Offside › Набрзинка

Министерство за спорт: Ваквите девијантни појави не смеат да бидат секојдневие во спортот

22 May 2026

Во последниов период имаше повеќе настани што доаѓаат од повеќе страни (спортски работници, фудбалери, навивачи, клубови) кои штетат на угледот на федерациите, државата и, крајно на спортот, наспроти она што треба да претставува спортот!
Министерството за спорт пристапува кон разгледување на можноста за измени во Законот за спорт со кои ќе ги прошириме ингеренциите на државата со цел ваквите појави да бидат сериозно санкционирани.
Казните ќе бидат во делот на добивањето државна помош, а во крајна линија ќе се предвиди и постапка за одземање на решенијата за дејност спорт, со што ќе се губи правото на настап во националното првенство.
Согласно сите меѓународни правни инструменти за што сите земји во светот имаат постигнато општ консензус, ваквите и слични девијантни појави не смеат да бидат секојдневие во спортот, вклучително и во македонскиот спорт и во таа насока, Министерството за спорт ќе направи сè за да ги заштити националните интереси и интересите на спортот, се вели во соопштението на Министерството за спорт

извор

Мајка му на Мегваер згрозена што синот не е викнат на Светско: „Срамно и одвратно“

22 May 2026

Селекторот на Англија, Германецот Томас Тухел синоќа го објави долго очекуваниот состав на Гордиот албион за Светското првенство 2026. На него ги нема Фил Фоден, Кол Палмер, Трент Александер-Арнолд и Хари Мегваер. Се враќаат повратниците Иван Тони и Маркус Рашфорд во нападот.
Мегваер (32) синоќа напиша на друштвените мрежи: „Бев уверен дека можам да играм голема улога летово за мојата земја по сезоната која ја имав. Останав шокиран и збунет од одлуката. Нема ништо повеќе што сакам од тоа да го носам дресот на мојата земја низ годиниве. Им посакувам на играчите се најдобро летово“, напишал скршениот Мегваер за кого немаше место во репрезентацијата на Тухел.
Мајка му Зои, погодена од списокот на мрежата Х напишала: „Апсолутно сум згрозена!“.

извор

Кина со доживотна забрана за 17 фудбалски работници

21 May 2026

Од септември 2024-та година до сега Кина доживотно суспендирала 116 лица од фудбалот поради разни основи: од местење натпревари до коцка.
Кинеската фудбалска федерација во четвртокот соопшти дека како дел од голем корупциски скандал во еден од најпопуларните спортови во земјата на 17 лица им е изречена доживотна забрана за каква било функција во фудбалот во оваа земја.
Меѓу суспендираните со доживотни казни е и поранешниот прв човек на Кинеската фудбалска федерација Чен Жујуан.

извор