Вести › Набрзинка

Америка излегува од 66 меѓународни организации

8 January 2026

Доналд Трамп потпиша меморандум со кој се најавува излегување на САД од 66 интернационални организации: 31 ентитет е во рамките на ОН, 35 се надворешни.
Сите функционирале спротивно на американските национални интереси, суверенитет и економска моќ а трошеле милијарди долари на даночните обврзници.
Меѓу другите, САД се повлекуваат и од UNFCCC (UN Framework Convention on Climate Change), клучен договор за глобална координација на активностите за справување со климатската криза постигнат пред 34 години кој го имаат потпишано сите држави во светот. Американскиот Сенат го ратификуваше во 1992 година. Трамп е убеден дека климатската криза е превара.
Тој потсети дека ова е продолжување на истата политика по која Америка излезе од Парискиот климатски договор и Светската здравствена организација.
Целата листа на организации од кои САД се повлекоа ја имате овде.

извор

Франција го одложила Г7 за да не му го расипе роденденот на Трамп

10 January 2026

Првично закажан за 14 и 15 јуни, самитот на Г7 во Франција е одложен бидејќи американскиот претседател во тој период организира ММА борби за својот 80-ти роденден.
Тепачките ќе бидат организирани на 14 јуни во Белата куќа која очекува околу 5.000 гости.
Паралелно, се споменува и воена парада со 150 оклопни возила, 50 авиони, тенкови Абрамс и Бредли, со трошоци од 25-50 милиони долари.
Поради овие битности, Г7 ќе состанчат од 15 до 17 јуни во местото Евиан, близу границата со Швајцарија.
Белата куќа ја поздрави одлуката на францускиот претседател кој „љубезно ги промени датумите за да се прилагоди на распоредот на колегата.“
Членките на Групата на седумте се САД, Канада, Франција, Германија, Италија, Јапонија и Велика Британија. Нагалено се викаат „лидери на слободниот свет.“

извор

35 години „Сакам да кажам“

10 January 2026

Е па, драги мои, еве поминуваат 35 години откако ја напишав првата колумна „Сакам да кажам“ што излезе во весникот „Вечер“ на 12 јануари 1991. Досега се напишани и објавени 1.825 колумни на отприлика 4.565 страници во А4 формат на новинарски проред, како што стручно се изразувавме ние, постарите од интернетот, пораснати во печатените медиуми.
За вечната тема ЕУ сум пишувал речиси во секоја колумна и таа тема ми е најголемата болка и фрустрација. Не можам да се помирам дека целиот мој професионален живот сум го посветил на нешто што сѐ уште не ми се гледа достижно, пишува Горан Михајловски.
Ама ајде, роденден ми е, ова е јубилејна колумна за славење, доста зборуваме само за лоши работи. Ајде да зборуваме само за убави работи, ко што ни вика денешниот премиер.

Е па, ајде:

„Да одмориме малку. Да уживаме во растот на националниот производ, да се гордееме со успесите на Владата, да се почувствуваме еднаш како лидери на реформите…“.

Објавено е на 3 февруари 2001. Смешно ли е?

извор