Лотито во 2020-та, ненадејно плати 20 милиони евра за напаѓачот од Фенербахче, Ведат Муриќи. Навивачите на Лацио го сметаа за најголема превара од играч. Остана сезона и пол и за 49 натпревари постигна 2 гола. Во Мајорка е веќе четири и пол сезони и оваа му е врвот. 21 погодок на 30 натпревари, само 2 помалку од Мбапе и 6 повеќе од Јамал. По двата комада против Рајо изминатиот викенд му скандираа: „Златна топка“, а овој им гестикулираше да не се чакнати. Има 32 гола на 68 средби за Косово. Се препороди.

Имаме видео во кое кошарката се спојува со уметноста. Не знаеме дали МВП наградата ќе му припадне нему, но знаеме дека овој човек, висок 198 см и тежок 137 кг, кој ја заврши оваа сезона со просек од трипл-дабл (27,7 поени, 12,9 скока, 10,7 асистенции), станувајќи прв играч во историјата на прво место, истовремено по број на скокови и асистенции, дефинитивно е еден од најсилните плејмејкери на сите времиња.

Милан Лазаревски - Мечка, ќе ви објасни од прилика колку е зезнато да се игра ракомет на неговата позиција.

Главна тема во бразилската јавност е дали селекторот Карло Анчелоти да го повика Нејмар на Светско првенство 2026 летово. Анчелоти не го стави на список фудбалерот на Сантос за последниот собир а прашање е дали ќе го вика за Мундијалот. Италијанецот се консултирал и со Лула, претседателот на Бразил.

Душко Вујошевиќ создаде бројни генерации врвни кошаркари. А во таа славна ера култен лик беше Миша Тумбас, искрена душа од белградскиот асфалт кој живееше само за Партизан. Како социјален случај играчите, навивачите и тренерите често му купувале храна и му носеле алишта. Тој беше познат како вика од трибините со својот грубијански глас а беше како дете во тело на стар човек.

Ја имаме навивачката фотографија на денот. Комити во акција во Франција по повод гостувањето на Вардар против Бордо, во првото коло од Купот на УЕФА на 25 септември 1995-та. Јака екипа е ова составена од Манки, Жути, Капар, Мац Црни. Допишете во коментар ако препознаете уште некој.

Како да има некоја дупка во одбраната на Барселона а? И тоа една иста.

Баерн и Реал приредија фудбалска претстава за сите пари и со сите нишани. Со куп голчишта, картони, груба игра, црвени, ВАР...Рудигер му влезе намерно на Станишиќ и тоа во акцијата кога Мбапе даде гол за 2:3. Играта продолжи.

Прштеа фрустрации и нервоза кај фудбалерите на Реал Мадрид по загубениот реванш со Баерн Минхен на кој дури 3 пати водеа и имаа резултат кој ги води во полуфинале на Лига на шампиони. После мечот Арда Ѓулер доби црвен картон зошто им се пушти на судиите а Џуд Белингем со сета сила го рогна ВАР мониторот кој можеше да падне и да се оштети.

Денешниот ден е во знакот на Баерн Минхен кој дури 3 пати губеше и се враќаше против Реал Мадрид. На својата „Алијанц Арена“ Баварците на крај победија 4-3 и после триуфмот и во Шпанија обезбедија полуфинале против ПСЖ. Нивните навивачи уживаат. И навивачки.

Популарната „салатара“, еден од најсимпатичните трофеи кои се доделуваат за шампион во германската Бундеслига, веќе немал простор за на него да се изгравира името на новиот првак. Нема проблем, нашле решение кај еден кујунџија од Бремен кој направил нов, поголем и поширок.

Во четвртфиналето од Конкакаф Купот на шампиони, Сиетл Сандерс со 3-1 го совлада Тигрес УАНЛ од Мексико. Стрелец на вториот погодок за домаќините беше македонскиот репрезентативец Дени Мусовски, а на овој натпревар гостинскиот играч Диего Лаинез имал глума на сезоната.

Во голема нервоза помина синоќешниот реванш од четвртфиналето на Лига на шампиони. Прштеше сè од фаули, прекршоци, тензија. Винисиус во еден момент го оттурна и фаулираше Кимих ама не доби ниту жолт картон. За што се бунеше цел натпревар никому не му е јасно.

Фудбалерите на Баерн Минхен и Арсенал се последни полуфиналисти откако вечерва успешно ги одиграа реваншите со Реал Мадрид и Спортинг Лисабон. Баварците губеа дури три пати, три пати се враќаа и на крај славеа 4-3 на преполната „Алијанц Арена“.

Арда Ѓулер постигна гол уште во 36-та секунда од реваншот Баерн Минхен - Реал Мадрид по кардинална, незапаметена грешка на голманот Мануел Нојер кој му ја подари топката пред празен гол. Сјајниот Турчин потоа постигна преубав гол од слободен удар. Баерн израмнуваше а до полувреме Мбапе го донесе Реал во водство 2-3!

На македонските портали се рашири информација дека играчите на Вардар се спремаат за штрајк, бидејќи аргентинските фудбалери биле единствените кои целосно и без доцнење земале плата. Извршениот директор на клубот, Миленко Неделковски ги демантира тие тврдења со Фејсбук статус.

Ривер Плејт во недела на 19-ти април го пречекува најголемиот и најомразен ривал Бока Јуниорс на својот „Монументал“. Ривер се крена откако на клупа седна новиот тренер Едуардо Кудет со кого врзаа неколку позитивни резултати во серија и се втори на табела во Аргентина. Бока ја чека котел.

Бразилски Сантош ремизираше 1-1 против Депортиво Реколета во рамките на 2. коло на Копа Судамерикана (пандан на Лига Европа во Јужна Америка). Нејмар постигна гол за бод а овој резултат ги разочарал навивачите со кои некогашната ѕвезда на Барселона и ПСЖ влезе во конфликт.

Јури Месијас од екипата на Валета е стрелец на гол-кандидат за наградата „Ференц Пушкаш“ на крајот од оваа сезона. Тој против Гзира Јунајтед постигнал страшно голчиште од средина на игралиштето.

На дуелот меѓу екипите на Национална Банка и Ал Мокавлун во египетската Премиер лига, во 77' минута домаќинот израмнил но судијата чекал три минути да види ВАР и да се консултира со ВАР собата дали имало офсајд. Откако досудил дека голот е чист фудбалерот Уфа го бакнал во главата. На крај Национална Банка славела 2-1.

На 5 кола до крајот на германскиот шампионат, Баерн има +12 пред Дортмунд, што значи дека му преостанува уште математички да ја осигура титулата. Каде ќе се изгравира нивното име кога просторот на трофејот е полн со прваци?

ПСЖ релативно лесно се справи со Ливерпул и го елиминираше со две победи од по 2:0. Реваншот можеше да биде многу поинтересен и да влезе во неизвесност. Ван Дајк в раце го имаше водството од 1:0 во првиот дел. Маркињос спаси чист гол и збесна од радост.

Навивачите на Баерн Минхен ноќеска цела ноќ пукале огномети пред хотелот каде престојува Реал Мадрид пред реваншот од 1/4 финале на Лига на шампиони каде Баерн ќе брани гостинска победа од 1-2. Мбапе, Винисиус и другарите биле будени со силни детонации на пиротехника. Оваа пракса е вообичаена кај турските навивачи.

Најдобриот кошаркар на Шарлот Хорнетс Ламело Бол на почетокот на натпреварот со Мајами Хит за пласман во доигрувањето во НБА, намерно го фаулираше лидерот на Хит Бам Адебајо кој се спружи на земја колку што е висок, се повреди и веќе не се врати до крајот во игра.