На камилите им е одземено правото да се натпреваруваат на Крал Абдулазис фестивалот на камили, откако било утврдено дека нивните сопственици:
- Ги боцкале со ботокс во главата и усните за да им изгледаат поголеми.
- Им ставале филери за да им опуштат лицето.
- Им ставале хормони за да им ги нагласат мускулите.
- Им нагласувале делови од телото со помош на гумени стегаши.
- Им ги ширеле усните и носевите.
Зошто некој толку да се смара и да малтретира камили? Затоа што најубавите камили се натпреваруваат за награда од околу 66 милиони долари.
Судиите на изборот ги оценуваат камилите според формата на главата на животното, вратот, грпките, како е накитена и држењето.
„Клубот е решен да ги запре сите акти на измени и измами во разубавувањето на камилите,“ пренесува Саудиската новинска агенција.
Целта на фестивалот е да се зачува улогата на камилите во традицијата и наследството на Бедуините. Самото одгледување на камили е мулти-милионска индустрија во регионот.
