Вести › Набрзинка

ЕУ го продолжи престојот на украински бегалци до 2027-ма

15 June 2025

„Ја продолживме заштитата на милиони бегалци од Украина за уште една година,“ изјави полскиот министер Томаш Семонјак.
Привремениот специјален статус на украинските бегалци (околу 4 милиони) кој ги ослободува од бирократски процедури и им дава право на образование, здравствена и заштита и работа ќе важи до 4 март 2027 година.
Некои земји како Полска даваат недвосмислена поддршка за овие луѓе додека други, како Германија, размислуваат да ги ограничат бенефициите.
Европската комисија порача дека ќе работи на „излезна стратегија“ за да потсети дека привремениот статус сепак е привремен.

15 June 2025

Американскиот претседател ставил вето на израелскиот план за убиство на иранскиот врховен водач, ајатолахот Али Камнеи, рекле за Ројтерс двајца американски функционери.
„Имаат ли Иранците убиено некој Американец? Не. Додека не направат такво нешто, не можеме да дозволиме напад на политичкото водство“, рекол еден од нив.
Иран сериозно го ракетираше Израел, овие маваа и по центарот на Техеран.

Од почетокот на нападот на Израел, досега се убиени и 14 нуклеарни научници. Меѓу другото, во нивните ликвидации се користеле и автомобили - бомби.

14 June 2025

Двајца демократски пратеници во Минесота и нивните брачни партнери биле застрелани синоќа во рок од час и половина.
Гувернерот Тим Волц ги оцени нападите како „политички мотивирани атентати“.
Конгресменката Мелиса Хортман била смртно ранета во нејзиниот дом во 2 часот. Убиен е и нејзиниот сопруг Марк.
Во 3.35 часот биле застрелани сенаторот Џон Хофман и неговата сопруга Ивет. Ранети се со повеќе куршуми, но со операции им е спасен животот.
Атентатите биле извршени во две населби во Минеаполис. Полицијата е во потрага по осомничено лице, маж во полициска униформа.