Вести › Набрзинка

Шестото сетило на опозицијата

11 May 2026

Претседавачот на Централниот одбор на СДСМ, Герасим Лазов, тврди дека Орбан има „пуштено пипци“ низ цела Македонија преку сопственост и контрола на медиуми.
30 до 40 проценти од македонските медиуми да ти биле под директна контрола на Орбан.
Лазов смета дека ваквата „хибридна“ контрола врз 40% од медиумскиот простор е главниот извор на политичките тензии во земјата.
Овде има листа од 116 професионални медиуми во Македонија. 40 проценти од 116 е 46. Би било фино да ни заокружат барем 40 медиуми кои се под директна контрола на Орбан.

извор

Шмит заминува од БиХ, Додик ликува

11 May 2026

Кристијан Шмит објави дека „поради лични причини“ ја напушта позицијата Висок претставник на меѓународната заедница за Босна и Херцеговина, на која помина речиси пет години. Ќе остане да ја извршува функцијата додека не биде назначен негов наследник.
Милорад Додик, долгогодишниот лидер на босанските Срби, оцени дека целиот мандат на Шмит бил нелегален, а неговите одлуки биле „сомнителни“. Додик најави и можни судски постапки за да се утврди материјалната штета што ѝ била нанесена на Република Српска во времето на мандатот на Шмит.
„Кристијан Шмит ја напушта БиХ онака како што дојде – без легитимитет, без одлука на Советот за безбедност на Обединетите нации и спротивно на меѓународно право“, оцени Додик.

Карл Билд - првиот висок претставник во БиХ, вели дека по 30 години Канцеларијата ја надживеала својата цел и дека треба да се укине: „Високиот претставник, кој отсекогаш беше напаѓан од Русија, сега е соборен од САД. ЕУ беше слаба и нефокусирана во својот пристап“.

извор

Модерна веќе две години развива вакцина против хантавирус

11 May 2026

Вредноста на акциите на Модерна се зголемија за 13% откако фармацевтскиот гигант објави дека веќе две години работи на развој на мРНК вакцина против хантавируси, во заеднички истражувања со Институтот за медицински истражувања на заразни болести на американската армија и со корејски Центар за иновации на вакцини.
Хантавирусот предизвика загриженост низ светот откако на холандски крузер починаа тројца патници заразени со смртоносен сој, по што вирусот беше регистриран кај уште десетина луѓе.
Светската здравствена организација тврди дека нема опасност од пандемија, бидејќи овој вирус, проширен од глодари, се пренесува од човек на човек само преку долг физички контакт.
Истражувањето на Модерна е сè уште во претклиничка фаза и немало тестирања на луѓе. Компанијата вели дека нејзината мРНК технологија овозможува побрз одговор при пандемија во споредба со постарата технологија, за која обично се потребни месеци за да се развие вирус за вакцини.
Многумина, сепак, потсетуваат на сличности со биомедицинските истражувања со коронавируси во лабораторијата во Вухан во периодот пред да избувне пандемијата на ковид-19.
„Тие манипулираат со вирусот (биолошко оружје), ја прават вакцината (отровот), а потоа остваруваат профит затоа што под нивна контрола се огромно мнозинство од вашите избрани лидери. Тие го нарекуваат ова наука“, објави на Икс поранешната конгресменка Марџори Тејлор Грин.

извор