Offside › Набрзинка

Седлоски за одличниот стрелец Илоски од САД: „Никого нема да молиме“

16 September 2026

Дваесет и седум годишниот Милан Илоски, роден во Калифорнија (САД) кој има македонско потекло, веќе подолго време важи за еден од подобрите стрелци во американската МЛС лига заедно со Лионел Меси, Луис Суарез, Томас Милер и Роберт Левандовски. Илоски сезонава на 25 натпревари има 12 гола и 2 асистенции со што е во горниот дел од листата на најдобри стрелци.
Илоски игра за Филаделфија Јунион. Тој веќе неколку месеци е предмет на дискусии за македонската репрезентација.
На денешниот прес во пресрет на дуелите од Лига на Нации, селекторот Гоце Седлоски на новинарско прашање за Илоски рече:
„Јас сакав да го повикам Илоски уште за натпреварот во Данска, но преку Николче Новески, ни кажа дека приоритет му е клубот и борбата за клупските цели. Се обидовме да ја преиспита одлуката, но во овој момент неговата одлука е таа што е. Го следам, но никого нема да молиме да игра за Македонија“.

Седлоски повика 28 играчи за Лига на нации меѓу кои четворица дебитанти

извор

РК Вардар се спрема за Лига на шампиони, сака со навивачите да победи

15 September 2026

Ракометниот клуб Вардар 1961 подготвува вистински спектакл за своите навивачи пред враќањето на Лигата на шампионите во Скопје и дуелот со Нант (среда, 18.45), а атмосферата во „Јане Сандански“ ќе започне да се загрева уште пред почетокот на натпреварот.
„Црвено-црните“ најавија голема фан-зона пред влезот во салата, која ќе понуди бина, музика, забава и голем број активности за сите навивачи кои ќе дојдат да го поддржат Вардар.
Вардар го очекува првиот домашен натпревар во новата сезона од Лигата на шампионите, а во „Јане Сандански“ гостува француски Нант. Во 1. коло црвено-црните изгубија од германски Мелсунген 33:31.
„Очекуваме тежок меч, бидејќи сите екипи во ЛШ се силни. Очекуваме голема поддршка од нашите навивачи, бидејќи знаеме што значи тоа за нас и за противниците. Повеќе од една година немаме пораз на домашен терен и сакаме така да остане и во оваа сезона. Мислам дека сме подготвени и влегуваме максимално по првите бодови“, изјави Јака Малус пред прес-конференцијата.
Вардар на овој натпревар ќе настапи без тројца важни играчи: Милан Лазаревски, Жоао Педро и Милан Бомаштар.

извор

Белград домаќин на финале на Лига Европа во 2029!

15 September 2026

Во екслузивна вест, белградски Спортклуб денес пишува дека УЕФА одлучила во 2029-та година финалето на Лига Европа да се игра во Белград, финалето на Лига на шампиони на реновираниот „Камп Ноу“ во Барселона. Оваа одлука е донесена на седницата на извршниот комитет на УЕФА во Солун. Финалето на Лига на шампиони во 2028-ма ќе се игра во Минхен на „Минхен Арена“ а финалето на Лига Европа 2028 ќе биде одиграно во Букурешт на фасцинантната „Национална Арена“.
Финалето во Лига на конференции 2028 ќе се игра на „Јувентус Арена“ во Торино и на „Пушкаш Арена“ во Будимпешта во 2029. Суперкупот на Европа 2028 ќе биде одигран на „Јохан Кројф“ Арена во Амстердам а во 2029-та на „Астана Арена“ во Казахстан.
Србија гради нов „Национален стадион“ кој ќе биде ултра модерен, ќе чини неколку стотици милиони евра а ќе има капацитет од 52.000 места. Според првобитниот план, би требало да биде завршен на почеток на следната 2028-ма година.
Србија ќе биде домаќин и на Европското првенство У-21 за млади играчи во 2027-ма заедно со Албанија. Градови домаќини на ова младинско ЕУРО ќе бидат Белград, Лозница, Лесковац и Бачка Топола каде има нови стадиони.
Белград бил домаќин на финале на Купот на Европски шампиони во 1973-та година кога Ајакс го совладал Јувентус 1-0 и го освоил најзначајниот европски фудбалски трофеј пред 89.484 гледачи.

извор