- „Не ми треба мене меѓународно право,“ порачува американскиот претседател во интервју кога го прашуваат како ги одмерува одлуките кои директно (и со бомби) засегаат други држави.
- “Доволна ми е една работа: мојот личен морал, мојот разум. Тоа е единствената работа која може да ме сопре“, вели Трамп за Њујорк Тајмс.
- Во меѓувреме во американскиот Сенат се пробива „Резолуција за воени моќи“, која би блокирала евентуални намери на претседателот за дополнителни напади врз Венецуела. За Резолуцијаата гласале и републиканци.
- Во првата година од неговиот втор мандат, Трамп нареди американски напади врз цели во Венецуела, Јемен, Сирија, Сомалија, Нигерија, Ирак и Иран.
- Директорката на српската државна радио-телевизија, Мања Грчиќ, поднесе оставка на функцијата по победата на Студентската листа на парламентарните избори.
- На средба со претставници на синдикатот изјавила дека е свесна дека кај дел од јавноста, нејзиното останување на функцијата се смета за „пречка за промени“. Пред да замине од РТС, ја смени главната уредничка на Информативната програма, Бојана Младеновиќ.
- Претходно претставникот на Студентската листа, Немања Каровиќ, гостувајќи на РТС го обвини раководството на државниот радио-дифузен сервис за долгогодишно пристрасно известување, отворено фаворизирање на владата на Александар Вучиќ и за „сервилен став кон режимот“.
- Радио-телевизија Војводина, пак, ја почна својата централна информативна емисија со извинување до гледачите поради „долгогодишните пропусти во известувањето“.
- „Јавниот сервис со години не ја исполнуваше својата функција. Се премолчуваше, се затвораа очите пред одредени појави, се известуваше еднострано и некритички, а вистинските прашања не се поставуваа или воопшто ги немаше. Поради тоа, им должиме извинување на гледачите“, прочита водителот.
