- До 31 август, односно до понеделник, компанијата на Мате Римац мора да го заврши проектот за роботско такси. Но, речиси никакви се шансите за тоа бидејќи не е исполнет главниот услов по кој кој доби 180 милиони евра европски пари - производство на целосно автономни роботаксија од петто ниво.
- Засега не е јасно дали компанијата ќе мора да ги врати сите досега исплатени 90 милиони евра. Хрватски медиуми тврдат дека досега биле оправдани само 8,7 милиони евра.
- Проектот лично го поддржуваше премиерот Пленковиќ иако кругови предупредуваа дека автономија од тоа ниво е невозможно да се постигне во дадениот рок.
- Го најавивме проектот во статијата Во Загреб доаѓаат роботаксија.
- Џенсен Хуанг поднесе оставка од функцијата извршен директор на Nvidia, откако призна дека имал љубовни афери со осомничена кинеска шпионка и со соработничка од фирмата.
- Управниот одбор на Nvidia соопшти дека нема да има прекини во развојните планови и обврските кон клиентите. За привремен управник на компанијата е назначена Колет Крес, долгогодишна финансиска директорка.
- Аналитичари од Вол стрит предупредуваат дека заминувањето на директорот на најголемиот производител на чипови и воедно највредната компанија во светот може да биде првиот чин од очекуваното пукање на финансискиот балон надуен околу технологијата за вештачка интелигенција.
- По објавувањето на аферата на Хуанг со кинеската шпионка, Nvidia за само две недели изгуби пазарна капитализација во вредност од околу 1.400 милијарди долари.
- „Без Хуанг на челото, вредноста на Nvidia е помала за 25%“, изјави Ден Ајвс, еден од највлијателните аналитичари на Вол стрит.
- Поради својата големина, падот на Nvidia се одразува на сите главни индексни фондови, што има огромни последици на сите Американци што штедат преку инвестиции на берзите.
- Прекуокеанскиот брод „SS United States“, своевремено најбрзиот патнички брод што го препловил Атлантикот, контролирано е спуштен на дното на Мексиканскиот Залив.
- Бродот поголем од „Титаник“, кој 800 пати го преминал океанот, ќе биде најголемиот вештачки гребен во светот. Целта е да се создаде живеалиште за туни, марлини и сабјарки и да се привлечат повеќе нуркачи и љубители на риболов.
- Потопувањето траело 5 часа, значително подолго од очекуваните 45 минути. Со вода биле наполнети сите 128 резервоари за гориво и мазива, за да се спушти рамномерно на морското дно, на длабочина од 55 метри.
- Проектот да се спречи бродот да заврши како старо железо чинеше 13,5 милиони долари.
- „SS United States“ долг 302 метри беше технолошко чудо на бродоградителите од Вирџинија. На првата пловидба во 1952 година, го поминал Атлантикот со просечна брзина од 41 милја на час (66 км/ч), со што за 4,5 милји на час го надминал рекордот поставен од британскиот „RMS Queen Mary“ во 1938 година.
- Двата црвено-бело-сини оџаци на „SS United States“ високи 20 метри лани беа внимателно отстранети и ќе бидат изложени во нов музеј на копно.
