- Вирален џамбо текст во Њујорк Тајмс, „Кој е пријателката на лошата уметност?“ (Who is the Bad Art Friend) зборува за две познанички и колешки по писателска линија, кои започнале судска битка околу плагијаторство на лична приказна.
- Дон Дорланд донирала бубрег на непознат и се фалела со тоа на социјалните мрежи. Нејзината познаничка Соња Ларсон, американска писателка со азиско потекло, напишала расказ за претенциозна бела жена која донира бубрег, но потоа му се наметнува на оној кому му бил трансплантиран, очекувајќи да биде третирана како спасител. Расказот доживува успех но вклучува копија на реално писмо кое Дорланд му го испратила на примателот на бубрегот, а го објавила на својот ФБ профил.
- Во време кога луѓето ги постираат и најинтимните детали онлајн, кој може да каже дека навистина ја „поседува“ својата приказна, ако доброволно ја споделил со други? И дали, во отсуство на законска рамка, има зрнце морал во тоа да (зло)употребиш туѓа приказна која била споделена на нечиј Фејсбук профил, нарекувајќи го тоа „уметност“?
- Во вторник, 28 јули од 20:30 часот во Сули-ан ќе биде промовирана поетска антологиja, подготвена од проф. д-р Иван Џепароски, која обединува избрани творби од македонски и странски автори посветени на Скопje и неговата мемориja. Проектот е надополнет со фотографиите на Сашо Алушевски, кои преку визуелен jaзик сведочат за архитектонското наследство што го преживeaло земјотресот.
- Фотографската изложба опфаќа триесетина фотографии и претставува лична авторска интерпретациja на Скопje како простор во кој минатото и сегашноста постоjaно се преплетуваат. Низ фотографиите се отвораат асоциjaции за времето, сеќавањaта, насобраните конотации и симболите што со децении се таложеле околу градот и неговите обjeкти.
- Посебно место во изложбата имаат фотографии кои се изработени со посебна техника така што под дejство на сончевата светлина со текот на времето постепено ќе исчезнат, метафора за Скопje кое полека го менува своjот лик. На тоj начин, изложбата не е само навраќање кон сеќавањето на земјотресот од 1963 година, туку и размислување за современото Скопje, неговите трансформации и постепеното исчезнувањe на делови од неговиот препознатлив урбан идентитет.
- Утре ( 26 јули) во 20: 30 часот, во Музејот на Град Скопје ќе се отвори изложбата „Архив на тага: Скопје 1963“, со фотографии на етномузиколог и фоклорист Васил Хаџиманов од тажачките обреди по земјотресот. Монографијата „Тажачки песни од скопскиот земјотрес во 1963 година“ од Ана Мартиноска и Жарко Иванов беше промовирана во декември 2023.
- Веднаш по земјотресот во Скопје на 26 јули 1963, Хаџиманов со касетофон ги снимал тажачките песни или редачките на гробиштата на погребите на загинатите, потоа нотно и текстуално ги запишувал, а овие белешки и снимки стоеле долго во архивата на МАНУ, каде што ги однел неговиот син Зафир.
- Утре покрај изложбата, ќе биде промовирано и дополнетото и двојазично (на македонски и англиски) издание на книгата „Тажачки песни од скопскиот земјотрес во 1963 г. (Од архивските материјали на Васил Хаџиманов)“. Настанот се одвива во знакот на одбележувањето на 120-годишнината од раѓањето на Васил Хаџиманов.
