаш. Овде звукот е додаден само за да можете на раат да го гледате видеото (одново и одново, ако сакате), без да предизвикате сомнеж и дигање веѓи кај женскиот дел од домата. Па нека мисли „ќе ме умре со тоа фудбалот.“

Пред неколку години, „The Daily Beast“ за најплодна година во популарната музика ја избра 1991 година. Ќе ви покажеме седум ауди касети (за копиљаци: некогаш така се слушаше музика), сите издадени во период од само 44 дена во 1991 година. Кај нас таа година албуми издаваат Мизар, Архангел, Меморија (и Канго, молим лепо) а се формираат ТБ Трачери, Рок Агресори, Паркети, Ареа...

Акција на турски надлежни служби за расчистување на тротоарите на кои, како и кај нас, како кој стигне става табла, знак, знаме, гајби, столчиња, маси... Го прават тоа прилично ефикасно, без непотребни детали од типот „каде е газдата“, „да видиме дозвола“ (знаат дека немаат дозвола) и слично. Одат по тротоар и фрлаат во камионче сè на што ќе наидат. Тамам.

На Балканот, што лаички, што систематски, се регистрира тивко заминување на ластовичките и сè поголем број на празни гнезда. На хрватска фарма со кози, на пример, некогаш имале по 40 активни гнезда, денес ни половината од тоа. Некои од нив можеби нашле посреќни решенија. Јапонија на пример. Таму ластовици направиле гнездо во кое растат млади баш кајшто минуваат луѓе. Им го срушиле гнездото? Никако.

Горниот цитат кој дава прилика за размислување и преиспитување многу често му се припишува на славниот англиски економист од минатиот век, Џон Мајнард Кејнс. Не го прават тоа само лаици, туку и кејнсијанци, оние економисти кои веруваат во неговите теории. Погрешна е референцата но приказната е интересна и покажува дека има зошто некои изјави им се припишуваат на некои луѓе, дури и кога не се нивни автори. 

На наши музичари и групи кои ни праќаат песни обично не им објавуваме кога се работи за преработки, сакајќи да промовираме авторска музика. Може е тоа малку нефер бидејќи и во прерабоките може и тоа како да се вбризга авторски печат. Јутјуб каналот „Кавер на лице место“ има одлични примери за тоа. Им пуштаат песна, ги оставаат да смозгаат како ќе ја скоцкаат и после овие ја свират нивната верзија. Супер интересни идеи. 

Искрени муабети меѓу млад црнец и стар, штрбав, олдскул американски расист. Има некоја симпатија и ведрина меѓу нив иако стариот е жилет. Младиов го прашува што ќе помислат неговите комшии ако видат дека се вози со него? Веројатно ќе помислат дека те држам како заложник. А она „сепак постои надеж“, се мисли на надеж за разбирачка меѓу луѓето? Не, друго е. 

„Ти си мојот Кони Ајленд“ пееше Лу Рид во насловната од неговиот најромантичен албум, овекувајќи ја атмосферата и плажите на тој дел на њујоршки Бруклин. Тоа беше инспирација и за бит-поетот Лоренс Ферлингети, таму е сместено дејствието на романот „Requiem for a Dream“... Ако е жално што не постојат некогашните скопски плажи, уште пожално е што ова постои. Само што сега таму се лижат регистерски таблички. 

Бил Бур тврди дека жените се љубоморни на мажите затоа што можат да бидат задоволни со едноставни работи. Пиво и утакмица, на пример. За разлика од нив кои постојано се растргнати на безброј ментални фронтови. Видете ја следнава сцена. Кога дечкиве ќе се вратат дома, како да им објаснат на своите сакани што толку јако правеле со пријателите та се живи среќни и окезени? 

Бескрајни се можностите за машка забава, покачен адреналин, кладби и коефициенти. Оваа трка не само што ја изгледавме цела, не само што попат се напнавме од неколкуте пресврти туку и пар пати го враќавме финишот, за да бидеме сигурно кој зема второ а кој трето место.

Урсула фон дер Фајзер држи политички говоранции во Финска, фалејќи ја земјата колку е демократска. Некој од рајата почнува да се буни. Таа го забележува и му порачува дека треба да е среќен што живее во земја со слобода на говорот, без рестрикции. Ако бил во Москва, одма ќе го уапселе. Како го кажува Урсула тоа, доаѓаат цајкани и го собираат ликот. Ха! Истече ѝ уље!

Дамаск е еден од најстарите градови на светот, со импресивна историја која ја ткаеле Римјани, Хелени, Византија, Отоманско царство.... За тоа сведочат бројните цркви и џамии, но и прочуените калдрми на Дамаск, стари и повеќе од 2.000 години, некои спомнати и во Библијата.... Пред осум месец на власт доаѓаат нови фаци, миленици на Западот. И, толку од калдрмите. Ќе ги реновирале. Аха, како кај нас. Прашање на време е кога ќе ги видиме коцките во некој британски музеј.    

И од сопствено искуство знаеме дека ако ти се вгнезди во глава одредена мисла, позитивна или негативна, за кратко време расположението почнува да се се постројува во емотивниот виолински клуч на таа мисла. Мереле научници и утврдиле дека се потребни 17 секунди да се задржи одредена енергија, за таа да почне да привлекува други енергии со истата фреквенции. Ок, можеме ние да пцуеме во кола 17 секунди без никаков проблем. За другово не сме сигурни. 

Заменик шефот на пожарникарите, Орио Палмер, со неговата екипа, во полна опрема влегуваат во првиот небодер во кој се збичи авион. Со лифт се качуваат до 40-тот спрат. Јавуваат: "Ок е, продолжуваме пешки". Доаѓаат до 50-от, пак е ок, одат до 60-ти. Продолжуваат да се качуваат по скали и доаѓаат до спратот каде што е бељата. Палмер јавува: "Има два пожара, можеме да ги средиме". Следната минута цела зграда се руши.

Ви изгледа ли нормално да почнете телефонски да се јавувате по пријатели и роднини за да им кажете дека сте горди на своето синче/ќеркиче и ја користите таа прилика да им честитате роденден на оние кои се светлина во вашиот живот? Не?? Е па, што тогаш пишувате исти такви Фејсбук статуси кога синчето/ќеркичето и онака немаат Фејсбук акаунт? Види наслов. 

Ништо нема девалвирано последниве години колку поимите либерализам, прогресивност, будност... Некогаш тие се носеа гордо како беџ и беа криптонит за скаменетите идеи на конзервативните пуританци. Малку по малку, ништо од оригиналното полнење на тие поими не остана и денес да ти е срам да кажеш дека си либерален, пошто под тоа се подразбира да мислиш  дека математиката е расистичка.

Додека се бавиме со нашите аналогни дилеми, да потсетиме што веќе циркулира наоколу и како функционира тоа. Дип Мајнд на Гугл го има извадено VEO 3, модел развиен на вештачка интелигенција за генерирање видео содржини од фотографии. Сосе звук, напредни анимации, специфични кинематографски техники.... Наравоучение: Фаќајте да учите некој занает.

Факат имаме пријател кој пред да седне со ЧетГПТ за нешто поозбилно, прво му поставуваа серија прашања на тема како да стане богат, пребогат, брзо, преку ноќ, без да се мачи, со нула инвестиции и нула ризик. Логиката му е, што го знаеш, може некој ден стварно ќе каже нешто! Не му се смееме. Се имаме ние смеено на многу глупи идеи па после испаднало дека ние сме глупите.   

За безрезервна осуда е она што Хамас го направија на 7-ми октомври кога упаднаа во Израел и извршија страшни злостворства врз невини луѓе. Но, Басем Јусеф поставува логично прашање: Сакате да кажете дека семоќниот Мосад, оној Мосад кој може да постави експлозиви во илјадници пејџери, туку така бил просто изненаден? И после ги оставил крвниците цели шест часа да прават масакри? 

Ако не може од прва само да јаде, му ставаш храна во устата. Ако не може од прва да облече патики, му ги облекуваш (со години). Ако не може само да напише домашна, му ја пишуваш домашната (со години). И така натаму, и така натаму. Добро, може така. Ама може и понаку. 

Кошаркарската легенда кој цели 33 години успешно живее имајќи ХИВ, Меџик Џонсон, е милијардер. Една пол, две, три милијарди долари... има различни проценки на неговото богатство. Се шпекулира дека 65 годишниот Џонсон има решено сето свое богаство да го донира на фондации кои се бават со истражување на АИДС. А има син. Е, баш затоа.  

Кога генијалниот Боби Фишер викаше дека не ги сака колегите шахисти бидејќи ги смета за ограничени и фокусирани на меморизирање потези и комбинации, го препишувавме тоа на неговата екстравагантна пруирода. Глејде сега ова.  Хикару Накамура, Каруана и Аронјан одговараат на базични прашања од општа култура, отприлика за петто одделение. Ка-ме-ња! Да не знаеш знак за јаглерод диоксид, да мислиш дека Мона Лиза ја насликал Пикасо!?

Во 45 училишта во Англија нема ниту едно британско дете. Во 454 училишта бели британски ученици има помалку од два процента. А во малцинство се во едно од четири училишта. Така велат податоците од нивното министерство за образование. Сега оние насекираните од ваквиот социјален инженеринг се прашуваат како деца ќе ја научат британската култура кога бели соученици се исклучок во нивната средина? Ех, како....