Мурињо реши да одмори неколку фудбалери пред финалето од шпанскиот куп, а еден од оние кои воопшто не беше во комбинација за натпреварот против Еспањол беше и Фабио Коентрао. Но Португалецот се збуни и се појави на клупата за резервни фудбалери.

Перо Антиќ беше еден од најзаслужните за големиот триумф на Олимпијакос против Реал Мадрид, а овој негов потег беше прогласен за најдобро забивање на финалето од кошаркарската Евролига.

Капитенот на кошаркарската репрезентација по втор пат се најде на врвот на Европа. Перо Антиќ беше еден од најзаслужните при победата на Олимпијакос над Реал Мадрид за одбрана на титулата во кошаркарската Евролига.

По пензионирањето на Алекс Фергусон започнаа да се шират шпекулациите околу промените во тимот на Манчестер Јунајтед, а една од гласините е поврзана со враќањето на Кристијано Роналдо, но тој самиот ги демантираше овие гласини и тоа преку прослава на гол.

Реал Мадрид и Барселона не само што беа елиминирани, туку беа и целосно надиграни од Борусија Дортмунд и Баерн Минхен, па сосема заслужено Германците сега можат да им удрат и еден добар сеир.

Борусија Дортмунд е првиот финалист во Лигата на шампиони. Реал Мадрид извојува пирова победа од 2:0 и Германците со вкупни 4:3 се пласираа во финалето од најелитното европско клупско натпреварување кое ќе се одигра на 25 мај на Вембли.

Фудбалерите на Жозе Мурињо треба да го одиграат натпреварот на годината и да блеснат во најдоброто можно издание за да ја анулираат високата предност на Борусија од првиот дуел. Пример треба да им биде Депортиво кој во 2004 година го шокираше Милан.

Главната цел на Мурињо и неговите фудбалери оваа сезона беше освојувањето на Лигата на шампионите, но по шокот кој им го приреди Левандовски, таа задача сега стана многу тешка. За резултатот од 3:0 кој им е потребен утревечер за да го заверат билетот за Лондон, Кралевите снимија видео со пораки во кое ветуваат максимална борба до самиот крај.

Екипата на Борусија Дортмунд го следеше примерот на Баерн Минхен и со четирите гола на фантастичниот Левандовски го декласираше Реал Мадрид со 4:1 на првиот полуфинален дуел од Лигата на шампионите. На повидок е германско финале.

Втората шпанско-германска битка во полуфиналето од Лигата на шампионите по втор пат оваа сезона ќе ја видиме помеѓу истите актери. Екипата на Мурињо големото финалето ќе го брка против тимот кој не знае за пораз оваа година во најелитното клупско натпреварување.

Пред почетокот, но и во текот на целата сезона, кладилниците сметаа дека Барселона е најголем фаворит за освојување на Лигата на шампиони, но го сменија своето мислење по извлекувањето на полуфиналните парови. Сега фаворити се Реал Мадрид и Баерн Минхен.

Абел Родригез е Мексиканец кој работи како чистач во метрото во Лос Анџелес. На прв поглед тој нема ништо заедничко со Жозе Мурињо, но неодамна тие станаа главни актери на една неверојатна приказна во која Родригез беше талисман на Реал Мадрид на натпреварите против Барселона и Манчестер Јунајтед.

Жозе Мурињо освен по успесите, во историјата на Реал Мадрид ќе биде запишан и по фактот што на натпревар изведе тим со само еден Шпанец.

Екипата на Малага го имаше сензационалниот пласман во полуфиналето се до 90-тата минута, но Ројс и Сантата во последните мигови од мечот го шокираа гостинот и го елиминираа со 3:2. Со ист резултат заврши и мечот во Истанбул каде Галатасарај славеше над Реал Мадрид.

Вечерашните реванш четвртфинални мечеви ќе ги даде првите два патника во големата четворка од Лигата на шампионите. Галатасарај ја има најтешката мисија против „Кралевите“ и ќе брка негатива од 3:0, а картите на мечот Борусија Дортмунд – Малага се целосно отворени со оглед на оние 0:0 од првиот меч.

Фудбалерите на Леванте во 31 минута први поведоа на Сантијаго Бернабе и го изненадија Реал Мадрид. Но за само 5 минути следеше израмнувањето и најубавиот момент на мечот кој на крајот Кралевите го завршија со „петарда“ во мрежата на гостите.

Реал Мадрид го победи Галатасарај со 3:0 и стекна голема предност која ќе им гарантира порелаксиран реванш во пеколниот Истанбул. Малага и Борусија Дортмунд одиграа натпревар со многу шанси, но без голови.

На водителите на една спортска емисија на локална ТВ станица од Истанбул, веројатно никогаш веќе нема да им текне да кажат лош збор за Галатасарај. За време на нивната вчерашна емисија тие дискутирале за натпреварот против Реал Мадрид и постојано велеле дека Галатасарај нема шанси по што веднаш следела реакција од лудите навивачи на турскиот клуб.

Фудбалското внимание во втората четвртфинална ноќ од Лигата на шампионите ќе биде свртено во Мадрид и Малага кои ќе ги нагостат екипите на Галатасарај и Борусија Дортмунд. Битката на Сантијаго Бернабе ќе се води и помеѓу најдобрите стрелци оваа сезона Роналдо и Јилмаз кои имаат по 8 гола.

Фудбалерите на Галатасарај ќе имаат дополнителна мотивација за да се пласираат во полуфиналето од Лигата на шампиони. За елиминација на Реал Мадрид тие ќе добијат по 25.000 евра.

За прв пат оваа сезона, Жозе Мурињо на тренингот на Реал Мадрид на располагање ги имаше сите 25 фудбалери.

Фан шопот на Реал Мадрид е можеби најпопуларното место во главниот град на Шпанија, каде се уште се чекаат редици за да се дојде до белиот дрес со број „7". Иако е веќе четврта сезона дел од Кралскиот тим, интересот за дресот на Роналдо постојано расте.

По неодамнешната информација за шпиунажата во таборот на Каталонскиот клуб, шпанскиот весник „Sport.es" открива сличен скандал и во таборот на Кралевите кој се случил во 2006 година, кога се одржувале претседателските избори во Реал Мадрид.

Големата фудбалска претстава во „Театарот на соништата" му припадна на Кралскиот тим кој со 2:1 го елиминираше Манчестер Јунајтед. На вториот дуел Борусија Дортмунд рутинирано си ја заврши работата против Шахтар со убедливи 3:0.