Салах Алдин Кадр, уредникот и извршен продуцент, ги поттикнува вработените да прашаат "дали ова е навистина напад на слободниот говор," и да дискутираат дали "јас сум Шарли" е "слоган кој оддалечува," и дали ова беше напад на против слободниот говор и, или "европските вредности" или само "судир на екстремистички маргиналци."
"Одбраната на слободата на изразување кога е соочена со репресија е една работа; инсистирање на правото да се биде одвратен и навредив само затоа што можеш е инфантилно," пишува Кадр во својот меил.
На овој меил одговара репортерот на Ал Џезира од САД, Том Акерман, испраќајќи му на уредникот (и сите останати во мејлот) параграф од текстот на Рос Доутат во Њујорк Тајмс: "Ако доволно голема група од некои е подготвена да те убие само затоа што си рекол нешто, тогаш тоа е нешто што апсолутно мора да се каже, бидејќи во спротивно насилните би имале моќ на вето над либералната цивилизација."
Акерман добива одговор од репортерот на мрежата во Доха, Мухамед Вал Салим, кој пишува: "претпоставувам дека ако поттикнуваш некого да навредува 1,5 милијарди луѓе за нивните најсвети икони тогаш се што сакаш се само уште повеќе убиства, бидејќи како што реков во 1,5 милијарди секогаш ќе има некоја будала која не ги почитува законите или нема претстава за слободен говор... Нели е едноставно попаметно да се почитуваат светите вредности на луѓето и светите икони?" Салим мејлот го завршува со: "Она што Шарли Ебдо го направи не беше слободен говор, туку по мое мислење злоупотреба на слободниот говор, оди и пак разгледај ги карикатурите! Не се работи за тоа што го кажуваат, туку како го кажуваат. Ги осудувам овие гнасни убиства, ама ЈАС НЕ СУМ ШАРЛИ."
По ова Кадр се обидува да ја смири целата работа, пишувајќи им на сите да не заборават дека "Сите сме Ал Џезира."
Сепак во разговорот се приклучува репортерот Омар ал Салех (кој во својот меил доста либерално користи капс лок):
Прво ги осудувам бруталните убиства. Ама ЈАС НЕ СУМ ШАРЛИ.
НОВИНАРСТВОТО НЕ Е КРИМИНАЛ
НАВРЕДУВАЊЕТО НЕ Е НОВИНАРСТВО
И НЕПРАВИЛНОТО ВРШЕЊЕ НА НОВИНАРСТВОТО Е КРИМИНАЛ.
