- Лари Пејџ и Сергеј Брин ја пререгистрирале фирмата преку која управуваат со своето богатство, Т-Рекс ДОО. Беше основана и функционираше на адреса на Пало Алто во Калифорнија. Oд пред некој ден е со седиште во Делавер.
- Го направиле тоа во последните денови од декември 2025-та за да го фатат рокот: најавениот нов закон за оданочување супер - богаташи ќе важи за состојба од први јануари 2026-та.
- Новиот закон ќе ги засегне сите што жители на Калифорнија кои имаат над една милијарда долари. Таквите ќе бидат еднократно репнати со пет проценти од нивното богатство.
- Во Калифорнија ги има околу 200. Пејџ и Брин имаат по преку 250 милијарди.
- Лари Пејџ неодамна си купи две куќички во Мајами за само 173 милиони долари.
- Директорката на српската државна радио-телевизија, Мања Грчиќ, поднесе оставка на функцијата по победата на Студентската листа на парламентарните избори.
- На средба со претставници на синдикатот изјавила дека е свесна дека кај дел од јавноста, нејзиното останување на функцијата се смета за „пречка за промени“. Пред да замине од РТС, ја смени главната уредничка на Информативната програма, Бојана Младеновиќ.
- Претходно претставникот на Студентската листа, Немања Каровиќ, гостувајќи на РТС го обвини раководството на државниот радио-дифузен сервис за долгогодишно пристрасно известување, отворено фаворизирање на владата на Александар Вучиќ и за „сервилен став кон режимот“.
- Радио-телевизија Војводина, пак, ја почна својата централна информативна емисија со извинување до гледачите поради „долгогодишните пропусти во известувањето“.
- „Јавниот сервис со години не ја исполнуваше својата функција. Се премолчуваше, се затвораа очите пред одредени појави, се известуваше еднострано и некритички, а вистинските прашања не се поставуваа или воопшто ги немаше. Поради тоа, им должиме извинување на гледачите“, прочита водителот.
