Во Неапол гори иако Наполи игра во Удине, Елмас чека титула

Ако некој помислил дека Наполитанците се оладиле во недела, згрешил. Ремито со Салернитана која им даде гол во 84-та минута само го одложи славјето. Наполи вечерва од 20:45 игра на гости кај Удинезе и со евентуална победа и теоретски ќе го обезбеди скудетото кое го чекаат 33 години.

Елиф Елмас вечерва би можел да стане вториот македонски репрезентативец после Горан Пандев кој прославил скудето во Серија А.

На стадионот „Сан Паоло“ во Неапол цел ден се полнат трибините и таму во живо на големи видео-бимови ќе се следи дуелот од Удине. Се спрема фешта за Осимен, Елмас и другарите.

Неапол три пати во пет дена очекува потврда на титулата. Прво ремито со Салернитана го одложи славјето, потоа Лацио синоќа со 2-0 го совлада Сасуоло и на неколку часа ја помести прославата на скудето.

Ниту еден тим јужно од Милано и Торино не ја освоил титулата уште од Рома во 2001-ва.

Денес околу 11.000 тифози на тимот од градот под Везув ќе го бодрат Наполи во Удине.

Вака беше во неделата, а денес ќе биде уште поголема журка ако победат: