Лижењето на капачето од јогурт, во Јапонија се смета за непристојна работа. Ако го направиш тоа дома на астал, мама може да ти ја даде една попреку. Ама пошто воспитните процеси знаат да траат долго и не секогаш да ги дадат посакуваните резултати, Јапонците и овој проблем со решиле со технологија: смислиле капаче кое лизга, за да нема што да лижеш. 

Таман кога вика дека „Господ не може да те разочара“, на Витни Дејвис во едно подкаст интервју ѝ се случува веројатно најнепријатната работа што може да ѝ се случи на една жена - ѝ паѓа периката позади кауч. Ама таа толку шармантно го преживува овој лузерски момент, што тоа се претвора во права победа. Водителот се изрика од смеење и си го продолжи животот за неколку години. И ние исто.

За клипанов веруваат дека е реинкарнација на Сатја Саи Баба, индискиот гуру и мистик (оној што вадеше вибути од ракав) кој почина во 2011 година и предвидуваше кога и каде пак ќе се роди. Сатја и за себе викаше дека е реинкарнација на Ширди Саи Баба, а следниот, Према, ќе биде „трета мајка“. И додека следбениците чекаат да гукне некое јако пророштво и му ги масираат ноџињата, дечкото лагано си одвиткува чоколатце. Цут.

Моментот кога настана огромната експлозија во фабрика за хемикалии во источната кинеска провинција Шандонг. Работник од фабриката е снимен како вешто успева да избега од силосот во кој настана пожарот и експлозијата, но со оглед на тоа колкава беља испадна од тоа, не сме најоптимисти. Покрај другото, тоа е еден од најголемите светски производители на пестициди.

Според извори на Обединети нации, меѓу 300.000 и 500.000 луѓе во Газа се соочуваат со екстремна  глад, класифицирана во фаза 5 (катастрофа). Израел воведе ригидна блокада и опсада на појасот, хуманитарна помош пушта на лажиче (Гутереш) а на само неколку метри од тој концентрационен камп, некој прави пикник и пафта скара.

Џеф Безос од Амазон, еден од најбогатите луѓе на светот, околу домашниот имот има подигнато ограда од 8 метри, плус систем кој оневозможува љубопитни дронови. Проблемот е што во тоа маало максимално дозволена височина на ограда е 4 метри а казната е 50.00 долари неделно. И овој редовно, секоја недела, ја плаќа казната, за да го зачува мирот во својот „Зајас“. За контекст: Безос заработува 800.000 долари на час.

Науката може да биде просветлувачка, учејќи нè како функционира универзумот и помагајќи ни да ја видиме убавината на светот околу нас, а воедно и да ни обезбеди утеха дека сме во контрола на светот и животот. Од друга страна, постојат некои сознанија кои се апсолутно застрашувачки. Малку вознемирувачки факти за светот во кој живееме.

Кој ли смисли ваков фудбалски дуел, сеирот да му се позлати. Едната екипа е составена од џуџиња, другата од прописно пијани луѓе. Едните се хендикепирани со висината, другите со сè останато. А бааги остра утакмица, од двете страни. Имаме пријатели кои веќе се заинтересираа како да влезат во една од екипите. А пријателите не ни се џуџиња.

Со бонобо мајмуните имаме заеднички предок од пред некои 6 милиони години а ДНК ни е речиси 99% идентична. Таа блискост најдобро ја покажа извонредниот Канзи, бонобо мажјакот кој научи преку 300 Лексиграм симболи (графичко решение кое претставува еден збор или фраза-. А да пробаме обратно? Дечко учел вокализации и гестикулации на бонобо мајмуни и на крај, од памет ги извади.

Иако машините за шиење постојат веќе 200 години, начинот на кој тие функционираат уште знае да биде доживуван како механичко чудо кое фасцинира, дури и меѓу оние со соодветно инженерско образование. Еден машинец вика „Иако сум возрасен човек и патем машински инженер, за мене машината за шиење и натаму е уред кој создава магија.“

Син му има 19 години и веќе три пати е нападнат и ограбен на улица; двапати од Сомалијци, еднаш од Арапи. Сега на дечкото му е страв да излегува сам во својот град. „Тоа не е оној Гетеборг во кој јас имам растено“, вика човекот. „Да имав ќерка, ќе ja следев во чекор со полна сачмарка кога излегува надвор“.

Несфатлива е рамнодушноста и премолченото одобрување на огромниот дел од светската политичка јавност и главните западни столбови на „меѓународниот поредок базиран на вредности“ за страдањата кои Израел систематски ги наметнува на децата, мажите, жените и старите луѓе во Газа и она што остана од тоа. И бомбардирање на сè што постои и намерно изгладнување на оние што се таму. Несфатлива.  

Штитениците на стационар со ржење, лаење и покажување заби си ги позиционираат местата во кучешката хиерархија. Среде сеопштото курчење, се појавува тој, авторитетниот алфа мажјак на целиот клан, со доминантност каква што немал ни Мајк Тасон кога влегувал во ринг. Ќе го видите, ни оддалеку не е тоа најголемиот и најсилниот. Ама убер шеф кому му паѓаат на колена и се превртуваат на грб. Дури и еден Кане корсо.

Чехословачка, 1978 година. На власт се комунистите, претседател е Густав Хусак, режимот прави сè за да се избришат сеќавањата од Прашката пролет. Омилени спортови се хокеј и гимнастика, официјална боја на џезот е сива. На пејачката (рахметли Валерија Чижмарова) ѝ е дозволено да облече и нешто шарено, колку луѓето да не се сомневаат дали телевизорот им е во боја, поради она силно сивило.

Трамп тврди дека цел свет ја краде Америка за што сведочи нејзиниот трговски дефицит. Тоа е како да тргнеш со кредитна картичка по дуќани и сè изнакупуваш што сакаш а после ги обвиниш дуќаните дека те крадат пошто имаш трговски дефицит со сите нив. „Тоа јас го предавам на вториот ден од Меѓународната монетарна економија, ама Трамп нема стигнато до вториот ден,“ го заплеска професорот Џефри Сакс.

Џејк Тапер, една од главните вилици на CNN против Трамп, деновиве е пуштен по медиуми и подкасти во промоција на својата нова книга во која, една од најзвучните поенти му е дека кругот околу Бајден знаеле ама криеле за неговиот ментален фејд аут. „Ајде?“ вика Мегин Кели во стил на Били Питон па го потсети Тапер каква улога имаше тој во таа фарса. - Не е точно. - Не е точно? Мегин му пушта видео.

Не само што Тесла нема клуч а Југо има три туку супериорен е и во пепељари. Тесла нема ниедна а Југо не само што има една пепљара напред туку има и две позади, за децата. Да не зборуваме дека некои модели на Југо водат посебна грижа за зимско возење- она кога ставаат грејачи на задното стакло, да не ти мрзнат рацете кога го буткаш за да запали.

„Два смо света различита“ од Тома Здравковиќ би била совршена музичка позадина на овој судир на претставникот на Западот, водителот Пирс Морган, и неговиот гостин од Иран, професорот Мохамед Маранди. Правата на жените и замолкнувањето на непожелните гласови се логични аргументи на западниот наратив, додека некој не потсети на ликови како Епстин или протерување студенти заради про-палестински ставови.

Интересна и многу веројатна перспектива на одењето во кино во догледна иднина. Денес треба само да го одберете филмот кој сакате да го гледате. Тогаш ќе ве прашаат како денес за месото или зеленчукот, дали сакате регуларна или органска верзија. Кога ќе ја слушнете разликата во цената, јасно е што ќе одберете. Но, тоа нема да биде последното прашање. Уа, шнајдери!

Мартин Сонеборн е германски пратеник во Европскиот парламент и го покажа најдоброто од себе во неговата основна професија, сатиричар и екс уредник на магазинот Титаник. Нагази на надмената Естонка Каја Калас, шефица на европската дипломатија која ги има споделено своите мудри проценки дури и за ситуацијата во Куба. Каков лик е таа Калас? Жена која има напишано помпезна автобиографска книга на цели 432 страници. Мислиш Черчил е. 

Двапати го имаме гледано ама уште три пати да го гледавме, немаше да ја приметиме оваа цака. Дека во филмот „Departed“, режисерот Мартин Скорсезе го има вметнато симболот „X“ онолку пати колку што има убиени ликови во филмот, што е омаж на оригиналниот „Скарфејс“ на Хауард Хокс од 1932 година. Додуша, и да броевме, после онаа сцена со лифтот, ќе го изгубевме рачунот.

Од Индија и Пакистан, преку Блискиот исток до Кипар (каде што ја дава изјавата), професорот Џефри Сакс тврди дека сите проблеми на светот водат назад кон Велика Британија, која цели 200 години беше најмоќната империја на светот. Каде и да беа и од каде и да заминаа, оставија конфликти, потсетува професорот од Универзитетот Колумбија. Палестина, на пример. Меѓу 1915-та и 1917-та, им ја ветуваат истата територија и на Арапите и на Французите и на Евреите.

Мексикански брод за морнаричка обука со 200 луѓе на него, од комплетно несфатливи причини, со јарболите се зачука во Бруклинскиот мост. Дел од од екипажот беше парадно наместен на јарболите, оригинално високи 45 метри, пред да бидат објективно скастрени од мостот висок десетина метри помалку. Двајца загинале, 19 се повредени. Изгледа на обука бил капетанот иако е можно и да откажале некои системи. А требале до Исланд да стигнат.

Разгалените баристи од стотина дуќани на Старбакс прекинаа со работа за да протестираат за новиот дрес-код кој го донела компанијата и пропишува малку построги правила за облекување на работа отколку што беа навикнати. Ќе треба да се носат црни маици или блузи со каки, црни или тегет панталони, за зеленото лого да се истакнувало. Не може тоа така, велат „осакатените“ работници.