Јувентус игра атипична сезона со дури 12 нерешени резултати после 19 кола во Серија А. Интересно, нема ниту еден пораз и во моментов е петти на -11 од Наполи. Имаме една хрватска и една турска мајсторија на градското дерби против Торино кое заврши 1:1. Кенан Јилдиз и Никола Влашиќ се стрелците кои го разубавија мечот.

Во третата рунда од ФА Купот, Манчестер Сити со втор тим беше немилосрден против Салфорд на кој му даде 8 парчиња. Хет-трик на Мекати, два на Доку и по еден на Мубама, Орејли, но и на Грилиш кој даде гол после пауза од 392 дена.

Меѓу извршниот директор на ФК Вардар, Миленко Неделковски и навивачите кои поседуваат 15% од акциите на клубот, дефинитивно не одат работите. Вратата денеска била затворена за вториве.

Виктор Вембанјама на 4 јануари наполни 21 година. Беше избран за прв пик на драфтот во 2023-та и на негова возраст, после 100 одиграни натпревари и само втора сезона во НБА, има бајаги за фалење.

Денвер го совлада Бруклин со 124:105, натпревар на кој Никола Јокиќ и Расел Вестбрук станаа првите играчи од иста екипа кои успеале да остварат трипл дабл на повеќе од еден меч. 35 поени, 15 асистенции и 12 скока за Јокиќ за трипл дабл број 162 во кариерата. 25 поени, 11 скока и 10 асистенции за Вестбрук кој го запиша 214-от трипл дабл.

Енди Мареј на 13 јануари ќе дебитира како тренер на Новак Ѓоковиќ на големата Гренд слем сцена на Австралија опен. Четири финалиња загуби од него и падна мајтап сега откако се од иста.

Или поточно фрлање пари во вода. Тоа беше Нејмар во 2024-та. За секој допир со топката во текот на годината, Арапите му плаќале над 1 милион евра.

Едни земаат предолг залет, други се тегнат 5 саата за да го збунат голманот, трети потскокнуваат како Белингем против Димитриевски. Во Бразил на меч од категоријата за играчи до 20 години ќе ви покажат како се шутира пенал. Чиста работа.

На социјалните мрежи се врти клип од Душан Влаховиќ, најверојатно од хотел, каде се наоѓа со пријател и пет жени. Не би требало да има проблеми, бидејќи видеото е од 29 мај 2023-та кога поради повреда не играл на мечот против Милан и плус тука уште не е женет.

Новак Ѓоковиќ излезе со шокантни тврдења поврзани со неговата најнеславна епизода на Австралија опен, кога го депортираа од земјата поради тоа што не беше вакциниран.

Фулам го совлада Ватфорд со 4:1 во 3. коло од ФА Купот. Одиме прво со бомбата на гостите, голчиште зад кое стои Роко Вата, а потоа со првиот гол на мечот кој го постигна Родриго Муниз. Ја закова ко шајка.

Нетипична сцена во англискиот фудбал, каде одредени деца се привилегирани да стојат рамо до рамо со ѕвездите. Па уште и девојче, не баш мало.

Нов меч на Реал Мадрид, нови тензии. Како претплатени да се. Овој пат во второто полуфинале од Супер Купот против Мајорка кое го добија со 3:0. И се разбира се знае кој е главниот, Винисиус, кој прво се оправаше на терен, а потоа и во тунелот. Ама и Белингем не бил за машала. Заушки му удираше на Пабло Мафео.

Турска (не)прецизност на сезоната.

Во ракомет честопати голманите ги решаваат натпреварите со познатата формула „спуштање ролетни“. Но тоа знае да се случува и во фудбалот. Некој се потрудил на едно место да собере бајаги лудачки интервенции, сите за најавни шпици.

Каков лик беше Марсело. Додадена вредност на Реал Мадрид. 16 сезони, 25 трофеи, преку 500 настапи. Имаме компилација од 1 минута. Милина за гледање.

Англискиот ФА Куп важи за најстарото фудбалско натпреварување на светот. Вечерва би можело да се случи вечно младиот Ешли Јанг (39 години) да испише историја со неговиот 18-годишен син Тајлер Јанг.

На моќно ретро налетавме, полно со тешкаши, а старо точно четврт век. Златното доба на италијанско.

Новак Ѓоковиќ на 12-ти јануари ќе стартува на уште едно Отворено првенство на Австралија, нему омилено, каде освои неверојатни 10 шампионски титули. Ѓоковиќ веќе неколку дена е во земјата на кенгурите каде се подготвува за турнирот, а игра и на ревијални натпревари. На еден таков натпревар во мешани двојки, учесниците го викаа син му Стефан да се симне да поигра со нив, но тој одби.

Фудбалскиот клуб Лацио, еден од најстарите во Италија, слави 125-ти роденден. На плоштадот на слободата (Piazza della Libertà) во Рим се собрале околу десетина илјади тифози на Лацио кој одбројувале пред полноќ. Вечер исполнета со многу огномети, пиротехника, шалови и песна. Среќен роденден Лацио!

Во Хрватска велат дека е роден наследниот на Дражен Петровиќ. Се вика Тони Гарма, има 14 години, а на 12 држел просек од 44 поени по натпревар. На Цибона и дал импозантни 73 поени. Чудо од дете.

Бугарската скијачка ѕвезда Алберт Попов направи сензационален успех откако славеше на ноќниот слалом на Светски Куп во Мадона ди Кампиљо (Италија). Попов на тој начин стана само вториот Бугарин во историјата кој победил на Светскиот Куп.

Маскотите, како што во Англија ги викаат децата кои заедно со играчите фатени за рака излегуваат на теренот пред натпреварот се мошне забавен дел од секој меч. Коментаторот на Скај Спорт констатира дека оние на Тотенхем од недела во недела се најсмешни, најзабавни. Така беше и синоќа пред мечот со Ливерпул од полуфинале на Лига Куп. Едно дете му дофрли на Ван Дајк:

Фудбалерите на Барселона го победија Атлетик Билбао 2-0 во полуфиналето на шпанскиот Суперкуп кој се игра во Саудиска Арабија. Мечот го одбележија сјајните Гави со гол во 17-та минута и Ламин Јамал со погодок во 52. минута за конечни 2:0. Барселона во финале ќе го чека победникот од дуелот Реал Мадрид - Мајорка кој се игра вечерва од 20.00 часот.