Вести › Набрзинка

Роботаксија без возачи низ Загреб

10 September 2026

Од денес, по улиците на Загреб се движат празни автомобили, без возач и патници, како последен тест на системот за идните целосно автономни роботаксија.
Возилата се на компанијата Verne, основана од Мате Римац и Марко Пејковиќ, заедно со кинеската Pony.ai, која ја обезбедува технологијата за управување. Третиот партнер е Uber, преку чија апликација услугата наскоро ќе им биде достапна на корисници.
Verne нуди комерцијалната услуга за роботакси во Загреб уште од април, но досега во возилото секогаш седело лице – безбедносен оператор подготвен да ја преземе контролата – како што налагаат прописите. Новите тест-возила се без безбедносен оператор. Ова е прво такво тестирање на јавни патишта во Европа.
Автомобилите ќе имаат пробни тури на траса долга 22 километри, од деловната зона „Бузин“ до аеродромот „Фрањо Туѓман“.
Такси-возила без возач досега имаат само мал број компании во светот – пред сè Waymo (во сопственост на Alphabet), која нуди услуги во Феникс, Сан Франциско и други градови во САД, а планира да го прошири сервисот во Лондон и во Минхен.
Веќе пишувавме дека Римац не успеа да го заврши проектот за целосно автономни роботаксија од петто ниво во определениот рок, за да добие 180 милиони евра европски пари.

извор

Run, Xhever Imeri, run!

10 September 2026

Џевер Имери, вработен во Царинската управа како заменик-директор на Секторот за администрација, е уапсен откако побарал мито од над 15.000 евра во врска со тендер во Царинската управа. Му биле дадени обележани пари.
По преземањето на парите, Имери не застанал на полициските наредби и избегал. Го фатиле и го уапсиле.
Уште колку ли вакви Џевери има?

извор

Ванковска: Нашето образование е како болен Дојчин и тоа го знаеме и без резултатите од ПИСА

10 September 2026

„Ова го велам како долгогодишен професор кој ги дочекуваше студентите токму на преминот од средно училиште на универзитет; секоја генерација беше послаба од претходната. Тој впечаток е генерален, и во нашата земја, ама и пошироко“, вели универзитетската професорка, Билјана Ванковска во разговор за „Локално“.
Истакнува дека ПИСА е само пресек во времето, дури не е ни студија туку собирање податоци за тоа како учениците се снаоѓаат во разбирањето на она што им се нуди низ наставните програми, и тоа на одреден светски примерок.
„Генералната слика на светски план е поразителна: овогодишните резултати на светско ниво се најниски откако почна ПИСА проектот. Тоа не зборува за намалена интелигенцијата на децата, па дури ни за влијание на развиеноста на земјата врз образованието (на пример, Виетнам има само пет отсто од БДП на Норвешка, а е на врвот на табелата, додека богатата Норвешка е на 32 место)“.
„Зошто го велам ова? За да не ја направиме истата грешка како и секогаш кога ќе ги чуеме резултатите од ПИСА, па во наш малодушен дух веднаш констатираме дека не нè бива, децата ни се на дното, и сл“.
И секое чудо за три дена, потоа пак по старо, вели искусната професорка

извор