- Две лица загинаа и десетици се повредени во два брана ирански напади со стотици проектили врз Ерусалим, Тел Авив и централниот дел на Израел. Маж и жена загинале во местото Ришон Лезион, близу Тел Авив. Повеќето од проектилите биле пресретнати, но во Тел Авив утрово имало експлозии.
- И Израел ги продолжи нападите врз Иран. Во Техеран одекнале неколку експлозии, а погоден бил и аеродромот Мехрабад, главната база на воените воздухопловни сили.
- При израелските напади што почнаа доцна во четвртокот загинале вкупно 78 лица, вклучувајќи неколкумина високи генерали и научници поврзани со нуклеарната програма. Повредени се уште 320 луѓе, повеќето од нив цивили.
- Израелски офицери тврдат дека сериозно е оштетен иранскиот капацитет за збогатување ураниум во Натанц. Меѓународната агенција за атомска енергија објави дека постројките на површината се збришани, но поголемиот дел од комплексот е во подземни бункери.
- Двајца демократски пратеници во Минесота и нивните брачни партнери биле застрелани синоќа во рок од час и половина.
- Гувернерот Тим Волц ги оцени нападите како „политички мотивирани атентати“.
- Конгресменката Мелиса Хортман била смртно ранета во нејзиниот дом во 2 часот. Убиен е и нејзиниот сопруг Марк.
- Во 3.35 часот биле застрелани сенаторот Џон Хофман и неговата сопруга Ивет. Ранети се со повеќе куршуми, но со операции им е спасен животот.
- Атентатите биле извршени во две населби во Минеаполис. Полицијата е во потрага по осомничено лице, маж во полициска униформа.
- Американските маринци испратени како зајакнување на силите за безбедност во Лос Анџелес првпат го искористија мандатот да приведат цивил.
- Поради нарушување на забранета зона бил приведен Маркос Леао, 27-годишен воен ветеран со потекло од Ангола, кој добил американско државјанство служејќи во Армијата. Го третирале добро, го предале на цивилна служба и го пуштиле.
- Маринците и резервистите од Националната гарда ќе имаат долг и тежок ден во Калифорнија. Само во Лос Анџелес за вечерва се најавени 15 масовни собири, од вкупно 1.800 контрапротести низ целата земја во исто време со големата воена парада во Вашингтон на 250-годишнината од формирањето на Армијата на САД.
- Парадата и контрапротестите се поклопуваат со 79-от роденден на Доналд Трамп.
