По погодоците против Сампдорија и Јувентус, Елиф Елмас го запишува и третиот гол за Наполи во 2023-та, вкупно шести сезонава. Само 9 минути откако влезе во игра против Кремонезе, го зголеми резултатот на 3:0. Наполитанците имаат +16 пред Интер кој утре и гостува на Сампдорија.

Наполи со 0-3 ја растури Специја. Два гола постигна Виктор Осимен со што е убедливо прв стрелец во Серија А со 16 гола, а Наполитанците се убедливо први на табела. Интересно, на загревање пред мечот Нигериецот силно со топка погодил една девојка која стоела меѓу навивачите на домашниот тим зад голот. Тој веднаш притрчал, се качил и ѝ се извинил.

Тешко се опишува со зборови страста на Наполитанците за фудбал. Треба Пандев и Елмас да го објаснат тоа. По триумфот над Рома се наоѓаат на +13 пред вториот, идеална разлика за долгиот 33 годишен сон да им се претвори во реалност.

Рома загуби 2:1 на гостувањето против Наполи, а Елмас влезе во игра во 69-та минута. Задоволен од тимскиот дух, Жозе Мурињо побарал од играчите да овековечат една заеднична фотографија после поразот. Фудбалерите и не се нешто воодушевени од идејата.

Елиф Елмас доби 90 минути на гостувањето против Салернитана и за влакно не постигна гол, кој ќе му беше трет во 2023-та. Штета, ќе се радувавме на голчиште за македонскиот репрезентативец.

За најтрофејниот италијански клуб несвојствено е да прима по 5 гола на натпревар. Наполи на медиумите им отвори работа да копаат во историјата кога претходно им се случувале вакви порази. Со последните два е поврзан Алегри.

Кога во Италија се нарачува кафе, се мисли на еспресо, ама од викендов во Неапол најслатко и најпродавано кафе е капучиното.

Масимилијано Алегри повеќе од очигледно дека многу тешко го прими поразот од Наполи од 5:1 и сакаше да го избегне ракувањето со Спалети. Ама овој приреди јака сцена која ја уловија камерите. Јуве прима 5 гола во Серија А после 30 години.

Елиф Елмас го запиша вториот гол во 2023-та и вкупно петти сезонава во Серија А, откако синоќа лесно го реши Филип Костиќ во дуел еден на еден и го заокружи дебаклот на Јуве од 5:1. Без разлика дали е стартер или замена, веќе стана препознатлив како играч кој секогаш го дава максимумот, а тоа го вели во изјавите и Спалети. Кај нас е познат како „македонски дијамант“, а кај нив од сега како „El Massimo“ или во превод „Максимумот“.

Јувентус ја завршува одличната серија од 8 победи по ред во Серија А и тоа на најлош можен начин, со пораз од 5:1 од големиот ривал Наполи на кој пред ова коло му се доближи на -7. Нов гол за Елиф Елмас кој после оној против Удинезе, лесно се ослободи од Костиќ и стигна до петтиот сезонски погодок.

Пред мечот Сампдорија - Наполи на кој Елиф Елмас постигна гол од пенал за 0-2, навивачи на Рома и Наполи, се судриле на познатиот автопат во Италија, А1 близу градот Арецо. Тифозите на Рома дента со комбиња и автобуси патувале за Милано за меч со Милан (2:2), а навивачите на Наполи оделе за Џенова каде нивниот тим играше против Сампдорија.

Со исклучок на дуелот против Специја, Елиф Елмас на сите други четири меча како стартер за Наполи ја оправдува првотимската улога со гол или асистенција. На мечот против Сампдорија за прв пат му дадоа да шутира од пенал, а тој приликата ја искористи на перфектен начин.

Наполитанците направија рекапитулација на голчишта за 2022-ра и во топ 5 ги ставија Грузиецот Кварацхелија, Аргентинецот Симеоне, Нигериецот Осимен, Пољакот Зјелински и Македонецот Елмас. Имаат прашање до фановите: Кој е најубав за оваа година?

Додека во Катар се игра Светско, клубовите мора да бидат во добра кондиција за новите предизвици во јануари. Наполитанците се на подготовки во Анталија со играчите кои не се ангажирани за репрезентација. 

Стигнавме до станицата „Ц“ - група во која ќе игра најдобриот фудбалер на денешницата. Ќе биде интересно да се види како „гаучосите“ ќе се справат со Полска на Левандовски, со непознатата Саудиска Арабија и со секогаш незгодниот Мексико.

Елиф Елмас сезонава покажа голема професионалност и трпеливост на клупата за резервни играчи. Доби три шанси како стартер во Серија А и на сите три одговори со гол. 

Откако Елиф Елмас и Илија Несторовски со голови и асистенции го збогатија мечот Наполи - Удинезе (3:2), вечерва им се придружи и Бојан Миовски со нов гол за Абердин. Центарфорот стрелаше од пенал во 37' минута за нови три бода со кои неговиот тим е трет зад неприкосновените Селтик и Ренџерс.

Мечот Наполи - Удинезе од 15. коло во Серија А, мина со македонски шмек. Елмас ги одигра сите 90 минути и блесна со мајсторски и гол и асистенција. Но и покрај водството од 3:0, Наполитанците не беа комотни до крај бидејќи џокерот Илија Несторовски и 20 годишниот Лазар Самарџиќ, за 3 минути дадоа два гола во 79-та и 82-ра минута за конечни 3:2.  Ова е прв гол за Нестор сезонава во Серија А.

Македонскиот дијамант му покажа на Лучано Спалети зошто не е играч за на клупа. Го замени повредениот Кварацхелија и експлодираше. Наполи игра страшно и за прв пат во историјата врзува 11 победи во низа.

Царот си ги врзал од петок до недела, четири точни резултати од кипарско, грчко, хрватско и турско првенство и плус Елмас тип 2. Добивка 28.000 евра.

УЕФА ги спука во два часа и нешто ждрепките за сите три клупски европски натпреварувања.

Она што слободно можеме дека кажеме дека го личи да биде големо и убаво финале во второто по ранг клупско европско натпреварување, ждрепката сакаше да биде плејоф рунда за осминафиналната пресметка.

Епа појако и понеизвесно и не можеше да биде. Во осминафиналето на Лига на шампиони ќе гледаме две тазе репризни финалиња.

Фудбалерите на Наполи играат совршен фудбал и во 13. коло од Серија А ја совладаа силната Аталанта во Бергамо. Стрелец на победничкиот гол беше Елиф Елмас кој го прослави голот така што ги замолкна критичарите.