26-годишниот Бразилец кој за 222 милиони евра се пресели од Барселона во Париз досега сезонава на 28 меча има 28 гола и 16 асистенции за ПСЖ. Но тоа е сè од него:

Фудбалерите на Ливерпул вечерва остварија една од поубедливите победи во еврокуповите во клупската историја. Со 0:5 го згромија Порто на „Драгао“ и се сигурен патник во четвртфиналето. Реал кога сите го отпишуваа покажа зошто е Реал.

Пред големото дерби од Лигата на шампионите вечерва меѓу Реал и ПСЖ, францускиот клуб со себе го понел и фристајл тимот S3 да прави шоу на улиците во Мадрид.

Фудбалерите на ПСЖ синоќаа во Куп натпревар останаа без голман во финишот од средбата, но тука беше Дани Алвеш кој спаси ситуација и не прими гол.

L'Equipe ги објави платите на фудбалерите во првенството каде вреди да се оди за пари и титули само во еден клуб, оној кој во ракометна конкуренција го лапна Раул Гонзалес. Ова другово е колку да се пополни лигата.

На три и кусур месеци до крајот на сезоната во националните првенства, веќе ги имаме имињата на четирите шампиони од можни пет првенства кои ги следиме деноноќно. Да бидеме реални, никој не ги стига Баерн, Сити, Барса и ПСЖ. Мелат.

Фудбалерите на ПСЖ газат сè пред себе оваа сезона, што е нормално со таков тим. Но во таа страшно силна напаѓачка навала која привлекува голем публицитет, никој не останува рамнодушен на уличното однесување на Нејмар.

Како гром одекна веста дека Златан Ибрахимовиќ дошол во посета на Штип. Спонтано, тивко, со капче на глава, Ибра седнал во ресторан во градот а кој бил таму во моментот, се сликал со него. Што точно ги привлекува Кавани и Златан во нашата убава земја?

Фудбалерите на ПСЖ по 22 минати кола го загубија вториот меч во првенството и тоа од Лион кој сега е на -8 на втората позиција. Головите кој од кој поубав. Одиме со ред.

Фудбалерите на ПСЖ синоќа го попарија Дижон со 8:0, а Нејмар и покрај тоа што даде 4 гола заработи свирежи од своите навивачи. Во 83-та минута на 7:0 судијата свирна пенал, а Нејмар одма се излакоми да го шутира. Сè ќе беше ок, ако му го отстапеше местото на Кавани на кој му фали само еден гол да го мине Ибрахимовиќ и да стане најдобар стрелец во историјата на клубот.

Во летото 2003-та, Роналдињо премина во Барселона и на „Камп Ноу“ одигра неколку фантастични сезони (посебно 2005/2006), и како да нè спреми за јавлението на Лионел Меси.

Фудбалерите на ПСЖ го совладаа Нант на гости со 0:1, но никој не зборува за резултатот на овој дуел, туку за судијата Тони Чапрон. Играч на домашниот тим случајно го сопна арбитарот, а овој со сиот памет му врати, па уште и му даде црвен. Невидена будалаштина на судијата за кој се најавува дека ќе биде казнет.

Во 21’ минута од дуелот со Каен, тандемот на ПСЖ Килиан Мбапе и Единсон Кавани направија шоу кое ќе конкурира за гол на сезоната.

ПСЖ го има можеби најмоќниот тим на денешницата, но и останатите клубови од Лига 1 не заостануваат којзнае колку, барем кога евроголовите се во прашање. Топ10 на Лига1.

Во ноември BBC објави резултати од едногодишното истражување на Price of Football за тоа колку пари чинат билетите и сезонските карти за фудбал во сите англиски и некои европски лиги. Германците пристојни, Англичаните со претерано скапи карти.

ПСЖ безобразен против Селтик кој го декласираше со 7:1. Јувентус и Барса одиграа мирољубиво на меч во кој Меси влезе во второ полувреме. Нашиот репрезентативец учествуваше во триумфот на Спортинг од 3:1 против Олимпијакос од 85-та минута.

Оваа есен беше полна со разни новости за Нејмар кој летово 2017 за 222 милиони евра премина од Барселона во ПСЖ. Бразилецот стана најскапиот играч во историјата, но во Париз му се случуваат чудни работи.

На Мундијалот нема да гледаме легенди како Џиџи Буфон, Арјен Робен, Дидие Дрогба, Џорџо Киелини... Се надеваме само дека шведската јавност и селекторот ќе го предомислат Златан да се врати во репрезентацијата и да заигра во Русија следното лето.

Во неделниот класик на францускиот фудбал Марсеј - ПСЖ, Нејмар доби два жолти картони за пар минути и прво исклучување во дресот на Парижаните. Со овие картони „О’Неј“ на 25 години и 526 меча во кариерата собрал вкупно 8 црвени и 138 жолти картони. Колку за споредба силеџијата Пепе на 530 меча добил 123 жолти и 9 црвени картони.

ПСЖ едвај извади бод на големото дерби против Марсеј на гости а тензијата беше толку голема што во еден момент додека Нејмар се спремаше да изведува корнер, од трибините полета сè и сешто. Бразилецот во 87’ минута доби втор жолт картон и беше исклучен.

Моќниот состав на ПСЖ го попари Бордо со 6:2. Два гола на Нејмар, по еден на Кавани, Мбапе, Дракслер и Мењер. Прашањето околу победникот беше решено уште по првите 45 минути по кои ПСЖ имаше 5:1. Господинот 222 милиони евра постигна голчиште од 30 метри за сите пари. Вториот му беше од пенал по кој прв го гушна Кавани. Издвојуваме 4 од вкупно 8-те гола.

Бенфика доживеа потоп и можеби најтежок пораз во европските натпреварувања. Конте и Челси освоија екстремно важни три бода пред самата судиска свирка за крај, а Јувентус рутински го победи Олимпијакос.

За време на неделниот меч против Лион, Нејмар, Кавани и Дани Алвеш имаа неколку расправии околу тоа кој да изведе слободен удар и пенал. На крај Нејмар го тргнал Уругваецот од Инстаграм и им дал повод на новинарите да шпекулираат.

ПСЖ го победи Лион со 2-0 а притоа не даде ниту еден гол затоа што гостите си постигнаа два автогола. Еден од највпечатливите моменти на мечот беше обидот на Нејмар да го дрибла десниот бек од Холандија, Кени Тете.