Група научници од Универзитетот Калифорнија, Дејвис, работат на враќање на "славата" на јагодата и нејзиниот автентичен вкус. Ова можат да го постигнат само со вкрстување на различни видови јагоди, ама проблемот е што нишката на вкус е многу потешко да се изолира отколку други карактеристики како боја, големина или отпорност на болести.
"Кога зборуваме за нешто како вкус, во него се вклучени премногу компоненти: текстура, шеќер, видови шеќер, арома," објаснува Стив Кнап новиот директор на 6-децениската програма на Универзитетот Калифорнија, за вкрстување јагоди.
Тоа што е тешко, не значи дека е неизводливо, па сега научнициве прво ја утврдуваат хемиската структура на вкусот што го бараат. По ова тие вкрстуваат растенија кај кои вкусот е изразен, со растенија со блуткав вкус. Потоа ја вадат ДНК-та на двата родители и на поколенијата и почнуваат со барање на вкусот. Со споредба на физичкиот изглед и генетскиот материјал, научниците почнуваат со создавање на датабаза за тоа кој ген код е за која карактеристика.
Од вкупно 100-те ароматични соединенија на јагодите, научниците до сега имаат квалитетни генетски податоци за две.
Годишниот принос на јагоди во САД изнесува 2,2 милијарди долари (петто по вредност овошје во САД), и стравот на одгледувачите е дека ако не го средат проблемот со вкусот, луѓето ќе се префрлат на друго овошје.
