Ермес сака да ви продаде камен

Што ќе ми е камен? Се става над документи за да не ти се разлетаат. Буквално само камен? Не, и затоа е без "буквално" во наслов, има и кожно каивче на него. Кај им текнуваат вакви работи? Дел од "да не оди фира" програмата на Ермес, во која се искористуваат остатоците од производството на најразлични нивни продукти. И пошто е каменот со рециклирано каивче? Буквално 840 долари.

Камењата со каивче се рекламираат како уникатни "и дека нема да има ниту еден идентичен камен" (што во основа може да се каже за кој било камен најден во природа). Дел е од “petit h” линијата на Ермес, производи изработени од остатоците од редовното производство, со цени кои не личат така.